#Dulquer Salmaan #Vehicle Smuggling Case #Tax Evasion #Customs Investigation #Bhutan Registered Vehicles #Interrogation #Kochi Customs
(https://moviemax.in/) ഭൂട്ടാനിൽ നിന്ന് നികുതി വെട്ടിച്ച് വാഹനങ്ങൾ കടത്തിയെന്ന കേസിൽ നടൻ ദുൽഖർ സൽമാനെതിരായ അന്വേഷണം കസ്റ്റംസ് ശക്തമാക്കി. കേസിൽ നേരത്തെ നാല് വാഹനങ്ങൾ പിടിച്ചെടുത്തിരുന്നെങ്കിലും, ദുൽഖറിന്റെ പക്കൽ ഇനിയും നാല് വാഹനങ്ങൾ കൂടി ഉണ്ടെന്ന് കസ്റ്റംസ് കണ്ടെത്തിയിട്ടുണ്ട്. ഈ വാഹനങ്ങൾ കണ്ടെത്താനായി ഇതര സംസ്ഥാനങ്ങൾ കേന്ദ്രീകരിച്ചും പരിശോധന വ്യാപിപ്പിക്കാനാണ് അധികൃതരുടെ തീരുമാനം.
ദുല്ഖറിനെ വീണ്ടും ചോദ്യം ചെയ്യാനും കസ്റ്റംസ് തീരുമാനിച്ചിട്ടുണ്ട്. കേസില് രണ്ടുദിവസം മുമ്പ് കസ്റ്റംസ് സംഘം ദുല്ഖറിനെ ചോദ്യം ചെയ്തിരുന്നു. കൊച്ചിയിലെ കസ്റ്റംസ് ഓഫീസില് നടന്ന ചോദ്യം ചെയ്യല് ഏഴ് മണിക്കൂറോളമാണ് നീണ്ടത്.
നികുതി വെട്ടിച്ച് കടത്തിയ വാഹനങ്ങളാണ് താന് വാങ്ങിയതെന്ന് അറിയില്ലായിരുന്നുവെന്നാണ് ദുല്ഖര് കസ്റ്റംസിന് നല്കിയ മൊഴി. വാഹന കള്ളക്കടത്ത് റാക്കറ്റുമായി ബന്ധമില്ല. കൈവശമുള്ള വാഹനങ്ങള്ക്ക് കൃത്യമായ രേഖകള് ഉണ്ടെന്നും ദുല്ഖര് നല്കിയ മൊഴിയിലുണ്ട്.
ഭൂട്ടാന് വാഹനക്കടത്തുമായി ബന്ധപ്പെട്ട് നടത്തിയ റെയ്ഡിനിടെ ദുല്ഖറിന്റെ നിസ്സാന് പട്രോള്, ഡിഫന്ഡര്, ലാന്ഡ് ക്രൂയിസര് വാഹനങ്ങള് നേരത്തെ പിടിച്ചെടുത്തിരുന്നു. കളമശ്ശേരിയിലെ ഷോറൂമില് നിന്നാണ് നിസ്സാന് പട്രോള് പിടിച്ചെടുത്തത്. ലക്കി ഭാസ്കര് എന്ന ചിത്രത്തില് ഉപയോഗിച്ച വാഹനമായിരുന്നു ഇത്.
ഇതില് ഡിഫന്ഡര് വിട്ടുനല്കണം എന്നാവശ്യപ്പെട്ട് ദുല്ഖര് കോടതിയെ സമീപിച്ചിരുന്നു. പിന്നാലെ ദുല്ഖറിനെതിരെ കസ്റ്റംസ് ഹൈക്കോടതിയില് ഗുരുതര ആരോപണങ്ങള് ഉന്നയിച്ചെങ്കിലും ഡിഫന്ഡര് വിട്ടുനല്കുന്നത് പരിഗണിക്കണമെന്നായിരുന്നു ഹൈക്കോടതി ഇടക്കാല ഉത്തരവിറക്കിയത്. കസ്റ്റംസ് നിയമത്തിലെ സെക്ഷന് 110 എ പ്രകാരം അന്വേഷണപരിധിയിലുള്ള വാഹനങ്ങള് ഉടമകള്ക്ക് വിട്ടുനല്കാന് കഴിയുമെന്നും വാഹനം വിട്ടുനല്കുന്നില്ലെങ്കില് അതിന്റെ കാരണം രേഖാമൂലം അറിയിക്കണമെന്നും ഹൈക്കോടതി നിര്ദേശിച്ചിരുന്നു.
Content Highlight: Bhutan vehicle smuggling case: Probe into more of Dulquer Salmaan's vehicles intensifies; he will be questioned again.
#Dulquer Salmaan #Vehicle Smuggling Case #Tax Evasion #Customs Investigation #Bhutan Registered Vehicles #Interrogation #Kochi Customs
