കണ്ണൂര്: (https://truevisionnews.com/) മത്സരിക്കാന് താല്പര്യമില്ലാതിരുന്നിട്ടും നിര്ബന്ധിച്ച് മത്സരിപ്പിച്ചു. ജയിക്കില്ലെന്ന് എല്ലാവര്ക്കും അറിയാമായിരുന്നുവെന്നു. പേരാവൂരില് മത്സരിപ്പിച്ചതില് സിപിഐഎം സംസ്ഥാന സെക്രട്ടറിയേറ്റില് കടുത്ത അതൃപ്തി അറിയിച്ച് കെ കെ ശൈലജ.
കഴിഞ്ഞ നിയമസഭാ തെരഞ്ഞെടുപ്പില് മട്ടന്നൂരില് നിന്നും വന്ഭൂരിപക്ഷത്തോടെ വിജയിച്ച കെ കെ ശൈലജയ്ക്ക് ഇത്തവണ പേരാവൂരില് സിപിഐഎം കോട്ടകളില് നിന്നുള്ള വോട്ട് പോലും ലഭിച്ചിരുന്നില്ല. പായത്ത് 1500 വോട്ടിന്റെ ഭൂരിപക്ഷം പോലും കെ കെ ശൈലജയ്ക്ക് ലഭിച്ചില്ല.
ഇവിടെ നിന്നും മൂവായിരത്തിന് മുകളില് വോട്ടുകള് ലഭിക്കുമെന്നായിരുന്നു പ്രതീക്ഷിച്ചിരുന്നത്. നാട്ടുകാരിയായ ശൈലജ 13 ബൂത്തുകളിലാണ് പായത്ത് മുന്നിട്ട് നിന്നതെങ്കില് സണ്ണി ജോസഫ് 12 ഇടങ്ങളില് ലീഡ് ചെയ്തു. സിപിഐഎം ഭരിക്കുന്ന ഇരിട്ടി നഗരസഭയിലും ശൈലജയെ പിന്നിലാക്കി സണ്ണി ജോസഫ് മുന്നേറി. 2200 വോട്ടിന്റെ മേല്ക്കൈയാണ് നഗരസഭയില് നിന്നു മാത്രം യുഡിഎഫിന് ലഭിച്ചത്.
32 ബൂത്തുകളുള്ള നഗരസഭയില് ഇരുപതിലും സണ്ണി ജോസഫ് കരുത്തറിയിച്ചു. മുഴക്കുന്ന്, മുടക്കോഴി മല എന്നിവ ഉള്പ്പെടുന്ന മുഴക്കുന്ന പഞ്ചായത്തിലും ശൈലജയ്ക്ക് കാലിടറി. 700 വോട്ടിന്റെ ലീഡ് മാത്രമാണ് ഇവിടെ എല്ഡിഎഫിന് ലഭിച്ചത്. യുഡിഎഫിന്റെ പ്രധാന കേന്ദ്രമായ അയ്യന്കുന്നില് സണ്ണി ജോസഫ് വന് മുന്നേറ്റമുണ്ടാക്കി.
സമാനമായി 1500ഓളം വോട്ടിന്റെ ഭൂരിപക്ഷം പ്രതീക്ഷിച്ച പേരാവൂരിും ശൈലജയ്ക്ക് മുന്നൂറില് താഴെ വോട്ടിന്റെ ലീഡ് മാത്രമേ ഉയര്ത്താന് കഴിഞ്ഞുള്ളൂ. പേരാവൂരിലെ 20ല് 12 ബൂത്തിലും സണ്ണി ജോസഫ് ശക്തി തെളിയിച്ചു. അതേസമയം ആറളം, കേളകം, കൊട്ടിയൂര്, കണിച്ചാര് പഞ്ചായത്തുകളില് യഥാക്രമം 3900, 1477, 1640, 2184 വോട്ടിന്റെ ഭൂരിപക്ഷം യുഡിഎഫ് നേടി.
KKShailaja expresses deep dissatisfaction over being fielded in Peravoor
