കോഴിക്കോട്: (https://truevisionnews.com/) കൊടുവള്ളി മദ്രസ ബസാറില് വാഹനാപകടം . ഏഴുപേര്ക്ക് പരിക്ക്. തെറ്റായ ദിശയില് അമിത വേഗതയിലെത്തിയ കാര്, ലോറിയിലും മറ്റൊരു കാറിലും ഇടിച്ചാണ് അപകടമുണ്ടായത്.
കൈതപ്പൊയില് സ്വദേശികളായ ആദം(6), ഫര്സാന(27), സലീം(53), സുഹൈല്(25), റസിയ(47), കൊയിലാണ്ടി മുണ്ടോത്ത് സ്വദേശിനി മോഹിനി(70), താമരശ്ശേരി കുടുക്കില്ഉമ്മാരം സ്വദേശിനി വനജ(52) എന്നിവര്ക്കാണ് പരിക്കേറ്റത്.
താമരശ്ശേരി ഭാഗത്ത് നിന്നും കോഴിക്കോട് ഭാഗത്തേക്ക് പോവുകയായിരുന്ന ലോറിയില് എതിര്ദിശയില് വന്ന മാരുതി സുസുക്കി റിറ്റ്സ് കാര് ഇടിച്ചു കയറുകയായിരുന്നു. ഈ കാറിലുണ്ടായിരുന്ന അഞ്ച് പേര്ക്കും സാരമായി പരിക്കേറ്റിട്ടുണ്ട്. കൂടാതെ മറ്റൊരു കാറില് വിവാഹത്തില് പങ്കെടുത്ത് മടങ്ങുകയായിരുന്ന സംഘത്തിലെ രണ്ട് പേര്ക്കുമാണ് പരിക്കേറ്റത്.
പരിക്കേറ്റ കൈതപ്പൊയില് സ്വദേശികളേയും മുണ്ടോത്ത് സ്വദേശി മോഹിനിയയും കൊടുവള്ളിയിലെ സ്വകാര്യ ആശുപത്രിയിലും തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലും പ്രവേശിപ്പിച്ചു.
Three vehicles collided in Koduvally; Seven injured
.jpeg)
