---
title: "മകളോട് ഒര് അച്ഛനും പറയാത്തത് ആണ് അവര്‍ എന്നെ കുറിച്ച് പറഞ്ഞത്, നിമിഷ"
english_title: "What a father never told his daughter was what they said about me, moment"
publisher: "moviemax.in"
canonical_url: "https://moviemax.in/news/34555/what-a-father-never-told-his-daughter-was-what-they-said-about-me-moment"
published_at: "2022-03-29T12:46:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6242b2c4271e6_nimishha.jpg"
keywords: []
---

# മകളോട് ഒര് അച്ഛനും പറയാത്തത് ആണ് അവര്‍ എന്നെ കുറിച്ച് പറഞ്ഞത്, നിമിഷ

> **Lead Summary:** ബിഗ്ഗ് ബോസ് സീസണ്‍ 4 ലെ ബോള്‍ഡ് ആയിട്ടുള്ള മത്സരാര്‍ത്ഥികളില്‍ ഒരാളാണ് നിമിഷ. ജനനം മുതല്‍ താന്‍ അനുഭവിയ്ക്കുന്ന ഒറ്റപ്പെടലിനെ കുറിച്ച് ആദ്യം ദിവസം തന്നെ നിമിഷ വെളിപ്പെടുത്തുകയണ്ടായി. സാധാരണ ഒരു അച്ഛനില്‍ നിന്നും അമ്മയില്‍ നിന്നും ലഭിയ്ക്കുന്ന സ്‌നേഹമൊന്നും തനിയ്ക്ക് ലഭിച്ചിട്ടില്ല എന്നും ഇപ്പോഴും ശാരീരികമായും മാനസികമായും വേദനിപ്പിക്കാറുണ്ട് എന്നും നിമിഷ പറയുന്നു.

## Article Content

ബിഗ്ഗ് ബോസ് സീസണ്‍ 4 ലെ ബോള്‍ഡ് ആയിട്ടുള്ള മത്സരാര്‍ത്ഥികളില്‍ ഒരാളാണ് നിമിഷ. ജനനം മുതല്‍ താന്‍ അനുഭവിയ്ക്കുന്ന ഒറ്റപ്പെടലിനെ കുറിച്ച് ആദ്യം ദിവസം തന്നെ നിമിഷ വെളിപ്പെടുത്തുകയണ്ടായി. സാധാരണ ഒരു അച്ഛനില്‍ നിന്നും അമ്മയില്‍ നിന്നും ലഭിയ്ക്കുന്ന സ്‌നേഹമൊന്നും തനിയ്ക്ക് ലഭിച്ചിട്ടില്ല എന്നും ഇപ്പോഴും ശാരീരികമായും മാനസികമായും വേദനിപ്പിക്കാറുണ്ട് എന്നും നിമിഷ പറയുന്നു.

ഞാന്‍ ജനിയ്ക്കുന്നത് തന്നെ വലിയൊരു നിരാശയിലേക്കാണ്. അച്ഛനും അമ്മയും ഒരു ആണ്‍കുഞ്ഞിനെ പ്രതീക്ഷിച്ച് നില്‍ക്കുമ്പോഴാണ് എന്റെ വരവ്. അന്ന് മുതല്‍ തുടങ്ങിയ കുറ്റപ്പെടുത്തലുകളും ഒറ്റപ്പെടുത്തലും അനിയന്റെ ജനന ശേഷം കൂടി.

എല്ലാ കാര്യത്തിലും തന്നെ തളര്‍ത്താനാണ് അവര്‍ ശ്രമിച്ചത്. ആ വാശിയ്ക്ക് ഞാന്‍ പഠിച്ചു. അക്കാഡമിക് ഉണ്ടെങ്കില്‍ എല്ലാം ആയി എന്നായിരുന്നു അപ്പോള്‍ എന്നെ വിശ്വാസം. പക്ഷെ അത് കൊണ്ട് ഒന്നും ആയില്ല. പിന്നീട് ഞാന്‍ മോഡലിങിലേക്ക് ശ്രദ്ധ കൊടുത്തു.

പക്ഷെ അതിനും ഒട്ടും പിന്തുണയ്ക്കുമായിരുന്നില്ല. മോഡലിങിന് പോകുന്നതിനെ ചൊല്ലി കഴിഞ്ഞ ആഴ്ചയും വഴക്കുണ്ടായി. ശാരീരികമായി മാത്രമല്ല, വാക്കുകള്‍ കൊണ്ട് മാനസികമായും എന്നെ മുറിപ്പെടുത്തും. കഴിഞ്ഞ ദിവസം രാത്രി ഞാന്‍ പോയി വന്നപ്പോള്‍ അച്ഛന്‍ പിടിച്ചു. ഒരു മകളോടും ഒരു അച്ഛനും പറയാത്ത കാര്യമാണ് അവര്‍ എന്റെ മുഖത്ത് നോക്കി പറഞ്ഞത്. മോഡലിങിന്റെ പേരില്‍ ഞാന്‍ പലരുടെയും മുന്‍പില്‍ തുണി അഴിക്കാറുണ്ട് എന്ന്.

എന്റെ സുഹൃത്തുക്കള്‍ എല്ലാം അച്ഛനെയും അമ്മയെയും അവര്‍ നല്‍കുന്ന സ്‌നേഹത്തെയും കുറിച്ച് പറയുമ്പോള്‍ ഞാന്‍ അസൂയപ്പെടാറുണ്ട്. എന്തുകണ്ട് ആണ് എനിക്ക് മാത്രം അത് കിട്ടാത്തത് എന്ന് ഓര്‍ത്ത് സങ്കടപ്പെടാറുണ്ട്. പിന്നെ തോന്നി എന്തിനാണ് ഞാന്‍ വെറുതേ അവരുടെ തല്ല് വാങ്ങുന്നത്, എന്റെ ഇഷ്ടത്തിന് അനുസരിച്ച് ജീവിയ്ക്കുക എന്ന് തന്നെ. എനിക്ക് എന്റെ അച്ഛനോടും അമ്മയോടും ഇമോഷണലി അറ്റാച്ച്‌മെന്റ് തോന്നിയിട്ടില്ല

എന്നാല്‍ നിമിഷയുടെ സംസാരത്തോട് ഒരു കുഞ്ഞിന്റെ അമ്മയായ ലക്ഷ്മിയ്ക്ക് യോജിക്കാന് കഴിഞ്ഞില്ല. എത്രയൊക്കെ എതിര്‍പ്പ് ഉണ്ടായിരുന്നുവെങ്കിലും നിമിഷയ്ക്ക് നല്ല വിദ്യാഭ്യാസം നല്‍കിയില്ലേ.

രാത്രി മതില്‍ ചാടിയിട്ടല്ലേ വഴക്ക് പറഞ്ഞത്, കാര്യങ്ങള്‍ സാവധാനം സംസാരിച്ചു കൂടെ എന്നൊക്കെയുള്ള ലക്ഷ്മിയുടെ സംസാരത്തോട് ജാസ്മിന്‍ ഒട്ടും യോജിച്ചില്ല. 28 വയസ്സുള്ള പെണ്‍കുട്ടിയ്ക്ക് അഭിപ്രായങ്ങള്‍ സ്വന്തമായി എടുക്കാം എന്നാണ് ജാസ്മിന്‍ പറഞ്ഞത്

### Related Links & Sources
- [Original Story Source](https://moviemax.in/news/34555/what-a-father-never-told-his-daughter-was-what-they-said-about-me-moment)