---
title: "അവളാണ് എന്നെ തള്ളിവിടുന്നത് '; രാഷ്ട്രീയ പ്രവേശനത്തിൽ ഭാര്യയുടെ പിന്തുണയെക്കുറിച്ച് അഖിൽ മാരാർ"
english_title: "Akhil Marar on his wife's support in entering politics"
publisher: "moviemax.in"
canonical_url: "https://moviemax.in/news/343320/akhil-marar-on-his-wifes-support-in-entering-politics"
published_at: "2026-02-21T12:45:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/69995c3f7c0d1_movie1.jpg"
keywords: []
---

# അവളാണ് എന്നെ തള്ളിവിടുന്നത് '; രാഷ്ട്രീയ പ്രവേശനത്തിൽ ഭാര്യയുടെ പിന്തുണയെക്കുറിച്ച് അഖിൽ മാരാർ

> **Lead Summary:** **കൊച്ചി: [**[ ] അഖിൽ മാരാർ സജീവ രാഷ്ട്രീയത്തിലേക്ക് ചുവടുവെക്കുമ്പോൾ, പൂർണ്ണ പിന്തുണയുമായി ഭാര്യ ലക്ഷ്മിയും ഒപ്പമുണ്ട്. കഴിഞ്ഞ ദിവസമാണ് അഖിൽ ട്വന്റി ട്വന്റിയിൽ അംഗത്വമെടുത്തത്.

## Article Content

**കൊച്ചി: [**[ ] അഖിൽ മാരാർ സജീവ രാഷ്ട്രീയത്തിലേക്ക് ചുവടുവെക്കുമ്പോൾ, പൂർണ്ണ പിന്തുണയുമായി ഭാര്യ ലക്ഷ്മിയും ഒപ്പമുണ്ട്. കഴിഞ്ഞ ദിവസമാണ് അഖിൽ ട്വന്റി ട്വന്റിയിൽ അംഗത്വമെടുത്തത്.

രാഷ്ട്രീയത്തിൽ ഇറങ്ങുന്നത് ഭാര്യയ്ക്ക് ഇഷ്ടമാണെന്നും അവളാണ് തന്നെ പ്രോത്സാഹിപ്പിക്കുന്നതെന്നും ഒരു സ്വകാര്യ ചാനൽ പരിപാടിക്കിടെ അഖിൽ വെളിപ്പെടുത്തി. നടൻ ജഗദീഷും തന്റെ രാഷ്ട്രീയ പ്രവേശനത്തെ പിന്തുണച്ചതായി താരം കൂട്ടിച്ചേർത്തു.

നിലവിൽ എൻഡിഎ സ്ഥാനാർത്ഥിയായി കൊട്ടാരക്കരയിൽ മത്സരിക്കാനുള്ള ചർച്ചകൾ പുരോഗമിക്കുകയാണ്. പൂർണ്ണമായും ബിജെപിയുമായി യോജിക്കാൻ കഴിയാത്തതിനാലാണ് ട്വന്റി ട്വന്റി വഴി എൻഡിഎയുടെ ഭാഗമാകുന്നതെന്നും അഖിൽ വ്യക്തമാക്കി.

> "പല മേഖലകളിൽ ദൈവം കഴിവ് തന്നതാണ് എനിക്ക് പറ്റിയ കുഴപ്പം. ബിഗ് ബോസിൽ കലയും കായികവും സംസാരവുമെല്ലാം ഒരേപോലെ ഉപയോഗിക്കാൻ സാധിച്ചു. രാഷ്ട്രീയത്തിലും എനിക്ക് മികച്ച രീതിയിൽ പ്രവർത്തിക്കാൻ കഴിയുമെന്ന് വിശ്വാസമുണ്ട്," അഖിൽ പറഞ്ഞു.

താൻ ഖദറിട്ട് നടന്നിരുന്ന കാലം തൊട്ടേ ലക്ഷ്മിക്ക് തന്റെ രാഷ്ട്രീയ താൽപ്പര്യം അറിയാമെന്നും, രാഷ്ട്രീയ സംഘർഷത്തിനിടെ തലയ്ക്ക് പരിക്കേറ്റു ചോരയൊലിപ്പിച്ചു വന്നപ്പോൾ പോലും അവർ ധൈര്യം നൽകിയെന്നും അദ്ദേഹം ഓർത്തെടുത്തു.

അഖിൽ രാഷ്ട്രീയത്തിൽ ഇറങ്ങുന്നതിൽ തനിക്ക് സന്തോഷമേയുള്ളൂവെന്നും അദ്ദേഹം വളരെ നേർക്കുനേർ സംസാരിക്കുന്ന പ്രകൃതക്കാരനാണെന്നും ഭാര്യ ലക്ഷ്മിയും പ്രതികരിച്ചു. മുൻപ് കോൺഗ്രസ് പ്രവർത്തകനായിരുന്ന അഖിലിന്റെ പുതിയ തീരുമാനത്തിന് നടൻ ഉണ്ണി മുകുന്ദൻ ഉൾപ്പെടെയുള്ള പ്രമുഖർ ആശംസകൾ നേർന്നിട്ടുണ്ട്.

തന്റെ നിലപാടുകളിൽ ഉറച്ചു നിൽക്കുമെന്നും ആരുടെയും കയ്യിലെ കളിപ്പാവയാകാൻ താൻ തയ്യാറല്ലെന്നും അഖിൽ മാരാർ ആവർത്തിച്ചു വ്യക്തമാക്കി.

### Related Links & Sources
- [Original Story Source](https://moviemax.in/news/343320/akhil-marar-on-his-wifes-support-in-entering-politics)