തിരുവനന്തപുരം: (https://truevisionnews.com/) കാരുണ്യ പ്ലസ് ലോട്ടറി എടുത്തവർ ശ്രദ്ധിക്കുക, നിങ്ങളുടെ ഭാഗ്യവിധി അറിയാൻ ഒരു ദിവസം കൂടി കാത്തിരിക്കണം! നാളെ (ഫെബ്രുവരി 12) നടക്കേണ്ടിയിരുന്ന കാരുണ്യ പ്ലസ് (KN-610) നറുക്കെടുപ്പ് മാറ്റിവെച്ചു.
അഖിലേന്ത്യ അടിസ്ഥാനത്തിൽ തൊഴിലാളികൾ പണിമുടക്കുന്നതിനാലാണ് നാളത്തെ കാരുണ്യ പ്ലസ് ഭാഗ്യക്കുറിയുടെ നറുക്കെടുപ്പ് തൊട്ടടുത്ത ദിവസമായ 13-ാം തിയതിയിലേക്ക് മാറ്റിയത്.
മറ്റന്നാള് ഉച്ചയ്ക്ക് 1.30-ന് കാരുണ്യ പ്ലസിന്റെ നറുക്കെടുപ്പ് നടക്കും. പണിമുടക്ക് കാരണം ടിക്കറ്റുകൾ വിറ്റുതീർക്കാൻ തൊഴിലാളികൾക്ക് സാധിക്കില്ലെന്ന കേരള സംസ്ഥാന ഭാഗ്യക്കുറി സംരക്ഷണ സമിതിയുടെ ആവശ്യപ്രകാരമാണ് തീരുമാനം. കേരള പേപ്പർ ലോട്ടറി (റെഗുലേഷൻ) നിയമം, ചട്ടം 8(6) - ന് വിധേയമായാണ് തീരുമാനം.
Karunya Plus (KN-610) lottery draw postponed.
