പത്തനംതിട്ട: ( www.truevisionnews.com ) ജീവിച്ചിരിക്കുന്ന ഒരാളോട് സ്വന്തം മരണ സർട്ടിഫിക്കറ്റ് ഹാജരാക്കാൻ ആവശ്യപ്പെട്ട് പഞ്ചായത്തിന്റെ നോട്ടീസ്! പത്തനംതിട്ട പ്രമാടം പഞ്ചായത്തിലാണ് ഉദ്യോഗസ്ഥരുടെ ഭാഗത്തുനിന്നും ഗുരുതര വീഴ്ച സംഭവിച്ചിരിക്കുന്നത്. ഇളകൊള്ളൂർ സ്വദേശിയായ ഗോപിനാഥൻ നായർക്കാണ് താൻ മരിച്ചെന്ന് തെളിയിക്കുന്ന രേഖകൾ ഹാജരാക്കാൻ നിർദേശിച്ച് നോട്ടീസ് ലഭിച്ചത്. സാമൂഹിക സുരക്ഷാ പെൻഷൻ റദ്ദാക്കുന്നതിന്റെ ഭാഗമായാണ് പഞ്ചായത്ത് അധികൃതർ ഈ വിചിത്രമായ നടപടി സ്വീകരിച്ചത്. മൂന്നു ദിവസത്തിനകം മരണ സർട്ടിഫിക്കറ്റ് ഹാജരാക്കണമെന്നാണ് നിർദേശം.
അതേസമയം, 64 കാരനായ ഗോപിനാഥനെ ആധാർ കാർഡുമായി ഇന്ന് പഞ്ചായത്തിൽ നേരിട്ട് എത്തിച്ച ജീവിച്ചിരിപ്പുണ്ടെന്ന് ബോധ്യപ്പെടുത്താൻ ആണ് മകന്റെ ശ്രമം. ജോയിൻ്റ് ഡയറക്ടറുടെ ഓഫീസിൽനിന്ന് ലഭിച്ച പട്ടികയുടെ അടിസ്ഥാനത്തിലാണ് നോട്ടീസ് അയച്ചതെന്നാണ് പഞ്ചായത്ത് സെക്രട്ടറിയുടെ വിശദീകരണം.
Panchayat issues strange directive, issuing notice to living person to produce death certificate
