---
title: "ദിലീപിനെ തിരിച്ചെടുക്കാനുള്ള നീക്കം; ഫെഫ്കയിൽ നിന്ന് ഭാഗ്യലക്ഷ്മി രാജിവെച്ചു"
english_title: "Move to bring back Dileep; Bhagyalakshmi resigns from FEFKA"
publisher: "moviemax.in"
canonical_url: "https://moviemax.in/news/330196/move-to-bring-back-dileep-bhagyalakshmi-resigns-from-fefka-new"
published_at: "2025-12-09T12:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6937cff8c0a13_bagyalakshmi.jpg"
keywords: []
---

# ദിലീപിനെ തിരിച്ചെടുക്കാനുള്ള നീക്കം; ഫെഫ്കയിൽ നിന്ന് ഭാഗ്യലക്ഷ്മി രാജിവെച്ചു

> **Lead Summary:** **** ദിലീപിനെ തിരിച്ചെടുക്കാനുള്ള നീക്കത്തിൽ പ്രതിഷേധിച്ച് ഡബ്ബിങ് ആർട്ടിസ്റ്റ് ഭാഗ്യലക്ഷ്മി ഫെഫ്കയിൽ നിന്ന് രാജിവെച്ചു. ദിലീപിനെ കുറ്റവിമുക്തനാക്കിയ കോടതി വിധിയിൽ ഭാഗ്യലക്ഷ്മി കഴിഞ്ഞ ദിവസം വിമർശിച്ചിരുന്നു. നേരത്തേ എഴുതിവെച്ച വിധിയാണിതെന്നും അതിനപ്പുറം ഒന്നു പ്രതീക്ഷിച്ചിട്ടില്ല എന്നുമായിരുന്നു മാധ്യമപ്രവർത്തകരോട് അവർ പ്രതികരിച്ചത്.

## Article Content

**** ദിലീപിനെ തിരിച്ചെടുക്കാനുള്ള നീക്കത്തിൽ പ്രതിഷേധിച്ച് ഡബ്ബിങ് ആർട്ടിസ്റ്റ് ഭാഗ്യലക്ഷ്മി ഫെഫ്കയിൽ നിന്ന് രാജിവെച്ചു. ദിലീപിനെ കുറ്റവിമുക്തനാക്കിയ കോടതി വിധിയിൽ ഭാഗ്യലക്ഷ്മി കഴിഞ്ഞ ദിവസം വിമർശിച്ചിരുന്നു. നേരത്തേ എഴുതിവെച്ച വിധിയാണിതെന്നും അതിനപ്പുറം ഒന്നു പ്രതീക്ഷിച്ചിട്ടില്ല എന്നുമായിരുന്നു മാധ്യമപ്രവർത്തകരോട് അവർ പ്രതികരിച്ചത്.

''കൈയിൽ കിട്ടിയ ഇത്രയധികം തെളിവുകൾ ഉണ്ടായിട്ടും സാക്ഷികൾ ഉണ്ടായിട്ടും അതൊന്നും കണ്ടില്ലെന്ന് നടിച്ച് വിധി പറയാൻ പറ്റുമോ എന്ന് സംശയമുണ്ട്. ഇപ്പോഴും ഞാൻ അവളോടൊപ്പം തന്നെയാണ്. അതുകൊണ്ടാണ് തിരുവനന്തപുരത്ത് നിന്ന് തൃശൂരിലെ വീട്ടിലെത്തിയത്.

അയാൾ നിഷ്‍കളങ്കൻ എന്നു ആരൊക്കെ പറഞ്ഞാലും ഞങ്ങൾ ആരും വിശ്വസിക്കാൻ പോകുന്നില്ല. മരണം വ​രെ അവളോടൊപ്പം നിൽക്കും. എന്തുകൊണ്ട് ഈ വിധി എന്ന് ചോറുണ്ണുന്ന ഓരോരുത്തർക്കും മനസ്സിലാകും. അതിജീവിത ഇതുവരെ അനുഭവിച്ച ട്രോമയൊക്കെ മതി. ഇനി ഇതിനേക്കാൾ ഒന്നും അവൾക്ക് പറയാനില്ല. ഇത്തരത്തിലുള്ള അനുഭവങ്ങളെ അതിജീവിക്കുന്ന പെൺകുട്ടികൾക്ക് മാതൃകയായാണ് ഈ ​കേസിൽ അവൾ നിലകൊണ്ടത്.

ഇനി എന്തുചെയ്യണം എന്ന് ഞങ്ങൾ ആലോചിച്ചു​ ​കൊണ്ടിരിക്കുന്നു. അത് വരും ദിവസങ്ങളിൽ അവൾ തന്നെ പറയും. 95 ശതമാനം കേരളീയരും അവളോടൊപ്പം നിന്നവരാണെന്ന് നമുക്ക് അറിയാം.

കേസിൽ കൂറുമാറിയവരും പ്രതിക്കൊപ്പം നിൽക്കുന്നവരും മനസ്സിലാക്കേണ്ടത്, ഇത് ഒരു സ്ത്രീയുടെ കേസാണെന്നാണ്. സ്വന്തത്തിനും അവനവന്റെ വീട്ടിലും അവനവന്റെ സഹോദരിമാർക്കും പെൺമക്കൾക്കും ഇത്തരം ഒരവസ്ഥ വരുമ്പോൾ അന്നവർ പഠിക്കും​''- ഭാഗ്യലക്ഷ്മി പറഞ്ഞു.

### Related Links & Sources
- [Original Story Source](https://moviemax.in/news/330196/move-to-bring-back-dileep-bhagyalakshmi-resigns-from-fefka-new)