---
title: "അത്രേം സ്നേഹിച്ചിട്ട് ആമി പെട്ടന്ന് മാറി....?  താലികെട്ടിയതോടെ 'സമ്മർ ഇൻ ബത്‌ലഹേം' ക്ലൈമാക്‌സിലേക്ക്; ഒഴിവാക്കിയ ഭാഗത്തെക്കുറിച്ച് സിബി മലയിൽ"
english_title: "'Summer in Bethlehem' re-release sibi malayil"
publisher: "moviemax.in"
canonical_url: "https://moviemax.in/news/326913/summer-in-bethlehem-re-release-sibi-malayil"
published_at: "2025-11-20T13:48:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/691ed46225a65_WhatsApp_Image_2025-11-20_at_1.59.47_PM.jpeg"
keywords: []
---

# അത്രേം സ്നേഹിച്ചിട്ട് ആമി പെട്ടന്ന് മാറി....?  താലികെട്ടിയതോടെ 'സമ്മർ ഇൻ ബത്‌ലഹേം' ക്ലൈമാക്‌സിലേക്ക്; ഒഴിവാക്കിയ ഭാഗത്തെക്കുറിച്ച് സിബി മലയിൽ

> **Lead Summary:** ** മ**ലയാളികളുടെ എക്കാലത്തെയും പ്രിയപ്പെട്ട ചിത്രങ്ങളിൽ ഒന്നായ 'സമ്മർ ഇൻ ബത്‌ലഹേം' റീ-റിലീസിന് ഒരുങ്ങുമ്പോൾ, ചിത്രവുമായി ബന്ധപ്പെട്ട് സംവിധായകൻ സിബി മലയിൽ നടത്തിയ വെളിപ്പെടുത്തലുകൾ ശ്രദ്ധേയമാകുന്നു. ചിത്രത്തിൽ അതിഥി വേഷത്തിലെത്തിയ മോഹൻലാലിന്റെ ഒരു സുപ്രധാന രംഗം തിയേറ്ററിൽ നിന്ന് ഡിലീറ്റ് ചെയ്യാനുണ്ടായ കാരണം അദ്ദേഹം വെളിപ്പെടുത്തി.

## Article Content

** മ**ലയാളികളുടെ എക്കാലത്തെയും പ്രിയപ്പെട്ട ചിത്രങ്ങളിൽ ഒന്നായ 'സമ്മർ ഇൻ ബത്‌ലഹേം' റീ-റിലീസിന് ഒരുങ്ങുമ്പോൾ, ചിത്രവുമായി ബന്ധപ്പെട്ട് സംവിധായകൻ സിബി മലയിൽ നടത്തിയ വെളിപ്പെടുത്തലുകൾ ശ്രദ്ധേയമാകുന്നു. ചിത്രത്തിൽ അതിഥി വേഷത്തിലെത്തിയ മോഹൻലാലിന്റെ ഒരു സുപ്രധാന രംഗം തിയേറ്ററിൽ നിന്ന് ഡിലീറ്റ് ചെയ്യാനുണ്ടായ കാരണം അദ്ദേഹം വെളിപ്പെടുത്തി.

മോഹൻലാൽ അവതരിപ്പിച്ച കഥാപാത്രം വെറുമൊരു 'കാമിയോ' വേഷത്തിൽ ഒതുങ്ങിയത് എന്തുകൊണ്ടായിരുന്നെന്നും, റീ-റിലീസ് പതിപ്പിൽ ആ സീൻ ഉൾപ്പെടുത്താൻ ശ്രമിച്ചതിലെ പ്രതിസന്ധിയും സിബി മലയിൽ വിശദീകരിച്ചു.

ഡിലീറ്റ് ചെയ്തത് രണ്ട് സീനുകൾ: തിയേറ്റർ ഉടമയുടെ മുന്നറിയിപ്പ്

സുരേഷ് ഗോപി, ജയറാം, മഞ്ജു വാര്യർ എന്നിവർ കേന്ദ്രകഥാപാത്രങ്ങളെ അവതരിപ്പിച്ച ചിത്രത്തിൽ, മോഹൻലാലിന്റെ കഥാപാത്രം ജയിൽ സീനിലാണ് അവസാനമായി പ്രത്യക്ഷപ്പെട്ടത്. എന്നാൽ ഇതിനു മുൻപ് ഒരു സുപ്രധാന രംഗം കൂടി ലാലിന് ഉണ്ടായിരുന്നുവെന്ന് സിബി മലയിൽ പറയുന്നു.

> ***"താലി കെട്ടിയ ശേഷം ബോധം പോയ ലാലുവിനെ മഞ്ജുവിൻ്റെ വീട്ടുകാർ കൺവിൻസ് ചെയ്യുന്ന ഒരു രംഗം ഉണ്ടായിരുന്നു. ഏകദേശം പത്ത് മിനിറ്റോളം നീളുന്ന ഈ രംഗത്തിനിടയിൽ മോഹൻലാൽ വീണ്ടും വരുന്ന ഒരു സീനും ഉണ്ടായിരുന്നു," ***സിബി മലയിൽ പറഞ്ഞു.

> എന്നാൽ, ആദ്യദിനം സിനിമ കണ്ട തിയേറ്റർ ഉടമ സിയാദ് കോക്കർ വിളിച്ചു പറഞ്ഞ കാര്യമാണ് ഈ സീനുകൾ ഡിലീറ്റ് ചെയ്യാൻ കാരണം.*** "ആ സീനിന്റെ ആവശ്യം ഇല്ലെന്ന് സിയാദ് വിളിച്ചു പറഞ്ഞു. കാരണം, ലാലു മരിച്ചെന്ന് അറിയുമ്പോൾ ആളുകൾ അസ്വസ്ഥരാകുന്നുണ്ട്. ഇതിനിടയിൽ അത്രയും വലിയ സീൻ നിന്നാൽ ആളുകൾക്ക് അത് താങ്ങാനാവില്ല. അതോടെ ആ സീനുകൾ കട്ട് ചെയ്യാൻ തീരുമാനിച്ചു***," അദ്ദേഹം കൂട്ടിച്ചേർത്തു.

ലാലു താലി കെട്ടി ബോധം പോയതിന് ശേഷം മഞ്ജു ചിരിച്ചുകൊണ്ട് റെയിൽവേ സ്റ്റേഷനിൽ നിൽക്കുന്നതിലേക്ക് നേരിട്ട് പോയപ്പോൾ ഒരു 'ജമ്പ് കട്ട്' ഫീൽ ചെയ്യുമെന്ന് കരുതിയിരുന്നുവെങ്കിലും, തിയേറ്ററിൽ അത് പ്രശ്നമായില്ല.

> റീ-റിലീസിൽ ഈ ഡിലീറ്റ് ചെയ്ത രംഗം ഉൾപ്പെടുത്തി ഒരു സർപ്രൈസ് നൽകാൻ ശ്രമിച്ചു എന്നും സിബി മലയിൽ വെളിപ്പെടുത്തി. "പുതിയ പതിപ്പിൽ ഇത് കൊണ്ടുവരാൻ ഞാൻ ശ്രമിച്ചു. പക്ഷെ നല്ല നെഗറ്റീവ് പ്രിന്റ് കിട്ടിയില്ല. അതുകൊണ്ട് ആ രംഗം ഈ റീ-റിലീസിലും ഉണ്ടാകില്ല," സിബി മലയിൽ പറഞ്ഞു. മോഹൻലാലിന്റെ വേഷം തിയേറ്ററിൽ എത്തുന്നത് വരെ ഒരു 'സർപ്രൈസ്' ആയി വെക്കാനായിരുന്നു ടീം തീരുമാനിച്ചിരുന്നത്.

### Related Links & Sources
- [Original Story Source](https://moviemax.in/news/326913/summer-in-bethlehem-re-release-sibi-malayil)