---
title: "ഐ.ടി ജീവനക്കാരനെ തട്ടിക്കൊണ്ടുപോയ കേസ്​ റദ്ദാക്കണമെന്ന്​ ലക്ഷ്മി ആർ. മേനോന്‍റെ ഹരജി"
english_title: "Lakshmi RMenon's petition to quash the case of kidnapping of an IT employee"
publisher: "moviemax.in"
canonical_url: "https://moviemax.in/news/322201/lakshmi-rmenons-petition-to-quash-the-case-of-kidnapping-of-an-it-employee"
published_at: "2025-10-23T21:52:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68fa56bc35ec4_lakshmi.jpg"
keywords: []
---

# ഐ.ടി ജീവനക്കാരനെ തട്ടിക്കൊണ്ടുപോയ കേസ്​ റദ്ദാക്കണമെന്ന്​ ലക്ഷ്മി ആർ. മേനോന്‍റെ ഹരജി

> **Lead Summary:** ** **ബാറിലുണ്ടായ വാക്തർക്കത്തെ തുടർന്ന് ഐ.ടി ജീവനക്കാരനെ തട്ടിക്കൊണ്ടുപോയി മർദ്ദിച്ചവശനാക്കി ഉപേക്ഷിച്ച കേസ്​ റദ്ദാക്കണമെന്നാവശ്യപ്പെട്ട്​ മൂന്നാംപ്രതിയായ സിനിമ നടി ലക്ഷ്മി ആർ. മേനോൻ ഹൈകോടതിയിൽ. എറണാകുളം ടൗൺ നോർത്ത് പൊലീസ് രജിസ്റ്റർ ചെയ്ത കേസിൽ മുൻകൂർജാമ്യത്തിൽ കഴിയുമ്പോഴാണ്​ കേസ്​ റദ്ദാക്കാനുള്ള ഹരജി.

## Article Content

** **ബാറിലുണ്ടായ വാക്തർക്കത്തെ തുടർന്ന് ഐ.ടി ജീവനക്കാരനെ തട്ടിക്കൊണ്ടുപോയി മർദ്ദിച്ചവശനാക്കി ഉപേക്ഷിച്ച കേസ്​ റദ്ദാക്കണമെന്നാവശ്യപ്പെട്ട്​ മൂന്നാംപ്രതിയായ സിനിമ നടി ലക്ഷ്മി ആർ. മേനോൻ ഹൈകോടതിയിൽ. എറണാകുളം ടൗൺ നോർത്ത് പൊലീസ് രജിസ്റ്റർ ചെയ്ത കേസിൽ മുൻകൂർജാമ്യത്തിൽ കഴിയുമ്പോഴാണ്​ കേസ്​ റദ്ദാക്കാനുള്ള ഹരജി.

ഹരജിയിൽ സർക്കാറിന്‍റെ വിശദീകരണം തേടിയ ജസ്റ്റിസ് സി.എസ്. ഡയസ്, നവംബർ ഏഴിന് വീണ്ടും പരിഗണിക്കാൻ മാറ്റി. ആഗസ്റ്റ്​ 24ന് രാത്രി എറണാകുളത്തെ റസ്റ്റാറന്‍റിൽവെച്ച് പരാതിക്കാരനും സുഹൃത്തുക്കളും തന്നെയും കൂടെയുണ്ടായിരുന്ന വനിത സുഹൃത്തിനെയും അവഹേളിക്കാൻ ശ്രമിക്കുകയും കാറിൽ പിന്തുടരാൻ ശ്രമിക്കുകയും ചെയ്​തെന്ന്​ തന്‍റെ പരാതിയുണ്ട്​.

പരാതിക്കാരനുമായി പ്രശ്നം ഒത്തുതീർത്തതാണ്​. പരാതി തെറ്റിദ്ധാരണയുടെ പേരിലായിരുന്നെന്ന്​ കക്ഷികൾ അറിയിച്ച സാഹചര്യം ചൂണ്ടിക്കാട്ടിയാണ്​ നേരത്തേ മുൻകൂർ ജാമ്യം അനുവദിച്ചത്. ഈ സാഹചര്യത്തിൽ കേസ്​ റദ്ദാക്കണമെന്നാണ്​ ആവശ്യം.

### Related Links & Sources
- [Original Story Source](https://moviemax.in/news/322201/lakshmi-rmenons-petition-to-quash-the-case-of-kidnapping-of-an-it-employee)