---
title: "'സിനിമ മതിയാക്കിയാലോ? ലോകയുടെ വിജയമാണ് ഏറ്റവും വലുതെന്ന് കരുതരുത്'; കല്യാണി പ്രിയദർശൻ"
english_title: "Kalyani Priyadarshan has now revealed that she was considering quitting the film after this huge success."
publisher: "moviemax.in"
canonical_url: "https://moviemax.in/news/318027/kalyani-priyadarshan-has-now-revealed-that-she-was-considering-quitting-the-film-after-this-huge-success"
published_at: "2025-10-01T10:37:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68dcb723eff21_desfs.jpg"
keywords: []
---

# 'സിനിമ മതിയാക്കിയാലോ? ലോകയുടെ വിജയമാണ് ഏറ്റവും വലുതെന്ന് കരുതരുത്'; കല്യാണി പ്രിയദർശൻ

> **Lead Summary:** **[** കല്യാണി പ്രിയദർശൻ നായികയായി വന്ന് മലയാള സിനിമയിലെ എക്കാലത്തെയും വലിയ വിജയമായി മാറിയ ചിത്രമാണ് 'ലോക ചാപ്റ്റർ 1: ചന്ദ്ര'. ഡൊമിനിക് അരുൺ സംവിധാനം ചെയ്ത ഈ സിനിമ ആഗോള ബോക്സ് ഓഫീസിൽ 260 കോടിയിലധികം നേടി ചരിത്രം സൃഷ്ടിച്ചു. ഈ വലിയ വിജയത്തിന് ശേഷം സിനിമ ഉപേക്ഷിച്ചാലോ എന്ന് താൻ ആലോചിച്ചിരുന്നതായി കല്യാണി പ്രിയദർശൻ ഇപ്പോൾ വെളിപ്പെടുത്തിയിരിക്കുകയാണ്.

## Article Content

**[** കല്യാണി പ്രിയദർശൻ നായികയായി വന്ന് മലയാള സിനിമയിലെ എക്കാലത്തെയും വലിയ വിജയമായി മാറിയ ചിത്രമാണ് 'ലോക ചാപ്റ്റർ 1: ചന്ദ്ര'. ഡൊമിനിക് അരുൺ സംവിധാനം ചെയ്ത ഈ സിനിമ ആഗോള ബോക്സ് ഓഫീസിൽ 260 കോടിയിലധികം നേടി ചരിത്രം സൃഷ്ടിച്ചു. ഈ വലിയ വിജയത്തിന് ശേഷം സിനിമ ഉപേക്ഷിച്ചാലോ എന്ന് താൻ ആലോചിച്ചിരുന്നതായി കല്യാണി പ്രിയദർശൻ ഇപ്പോൾ വെളിപ്പെടുത്തിയിരിക്കുകയാണ്.

> "ലോകയുടെ വിജയത്തിന് ശേഷം ഇനി എന്തു ചെയ്യണമെന്ന് അറിയാത്ത ഒരു അവസ്ഥ വന്നപ്പോൾ, സിനിമ മതിയാക്കിയാലോ എന്ന് ഞാൻ ചിന്തിച്ചു. അപ്പോഴാണ് എന്റെ അച്ഛൻ എനിക്കൊരു ഉപദേശം നൽകിയത്. 'ചിത്രം' എന്ന സിനിമ ഒരു വർഷം തിയേറ്ററിൽ ഓടിയപ്പോൾ താൻ എല്ലാം നേടിയെന്ന് കരുതി. എന്നാൽ അതിനുശേഷം 'കിലുക്കം' പുറത്തിറങ്ങി. അതുകൊണ്ട്, ഇപ്പോൾ കിട്ടിയ വിജയമാണ് ഏറ്റവും വലുതെന്ന് കരുതരുത്, മറിച്ച് പരിശ്രമം തുടർന്ന് മുന്നേറണം" എന്നായിരുന്നു അച്ഛന്റെ വാക്കുകൾ. അച്ഛന്റെ ഈ ഉപദേശം തനിക്ക് വലിയ പ്രചോദനമായെന്നും ലോകയുടെ സക്സസ് ഇവന്റിൽ വെച്ച് കല്യാണി പറഞ്ഞു.

**മലയാളത്തിലെ ആദ്യ ലേഡി സൂപ്പർ ഹീറോ**

മികച്ച അഭിപ്രായങ്ങൾ നേടി 'ലോക' ഇപ്പോഴും തിയേറ്ററുകളിൽ പ്രദർശനം തുടരുകയാണ്. ഒരു ഫീമെയിൽ സെൻട്രിക് ചിത്രം ഇന്ത്യൻ സിനിമയിൽ നേടുന്ന ഏറ്റവും വലിയ കളക്ഷൻ റെക്കോർഡ് കൂടിയാണ് ഈ സിനിമ സ്വന്തമാക്കിയത്. മലയാളത്തിലെ ആദ്യത്തെ ലേഡി സൂപ്പർ ഹീറോ ചിത്രം എന്ന പ്രത്യേകതയോടെയാണ് 'ലോക' എത്തിയത്. കള്ളിയങ്കാട്ട് നീലി എന്ന ഐതിഹ്യത്തെ അടിസ്ഥാനമാക്കിയാണ് ചിത്രത്തിന്റെ കഥ. ദുൽഖർ സൽമാന്റെ വേഫെറർ ഫിലിംസ് നിർമ്മിച്ച ഏഴാമത്തെ ചിത്രമായ 'ലോക - ചാപ്റ്റർ വൺ: ചന്ദ്ര' ബോക്സ് ഓഫീസിൽ വിജയകരമായി മുന്നോട്ട് പോവുകയാണ്. റിലീസ് ചെയ്ത് വെറും 7 ദിവസം കൊണ്ട് തന്നെ ചിത്രം 100 കോടി ക്ലബ്ബിൽ എത്തിയിരുന്നു. അഞ്ച് ഭാഗങ്ങളുള്ള ഒരു സൂപ്പർ ഹീറോ സിനിമാറ്റിക് യൂണിവേഴ്സിലെ ആദ്യ ചിത്രമാണിത്.

### Related Links & Sources
- [Original Story Source](https://moviemax.in/news/318027/kalyani-priyadarshan-has-now-revealed-that-she-was-considering-quitting-the-film-after-this-huge-success)