---
title: "'എന്റെ തല, എന്റെ ഫുൾ ഫിഗർ ഇതൊന്നും എനിക്ക് സിനിമയിൽ വേണമെന്ന് നിർബന്ധമില്ല'; മനസ്സ് തുറന്ന് നസ്‌ലെൻ"
english_title: "I don't necessarily want my head my full figure in the movie -Nazlen new update"
publisher: "moviemax.in"
canonical_url: "https://moviemax.in/news/309369/i-dont-necessarily-want-my-head-my-full-figure-in-the-movie-nazlen-new-update"
published_at: "2025-08-18T14:37:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68a2f34a4a77f_4645641.jpg"
keywords: []
---

# 'എന്റെ തല, എന്റെ ഫുൾ ഫിഗർ ഇതൊന്നും എനിക്ക് സിനിമയിൽ വേണമെന്ന് നിർബന്ധമില്ല'; മനസ്സ് തുറന്ന് നസ്‌ലെൻ

> **Lead Summary:** ** **എല്ലാ സിനിമകളിലും മുഖ്യ കഥാപാത്രമായിത്തന്നെ വരണമെന്ന് തനിക്ക് നിർബന്ധമില്ലെന്ന് നടൻ നസ്‌ലെൻ. കഥാപാത്രങ്ങളുടെ വ്യത്യസ്തതയാണ് തന്നെ ആകർഷിക്കുന്നതെന്നും, അതുകൊണ്ടാണ് 'ലോക', 'ആലപ്പുഴ ജിംഖാന' പോലുള്ള സിനിമകളുടെ ഭാഗമായതെന്നും അദ്ദേഹം ഒരു അഭിമുഖത്തിൽ വെളിപ്പെടുത്തി.

## Article Content

** **എല്ലാ സിനിമകളിലും മുഖ്യ കഥാപാത്രമായിത്തന്നെ വരണമെന്ന് തനിക്ക് നിർബന്ധമില്ലെന്ന് നടൻ നസ്‌ലെൻ. കഥാപാത്രങ്ങളുടെ വ്യത്യസ്തതയാണ് തന്നെ ആകർഷിക്കുന്നതെന്നും, അതുകൊണ്ടാണ് 'ലോക', 'ആലപ്പുഴ ജിംഖാന' പോലുള്ള സിനിമകളുടെ ഭാഗമായതെന്നും അദ്ദേഹം ഒരു അഭിമുഖത്തിൽ വെളിപ്പെടുത്തി.

> "ലോകയിലും അത്തരമൊരു നായകൻ തന്നെയാണ്. എന്റെ തല, എന്റെ ഫുൾ ഫിഗർ വേണമെന്ന നിർബന്ധം എനിക്കില്ല. ഞാൻ ഇതുവരെ ചെയ്യാത്ത ഒരു കഥാപാത്രമാണ് ലോകയിലേത്. കഥയിൽ വ്യത്യസ്തതയുണ്ട്, സിനിമയുടെ സ്കെയിലും വലുതാണ്. ഇതൊരു പുതിയ ശ്രമമായതുകൊണ്ട് അതിന്റെ ഭാഗമാകാൻ എനിക്ക് താല്പര്യമുണ്ട്."

> തനിക്കെതിരെ സോഷ്യൽ മീഡിയയിൽ വരുന്ന വാർത്തകളെക്കുറിച്ചും നസ്‌ലെൻ പ്രതികരിച്ചു. "'ടിക്കി ടാക്ക' എന്ന സിനിമയിൽ നിന്ന് എന്നെ പുറത്താക്കി എന്നുവരെ ആളുകൾ പറഞ്ഞു. ഞാൻ ആ ടീമിനൊപ്പം ചേരാൻ രണ്ട് ദിവസം ബാക്കി നിൽക്കുമ്പോഴാണ് ഈ വാർത്ത ഞാൻ കാണുന്നത്. 'ആസിഫ് അലിയേക്കാൾ കൂടുതൽ പണം ചോദിച്ചു' എന്നൊക്കെ ആളുകൾക്ക് തോന്നുന്നത് അവർ എഴുതിവിടുന്നതാണ്," നസ്‌ലെൻ പറഞ്ഞു.

> ​ഇന്ത്യൻ സിനിമയിലെ ആദ്യത്തെ വനിതാ സൂപ്പർഹീറോയെ അവതരിപ്പിക്കുന്ന ചിത്രമാണ് 'ലോക'. സംവിധായകൻ ഡൊമിനിക് അരുൺ ഒരുക്കുന്ന ഈ ബിഗ് ബജറ്റ് ചിത്രത്തിൽ കല്യാണി പ്രിയദർശൻ ആണ് സൂപ്പർഹീറോ കഥാപാത്രത്തെ അവതരിപ്പിക്കുന്നത്. "ലോക" എന്ന പേരുള്ള സിനിമാറ്റിക് യൂണിവേഴ്സിലെ ആദ്യ ചിത്രമാണ് "ചന്ദ്ര". ടീസർ പുറത്തിറങ്ങിയതോടെ ചിത്രത്തിന് വലിയ സ്വീകാര്യതയാണ് ലഭിക്കുന്നത്.

### Related Links & Sources
- [Original Story Source](https://moviemax.in/news/309369/i-dont-necessarily-want-my-head-my-full-figure-in-the-movie-nazlen-new-update)