---
title: "'സത്യമായും ഇതെന്റെ ആദ്യത്തെ ഫാൻബോയ് നിമിഷമാണ്' സുഷിൻ ശ്യാമിന് എ.ആർ. റഹ്‌മാന്റെ 'ഫോളോ'; വൈറലായി ഇൻസ്റ്റഗ്രാം സ്റ്റോറി"
english_title: "This is honestly my first fanboy moment Sushin Shyams Instagram story goes viral after following AR Rahman"
publisher: "moviemax.in"
canonical_url: "https://moviemax.in/news/309350/this-is-honestly-my-first-fanboy-moment-sushin-shyams-instagram-story-goes-viral-after-following-ar-rahman"
published_at: "2025-08-18T13:21:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/68a2dd94bf4dc_867.jpg"
keywords: []
---

# 'സത്യമായും ഇതെന്റെ ആദ്യത്തെ ഫാൻബോയ് നിമിഷമാണ്' സുഷിൻ ശ്യാമിന് എ.ആർ. റഹ്‌മാന്റെ 'ഫോളോ'; വൈറലായി ഇൻസ്റ്റഗ്രാം സ്റ്റോറി

> **Lead Summary:** **** ഇന്ത്യൻ സംഗീതലോകത്തെ അതികായനായ എ.ആർ. റഹ്‌മാൻ, മലയാളത്തിലെ യുവ സംഗീതസംവിധായകൻ സുഷിൻ ശ്യാമിനെ ഇൻസ്റ്റഗ്രാമിൽ ഫോളോ ചെയ്തത് ഇപ്പോൾ വാർത്തകളിൽ ഇടം നേടിയിരിക്കുകയാണ്. ഈ സന്തോഷം സുഷിൻ തന്നെയാണ് തന്റെ ഇൻസ്റ്റഗ്രാം സ്റ്റോറിയിലൂടെ ആരാധകരുമായി പങ്കുവെച്ചത്.

## Article Content

**** ഇന്ത്യൻ സംഗീതലോകത്തെ അതികായനായ എ.ആർ. റഹ്‌മാൻ, മലയാളത്തിലെ യുവ സംഗീതസംവിധായകൻ സുഷിൻ ശ്യാമിനെ ഇൻസ്റ്റഗ്രാമിൽ ഫോളോ ചെയ്തത് ഇപ്പോൾ വാർത്തകളിൽ ഇടം നേടിയിരിക്കുകയാണ്. ഈ സന്തോഷം സുഷിൻ തന്നെയാണ് തന്റെ ഇൻസ്റ്റഗ്രാം സ്റ്റോറിയിലൂടെ ആരാധകരുമായി പങ്കുവെച്ചത്.

​'സത്യമായും ഇതെന്റെ ആദ്യത്തെ ഫാൻബോയ് നിമിഷമാണ്. അനുകമ്പാപൂർവ്വമുള്ള സന്ദേശത്തിന് നന്ദി സാർ' എന്ന കുറിപ്പോടെയാണ് സുഷിൻ ഈ നിമിഷം ആഘോഷിച്ചത്. ലോകമെമ്പാടുമുള്ള ദശലക്ഷക്കണക്കിന് സംഗീത പ്രേമികളുടെ ഇഷ്ടതാരമാണ് എ.ആർ. റഹ്‌മാൻ. അദ്ദേഹത്തിന്റെ ഈ അംഗീകാരം സുഷിൻ ശ്യാമിനെ സംബന്ധിച്ച് വലിയൊരു നേട്ടമാണ്.

​അമൽ നീരദിന്റെ 'ബോഗെയ്ൻവില്ല' എന്ന ചിത്രമാണ് സുഷിൻ സംഗീതസംവിധാനം നിർവ്വഹിച്ച അവസാന ചിത്രം. തുടർച്ചയായി ഹിറ്റ് ഗാനങ്ങൾ ഒരുക്കി മലയാള സിനിമാസംഗീതത്തിൽ തന്റേതായ സ്ഥാനം ഉറപ്പിച്ച സുഷിൻ, നിലവിൽ സിനിമയിൽ നിന്ന് ഒരു ചെറിയ ഇടവേളയെടുത്തിരിക്കുകയാണ്. എന്നാൽ, ഈ ഇടവേളയിലും അദ്ദേഹം 'റേ' എന്ന മ്യൂസിക് ആൽബം പുറത്തിറക്കുകയും തന്റെ ട്രൂപ്പായ 'ഡൗൺട്രോഡൻസ്'നൊപ്പം സംഗീതക്കച്ചേരികൾ നടത്തുകയും ചെയ്യുന്നുണ്ട്.

കൂടാതെ, ഭാവിയിൽ വരാനിരിക്കുന്ന ചില വലിയ പ്രോജക്റ്റുകളുടെ ഭാഗമാകാനും സുഷിന് അവസരം ലഭിച്ചു. മഹേഷ് നാരായണൻ സംവിധാനം ചെയ്യുന്ന മമ്മൂട്ടി - മോഹൻലാൽ ചിത്രത്തിനും, 'മഞ്ഞുമ്മൽ ബോയ്സ്' ന് ശേഷം ചിദംബരം സംവിധാനം ചെയ്യുന്ന 'ബാലൻ' എന്ന ചിത്രത്തിനും സംഗീതം ഒരുക്കുന്നത് സുഷിൻ ശ്യാമാണ്.

### Related Links & Sources
- [Original Story Source](https://moviemax.in/news/309350/this-is-honestly-my-first-fanboy-moment-sushin-shyams-instagram-story-goes-viral-after-following-ar-rahman)