( moviemax.in ) നടിപ്പിന് നായകന് സൂര്യ നായകനാവുന്ന ആര് ജെ ബാലാജി ചിത്രത്തിന് 'കറുപ്പ്' എന്ന് പേരിട്ടു. സംവിധാകയനും നടനുമായ ആര് ജെ ബാലാജിയുടെ പിറന്നാള് ദിനത്തിലാണ് ചിത്രത്തിന്റെ ടൈറ്റില് റിലീസ് ചെയ്തത്. ഡ്രീം വാരിയേഴ്സ് ചിക്ചേഴ്സ് വമ്പന് ബഡ്ജറ്റില് ഒരുക്കുന്ന ചിത്രം ഏറെ ആവേശത്തോടെയാണ് സൂര്യയുടെ ആരാധകര് കാത്തിരിക്കുന്നത്.
എല് കെ ജി, മൂക്കുത്തി അമ്മന് തുടങ്ങിയ ചിത്രങ്ങള്ക്ക് ശേഷം ആര്ജെ ബാലാജി സംവിധാനം ചെയ്യുന്ന ചിത്രമാണ് 'സൂര്യ 45'. ചിത്രത്തില് സൂര്യ ഇരട്ടവേഷത്തിലാകും എത്തുക എന്ന റിപ്പോര്ട്ടുകളുണ്ട്. ചിത്രത്തില് ദൈവമായും വക്കീലായും ആണ് സൂര്യ എത്തുന്നതെന്നും പറയപ്പെടുന്നു.
രണ്ട് പതിറ്റാണ്ടുകള്ക്ക് ശേഷം സൂര്യയും തൃഷയും വീണ്ടും ഒന്നിക്കുന്നതും ഈ ചിത്രത്തിന്റെ പ്രത്യേകതയാണ്. സൂര്യയെയും തൃഷയെയും അവരുടെ മുന് സിനിമകളില് നിന്ന് വ്യത്യസ്തമായ ഒരു മേക്കോവറില് കറുപ്പ് അവതരിപ്പിക്കും. ഇന്ദ്രന്സ്, നാട്ടി, സ്വാസിക, അനഘ മായ രവി, ശിവദ, സുപ്രീത് റെഡ്ഡി തുടങ്ങി മികച്ച താര നിരയാണ് കറുപ്പിലുള്ളത്.
https://x.com/DreamWarriorpic/status/1935919104084320539
വൈറല് ഹിറ്റുകള്ക്ക് പിന്നിലെ യുവ സംഗീത സെന്സേഷനായ സായ് അഭ്യാങ്കറാണ് കറുപ്പിനായി സംഗീതം ഒരുക്കുന്നത്. നിരവധി ഗംഭീര ചിത്രങ്ങള്ക്ക് പിന്നിലെ ലെന്സ്മാന് ജി കെ വിഷ്ണു ദൃശ്യങ്ങള് കൈകാര്യം ചെയ്യുന്നു. കലൈവാനന് ആണ് കറുപ്പിന്റെ എഡിറ്റിംഗ് നിര്വഹിക്കുന്നത്. അത്ഭുതകരമായ ആക്ഷന് കൊറിയോഗ്രാഫിയിലൂടെ രാജ്യത്തെ മുഴുവന് വിസ്മയിപ്പിച്ച മൂന്ന് സ്റ്റണ്ട് കോര്ഡിനേറ്റര്മാരായ അന്ബറിവ്, വിക്രം മോര് ജോഡികളാണ് കറുപ്പിലെ ഉയര്ന്ന നിലവാരമുള്ള ആക്ഷന് സീക്വന്സുകള് നിര്വഹിച്ചിരിക്കുന്നത്. അവാര്ഡ് ജേതാവായ പ്രൊഡക്ഷന് ഡിസൈനര് അരുണ് വെഞ്ഞാറമൂടാണ് ഈ വലിയ ചിത്രത്തിനായി ഗംഭീരമായ സെറ്റുകള് രൂപകല്പ്പന ചെയ്തത്.
കറുപ്പിന്റെ അവസാനഘട്ട ചിത്രീകരണത്തിലും പോസ്റ്റ്-പ്രൊഡക്ഷനിലും ടീം ഒരേസമയം പ്രവര്ത്തിക്കുന്നു. നിര്മ്മാതാക്കള് നേരത്തെ അറിയിച്ചതുപോലെ, ഉത്സവ ദിനത്തില് ആഘോഷിക്കാന് പറ്റിയ ഒരു ചിത്രമാണ് കറുപ്പ്. ഡ്രീം വാരിയര് പിക്ചേഴ്സില് നിന്നുള്ള റിലീസ് തീയതിയും മറ്റ് അപ്രതീക്ഷിത പ്രഖ്യാപനങ്ങളും വരും നാളുകളില് ഉണ്ടാകുമെന്ന് അണിയറപ്രവര്ത്തകര് അറിയിച്ചു. പ്രേക്ഷകര്ക്കും സൂര്യാ ആരാധകര്ക്കും തിയേറ്ററില് ആഘോഷിക്കാന് സാധിക്കുന്ന ചിത്രമായിരിക്കും കറുപ്പ്. പി ആര് ഓ ആന്ഡ് മാര്ക്കറ്റിംഗ് : പ്രതീഷ് ശേഖര്.
suriya45 titled karuppu makers unveil official poster rj balaji next
.jpeg)
