( moviemax.in ) നാഗ ചൈതന്യയും സാമന്തയും വീണ്ടും ഒന്നിക്കുമോ എന്ന ചോദ്യമാണ് ഇപ്പോള് ടോളിവുഡില് മുഴങ്ങുന്നത്. ഇതിന് പാശ്ചത്തലം ഒരുക്കുകയാണ് യെ മായ ചെസാവേ എന്ന പതിനഞ്ച് കൊല്ലം മുന്പ് ഇറങ്ങിയ ചിത്രത്തിന്റെ റീ റിലീസ്. ജൂലൈ 18-ന് ഈ റൊമാന്റിക് ക്ലാസിക്കിന്റെ റീ-റിലീസ് പ്രഖ്യാപിച്ചിരിക്കുകയാണ് അണിയറ പ്രവര്ത്തകര്.
നാഗ ചൈതന്യയും സാമന്ത റൂത്ത് പ്രഭുവും ഒന്നിച്ച് അഭിനയിച്ച ഈ ചിത്രം തമിഴില് വിന്നെ താണ്ടി വരുവായ എന്ന ചിത്രത്തിന്റെ തെലുങ്ക് റീമേക്കാണ്. ഗൗതം മേനോൻ സംവിധാനം ചെയ്ത് 2010-ൽ പുറത്തിറങ്ങിയപ്പോൾ വൻ വിജയമായിരുന്നു. എ.ആർ. റഹ്മാന്റെ മാന്ത്രിക സംഗീതവും കാർത്തിക്-ജെസ്സി എന്ന കഥാപാത്രങ്ങളുടെ പ്രണയവും പ്രേക്ഷകരെ ആകർഷിച്ചിരുന്നു.
ഈ റീ-റിലീസിന്റെ പ്രഖ്യാപനം ആരാധകരിൽ വലിയ ആവേശമാണ് സൃഷ്ടിച്ചിരിക്കുന്നത്. എന്നാൽ, എല്ലാവരുടെയും ശ്രദ്ധ ഇപ്പോൾ നാഗ ചൈതന്യയും സാമന്തയും വീണ്ടും ഒന്നിക്കുമോ എന്ന ചോദ്യത്തിലാണ്. 2021-ൽ വേർപിരിഞ്ഞ ഇരുവരും ഈ ചിത്രത്തിന്റെ പ്രൊമോഷനായി ഒന്നിച്ച് പ്രത്യക്ഷപ്പെടുമോ എന്നാണ് ആരാധകർ ഉറ്റുനോക്കുന്നത്.
സോഷ്യൽ മീഡിയയിൽ യെ മായ ചെസാവേ റീ-റിലീസിനെക്കുറിച്ചുള്ള ചർച്ചകൾ തകൃതിയാണ്. "എന്റെ എക്കാലത്തെയും പ്രിയപ്പെട്ട പ്രണയകഥ വീണ്ടും വലിയ സ്ക്രീനിൽ ജൂലൈ 18-ന് കാത്തിരിക്കുന്നു!" - ഒരു ആരാധകൻ എക്സില് കുറിച്ചു. ചിത്രത്തിന്റെ റീ-റിലീസ് 4കെ ഫോർമാറ്റിൽ ആയിരിക്കുമെന്നാണ് വിവരം, ഇത് ആരാധകർക്ക് ഒരു വിഷ്വൽ ട്രീറ്റ് നൽകുമെന്ന് പ്രതീക്ഷിക്കുന്നു.
"സാമന്തയും ചൈതന്യയും ഒരുമിച്ച് പ്രൊമോഷനിൽ പങ്കെടുത്താൽ അത് അതിശയകരമായിരിക്കും" എന്നാണ് ഒരു ആരാധകന്റെ എക്സ് പോസ്റ്റ് വന്നത്. എന്നാൽ, ഇരുവരും പ്രൊമോഷനിൽ ഒന്നിക്കുമോ എന്ന കാര്യത്തിൽ ഇതുവരെ ഔദ്യോഗിക സ്ഥിരീകരണമൊന്നും വന്നിട്ടില്ല.
അതേ സമയം യെ മായ ചെസാവേ എന്ന ചിത്രത്തിന്റെ സെറ്റില് വച്ചാണ് നാഗ ചൈതന്യയും സാമന്തയും പ്രണയത്തിലാകുന്നത്. പിന്നീട് വര്ഷങ്ങള് നീണ്ട പ്രണയത്തിന് ശേഷം 2017ലാണ് ഇരുവരും വിവാഹിതരായത്. എന്നാല് 2021 ല് ഇവര് വേര്പിരിഞ്ഞു. നാഗ ചൈതന്യ പിന്നീട് ശോഭിതയെ വിവാഹം കഴിച്ചു.
Content Highlight: samantharuthprabhu and nagachaitanya reunion
