---
title: "മമ്മൂട്ടിയുടെ വില്ലനായി താരപുത്രൻ"
english_title: "Taraputran as Mammootty's villain"
publisher: "moviemax.in"
canonical_url: "https://moviemax.in/news/2149/taraputran-as-mammoottys-villain"
published_at: "2021-10-04T21:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/604c9db0bdc16_mammootty.jpg"
keywords: []
---

# മമ്മൂട്ടിയുടെ വില്ലനായി താരപുത്രൻ

> **Lead Summary:** പ്രേക്ഷകർ ആകാംക്ഷയോടെ കാത്തിരിക്കുന്ന മമ്മൂട്ടി ചിത്രമാണ് അമൽ നീരദ് സംവിധാനം ചെയ്യുന്ന ബിലാൽ. 2007 ൽ പുറത്തിറങ്ങിയ ബിഗ് ബിയുടെ രണ്ടാം പതിപ്പാണ് ബിലാൽ. മമ്മൂട്ടിയുടെ സ്റ്റൈലൻ കഥാപാത്രങ്ങളിലൊന്നാണ് ബിഗ് ബിയിലെ ബിലാൽ ജോൺ കുരിശിങ്കൽ. ഇപ്പോഴിത സിനിമയെ കുറിച്ചുള്ള നിർണ്ണായക വെളിപ്പെടുത്തലുമായി സംവിധായകനും അഭിനേതാവുമായ ജീൻ പോൾ.

## Article Content

പ്രേക്ഷകർ ആകാംക്ഷയോടെ കാത്തിരിക്കുന്ന മമ്മൂട്ടി ചിത്രമാണ് അമൽ നീരദ് സംവിധാനം ചെയ്യുന്ന ബിലാൽ. 2007 ൽ പുറത്തിറങ്ങിയ ബിഗ് ബിയുടെ രണ്ടാം പതിപ്പാണ് ബിലാൽ. മമ്മൂട്ടിയുടെ സ്റ്റൈലൻ കഥാപാത്രങ്ങളിലൊന്നാണ് ബിഗ് ബിയിലെ ബിലാൽ ജോൺ കുരിശിങ്കൽ. ഇപ്പോഴിത സിനിമയെ കുറിച്ചുള്ള നിർണ്ണായക വെളിപ്പെടുത്തലുമായി സംവിധായകനും അഭിനേതാവുമായ ജീൻ പോൾ.

ബിലാലിൽ മമ്മൂട്ടിയുടെ വില്ലനായി എത്തുന്നത്. ലാല്‍ ജൂനിയര്‍ ആണ്. സിനിമയുടെ പ്രഖ്യാപനത്തിന് തൊട്ട് പിന്നാലെ തന്നെ വില്ലനെ കുറിച്ചുള്ളചർച്ചകൾ സോഷ്യൽ മീഡിയയിൽ കനത്തിരുന്നു. ബോളിവുഡ് താരം ജോൺ എബ്രഹാമിന്റെ പേര് വരെ പ്രചരിച്ചിരുന്നു. ഇപ്പോഴിത ഇക്കാര്യത്തിൽ ഒരു ഉറപ്പ് ലഭിച്ചിരിക്കുകയാണ്. എന്നാൽ ഇക്കാര്യം സംവിധായകൻ അമൽ നീരദ് വെളിപ്പെടുത്തിയിട്ടില്ലെന്നും ജീൻ പോൾ അഭിമുഖത്തിൽ പറയുന്നു.

2020 മാർച്ചോട് കൂടിയാണ് ബിലാലിന്റെ ചിത്രീകരണം തുടങ്ങാനിരുന്നത്. ഷൂട്ടിങ്ങ് ആരംഭിക്കാൻ ദിവസങ്ങൾ മാത്രം അവശേഷിക്കെയാണ് കൊവിഡ് വൈറസ് വ്യാപനത്തെ തുടർന്ന് ലോക്ക് ഡൗൺ പ്രഖ്യാപിക്കുന്നത്. തുടർന്ന് ചിത്രീകരണം നീട്ടി വയ്ക്കുകയായിരുന്നു. വിദേശരാജ്യങ്ങളിലും സിനിമയുടെ ചിത്രീകരണം തീരുമാനിച്ചിട്ടുണ്ട്. കൊവിഡിനെ തുടർന്ന് വിദേശരാജ്യങ്ങളി യാത്ര നിയന്ത്രണങ്ങളും മറ്റും ഏർപ്പെടുത്തിയിട്ടുണ്ട്. നിലവിലെ സ്ഥിതിഗതികൾക്ക് മാറ്റമുണ്ടായാൽ മാത്രമേ ചിത്രീകരണം ആരംഭിക്കാൻ സാധിക്കുകയുളളൂ.

അമൽ നീരദ് ചിത്രമായ ഭീഷ്മപർവ്വത്തിലാണ് നിലവില്‍ മമ്മൂട്ടി അഭിനയിക്കുന്നത്. പൂർണ്ണമായും കേരളത്തിലാണ് സിനിമയുടെ ചിത്രീകരണം നടക്കുന്നത്. ഫെബ്രുവരിയിലാണ് ചിത്രത്തിന്റെ ഷൂട്ടിങ് ആരംഭിച്ച്. ചിത്രത്തിലെ നടന്റെ ലുക്ക് പ്രേക്ഷകരുടെ ഇടയിൽ വലിയ ചർച്ചയായിരുന്നു. സൗബിന്‍ ഷാഹിര്‍, ശ്രീനാഥ് ഭാസി, ലെന, നദിയ മൊയ്ദു തുടങ്ങിയവരാണ് മറ്റ് താരങ്ങൾ. ചിത്രത്തിലെ താരത്തിന്റെ ലുക്ക് സോഷ്യൽ മീഡിയയിൽ വൈറലായിരുന്നു.

### Related Links & Sources
- [Original Story Source](https://moviemax.in/news/2149/taraputran-as-mammoottys-villain)