---
title: "#Joshi| സംവിധായകൻ ജോഷിയുടെ വീട്ടിലെ കവർച്ച ; കള്ളൻ കർണ്ണാടകയിൽ പിടിയിൽ "
english_title: "#Robbery #director #Joshi's #house #Thief #arrested #Karnataka"
publisher: "moviemax.in"
canonical_url: "https://moviemax.in/news/200109/robbery-director-joshis-house-thief-arrested-karnataka"
published_at: "2024-04-21T09:55:00+05:30"
category: "Malayalam"
language: "ml"
image: "https://moviemax.in/image-uploads/66249835b4632_joshi.jpg"
keywords: []
---

# #Joshi| സംവിധായകൻ ജോഷിയുടെ വീട്ടിലെ കവർച്ച ; കള്ളൻ കർണ്ണാടകയിൽ പിടിയിൽ 

> **Lead Summary:** കൊച്ചി**:(truevisionnews.com**) ചലച്ചിത്ര സംവിധായകൻ ജോഷിയുടെ വീട്ടിൽ മോഷണം നടന്ന സംഭവത്തില്‍ പ്രതി പിടിയില്‍.

## Article Content

കൊച്ചി**:(truevisionnews.com**) ചലച്ചിത്ര സംവിധായകൻ ജോഷിയുടെ വീട്ടിൽ മോഷണം നടന്ന സംഭവത്തില്‍ പ്രതി പിടിയില്‍.

ബിഹാര്‍ സ്വദേശി മുഹമ്മദ് ഇര്‍ഷാദ് ആണ് പിടിയിലായത്. എറണാകുളം സൗത്ത് പൊലീസ് കര്‍ണാടകയില്‍ എത്തിയാണ് പ്രതിയെ കസ്റ്റഡിയിലെടുത്തത്.

നടപടികള്‍ പൂര്‍ത്തിയാക്കി പ്രതിയെ കൊച്ചിയിലെത്തിക്കും. സംഭവത്തില്‍ കൂടുതല്‍ വിശദാംശങ്ങള്‍ പൊലീസ് പുറത്തുവിട്ടിട്ടില്ല. ജോഷിയുടെ കൊച്ചിയിലെ വീട്ടിലാണ് കഴിഞ്ഞ ദിവസം കവർച്ച നടന്നത്.സ്വർണ വജ്രാഭരണങ്ങൾ നഷ്ടമായി. ഒരു കോടി രൂപയുടെ കവർച്ച നടന്നതായാണ് വിവരം.

സ്വർണാഭരണങ്ങൾ, വജ്ര നെക്ലേസ്, വാച്ചുകൾ എന്നിവയടക്കമാണ് മോഷ്ടിച്ചിരിക്കുന്നത്. എറണാകുളം സൗത്ത് പൊലീസ് കേസെടുത്ത് അന്വേഷണം ആരംഭിക്കുകയായിരുന്നു. വിരലടയാള വിദ​ഗ്ധരടക്കമുള്ളവർ സ്ഥലത്തെത്തി പരിശോധന നടത്തിയിരുന്നു. സിസിടിവി ദൃശ്യങ്ങള്‍ അടക്കം പരിശോധിച്ചാണ് പൊലീസ് പ്രതിയിലേക്ക് എത്തിയത്.

സിസിടിവി ദൃശ്യങ്ങളാണ് നിര്‍ണായകമായത്.

### Related Links & Sources
- [Original Story Source](https://moviemax.in/news/200109/robbery-director-joshis-house-thief-arrested-karnataka)