അവന്റെ ഹൃദയം ഇപ്പോഴും സ്പന്ദിക്കുന്നു.........ഒരു അത്ഭുതം സംഭവിക്കുമെന്ന് പ്രതീക്ഷിക്കുന്നു ; തെറ്റായ വിവരങ്ങള്‍ പ്രചരിപ്പിക്കരുതെന്നു വിജയ്‌ ബാബു

സൂഫിയും സുജാതയും സംവിധായകൻ നരണിപ്പുഴ ഷാനവാസ് അന്തരിച്ചുവെന്ന തരത്തിലുള്ള വാർത്തകൾ പ്രചരിച്ചതിന് പിന്നാലെ പ്രതികരണവുമായി വിജയ് ബാബു.

വിജയ്‌ ബാബുവിന്റെ ഫേസ് ബുക്ക്‌ പോസ്റ്റ്‌.................

Also read: 'ശരീരഭാരം വെറും 34 കിലോ, ആഹാരം കഴിക്കുന്നില്ല, ഫോണ്‍ ഉപയോഗിക്കുന്നതിന് ഡോക്ടര്‍മാര്‍ വഴക്ക് പറഞ്ഞു'; രേണു സുധിയെക്കുറിച്ച് അനുമോള്‍

"ഷാനവാസ് ഇപ്പോഴും വെന്റിലേറ്റർ പിന്തുണയിലാണ്. അവന്റെ ഹൃദയം ഇപ്പോഴും സ്പന്ദിക്കുന്നു .... അവനുവേണ്ടി പ്രാർത്ഥിക്കാൻ എല്ലാവരോടും അഭ്യർത്ഥിക്കുന്നു. ഒരു അത്ഭുതം സംഭവിക്കുമെന്ന് പ്രതീക്ഷിക്കുന്നു. അതനുസരിച്ച് അപ്‌ഡേറ്റ് ചെയ്യും. ദയവായി തെറ്റായ വിവരങ്ങൾ പ്രചരിപ്പിക്കരുത് "

എഡിറ്ററായി സിനിമ രംഗത്ത് എത്തിയ സംവിധായകനാണ് ഷാനവാസ്. 2015ല്‍ കരി എന്ന ചിത്രം സംവിധാനം ചെയ്തു, ഈ ചിത്രം ഏറെ നിരൂപക ശ്രദ്ധ പിടിച്ചു പറ്റിയിരുന്നു. ഒട്ടനവധി ചലച്ചിത്രയോത്സവങ്ങളിൽ പ്രദർശിപ്പിക്കുകയും പുരസ്‍കാരങ്ങൾക്ക് അർഹമാവുകയും ചെയ്തു. മലയാളത്തിലെ ആദ്യത്തെ നേരിട്ടുള്ള ഒടിടി റിലീസായ സൂഫിയും സുജാതയുടെയും തിരക്കഥയും സംവിധാനവും ഷാനവാസ് തന്നെയായിരുന്നു. അട്ടപ്പാടിയില്‍ പുതിയ സിനിമയുടെ എഴുത്തിനിടെയാണ്‌ അദ്ദേഹത്തിന് ഹൃദയാഘാതം ഉണ്ടായത്.

Also read: 'അമ്മ ഞങ്ങളെ വിട്ടുപിരിഞ്ഞു, നിങ്ങളുടെ പക്കലുണ്ടായിരുന്നതെല്ലാം നൽകി നിങ്ങൾ പോരാടി'; ദുഃഖം പങ്കുവെച്ച് റോബിൻ രാധാകൃഷ്ണൻ

സുഹൃത്തുക്കളാണ്‌ ആശുപത്രിയിൽ എത്തിച്ചത്‌. ആശുപത്രിയില്‍ എത്തിക്കുന്ന വഴി രക്തസ്രാവമുണ്ടായി സൂഫിയും സുജാതയും എന്ന ചിത്രത്തിനും മികച്ച അഭിപ്രായം ലഭിച്ചിരുന്നു. ഫ്രൈഡേ ഫിലിം ഹൗസിന്റെ ബാനറില്‍ വിജയ് ബാബുവാണ് സൂഫിയും സുജാതയും നിര്‍മ്മിച്ചത്.

Content Highlight: Vijay Babu reacts to rumors that Sufi and Sujatha director Naranipuzha Shanavas have passed away