#manjummelboys | കൊടൈക്കനാൽ ട്രിപ്പ് ഓൺ; മഞ്ഞുമ്മലിലെ പിള്ളേർ വരുന്നത് U സർട്ടിഫിക്കറ്റുമായി

(moviemax.in) നീണ്ട നാളത്തെ കാത്തിരിപ്പിന് ശേഷം മലയാളികൾ ഏറെ ഉറ്റുനോക്കുന്ന ചിത്രം 'മഞ്ഞുമ്മൽ ബോയ്സിന് ക്ലീൻ U. ജാൻ എ മൻ എന്ന ചിത്രത്തിന് ശേഷം ചിദംബരം സംവിധാനം ചെയ്യുന്ന ചിത്രമാണിത്.

മലയാള സിനിമയിലെ മിക്ക യുവതാരങ്ങളും അണിനിരക്കുന്ന ചിത്രത്തിന്റെ ബുക്കിംഗ് രാവിലെ തന്നെ ആരംഭിച്ചിരുന്നു. എല്ലാ തിയേറ്ററുകളിലും മികച്ച പ്രീ ബുക്കിംഗ് ആണ് നടന്നുകൊണ്ടിരിക്കുന്നത്.

ചിദംബരം തന്നെയാണ് ചിത്രത്തിന് തിരക്കഥ ഒരുക്കിയതും. കൊച്ചിയിൽ നിന്നും ഒരു സംഘം യുവാക്കൾ വിനോദയാത്രയുടെ ഭാഗമായി കൊടൈക്കനാലിൽ എത്തുന്നതും, അവിടെ അവർക്ക് ആഭിമുഖീകരിക്കേണ്ടി വരുന്ന സംഭവ വികാസങ്ങളുമാണ് സിനിമ പറയുന്നത്.

ഒരുപാട് തയാറെടുപ്പുകൾക്ക് ശേഷമാണ് ചിദംബരവും സംഘവും ചിത്രത്തിന്റെ ഷൂട്ടിംങിലേക്ക് കടന്നത്. ചിത്രത്തിന്റെ ടെക്ക്നിക്കൽ വിഭാഗമെടുത്താൽ മലയാളത്തിലെ ഏറ്റവും പ്രഗത്ഭരായവരാണ് ജോലി ചെയ്തിരിക്കുന്നത്.

Also read: 'ഞാനൊരു അമ്മയല്ല, എങ്കിലും ആ കുഞ്ഞിന്റെ നിസ്സഹായമായ കണ്ണുകൾ എന്റെ ഉറക്കം കെടുത്തുന്നു'; ഉള്ളുലഞ്ഞ് സൂര്യ

സൗബിൻ ഷാഹിർ, ശ്രീനാഥ് ഭാസി, ബാലു വർഗീസ്, ഗണപതി, ലാൽ ജൂനിയർ, അഭിറാം രാധാകൃഷ്ണൻ, ദീപക് പറമ്പോൽ, ഖാലിദ് റഹ്‌മാൻ, അരുൺ കുര്യൻ, വിഷ്ണു രഘു എന്നിവർ പ്രധാന വേഷത്തിലെത്തുന്ന ചിത്രത്തിന്റെ ഡയറക്ടർ ഓഫ് ഫോട്ടോഗ്രാഫി ഷൈജു ഖാലിദാണ്. എഡിറ്റർ - വിവേക് ഹർഷൻ, മ്യൂസിക്ക് & ബി ജി എം - സുഷിൻ ശ്യാം.

Content Highlight: #Kodaikanal #trip #Manjummal #comes #Ucertificate