പ്രേക്ഷകര്ക്ക് ഏറെ പ്രിയപ്പെട്ട താരകുടുംബങ്ങളിലൊന്നാണ് ഇന്ദ്രജിത്തിന്റേത്. കുടുംബത്തിലെല്ലാവരും ഇതിനകം തന്നെ സിനിമയില് സാന്നിധ്യം അറിയിച്ച് കഴിഞ്ഞിട്ടുണ്ട്.
അച്ഛനും അമ്മയ്ക്കും പിന്നാലെ അഭിനയത്തിലേക്കായിരുന്നു നക്ഷത്രയെന്ന നച്ചു തിരിഞ്ഞത്. മൂത്തയാളായ പ്രാര്ത്ഥനയാവട്ടെ പാട്ടിലൂടെയായിരുന്നു കഴിവ് തെളിയിച്ചത്. മലയാളത്തില് മാത്രമല്ല ബോളിവുഡില് നിന്നുള്ള അവസരങ്ങളും ഈ താരപുത്രിയെ തേടിയെത്തിയിരുന്നു.
ബോളിവുഡ് ചിത്രത്തില് നിന്നും അവസരം ലഭിച്ചപ്പോള് കുടുംബത്തിലെല്ലാവരും പാത്തുവിനെ അഭിനന്ദിച്ച് രംഗത്തെത്തിയിരുന്നു.അടുത്തിടെയായിരുന്നു പ്രാര്ത്ഥന പിറന്നാളാഘോഷിച്ചത്.
16 ലേക്ക് കാലെടുത്ത് വെച്ച മകള്ക്ക് ആശംസയുമായി പൂര്ണിമയും ഇന്ദ്രജിത്തും പൃഥ്വിരാജുമെല്ലാം എത്തിയിരുന്നു. കൊച്ചുമകള്ക്കായി മല്ലിക സുകുമാരനും ആശംസ നേര്ന്നിരുന്നു.
കൊച്ചുമക്കളില് മൂത്തയാളായ പ്രാര്ത്ഥനയുടെ പേരായിരുന്നു അവര് വീടിന് നല്കിയത്. പിറന്നാളാഘോഷത്തിന്റെ ചിത്രങ്ങള് സോഷ്യല് മീഡിയയിലൂടെ വൈറലായി മാറിക്കഴിഞ്ഞിട്ടുണ്ട്. ബോളിവുഡിലേക്കെത്തിയ പാത്തു അമ്മയ്ക്ക് നല്കിയ സമ്മാനത്തെക്കുറിച്ചുള്ള വിശേഷങ്ങളാണ് ഇപ്പോള് വൈറലായിക്കൊണ്ടിരിക്കുന്നത്.
പ്രകൃതിദത്തമായ, അമ്മയുടെ ഇഷ്ടത്തിന് അനുസരിച്ചുള്ളൊരു സാരിയായിരുന്നു പാത്തു അമ്മയ്ക്കായി നല്കിയത്.
പ്രാണയുടെ സ്ഥാപകയും അറിയപ്പെടുന്ന ഡിസൈനറുമായ അമ്മയാവട്ടെ മകളുടെ സമ്മാനത്തില് അതീവ സന്തോഷവതിയുമായിരുന്നു. മകള് സമ്മാനിച്ച സാരിയണിഞ്ഞുള്ള ചിത്രങ്ങളുമായാണ് അമ്മയെത്തിയത്.
ഫേസ്ബുക്കിലൂടെ പോസ്റ്റ് ചെയ്ത ചിത്രവും കുറിപ്പും വൈറലായിരുന്നു. നിരവധി പേരായിരുന്നു പൂര്ണിമയുടെ സന്തോഷത്തിന് ആശംസ അറിയിച്ചെത്തിയത്.മോഹന്ലാല് എന്ന ചിത്രത്തിലെ ലാലേട്ടാ എന്ന ഗാനത്തിലൂടെയായിരുന്നു പ്രാര്ത്ഥന പിന്നണി ഗാനരംഗത്തേക്ക് എത്തിയത്.
അച്ഛന് വേണ്ടിയായിരുന്നു മകള് പാട്ട് പാടിയത്. പൊതുവേദിയില് അച്ഛനും മകളും ആ ഗാനം ആലപിച്ചിരുന്നു. ടിയാനിലും കുട്ടന്പിള്ളയുടെ ശിവാത്രിയിലും ഹെലനിലും പാത്തുവിന്റെ പാട്ടുണ്ടായിരുന്നു. മികച്ച സ്വീകാര്യതയായിരുന്നു താരപുത്രിയുടെ പാട്ടിന് ലഭിച്ചത്. പാട്ട് മാത്രമല്ല ഡാന്സും തനിക്ക് വഴങ്ങുമെന്നും പ്രാര്ത്ഥന തെളിയിച്ചിരുന്നു.
Content Highlight: Indrajith belongs to one of the most beloved star families of the audience. The whole family has already announced their presence in the film
.png)
