---
title: "ഒരു മണിക്കൂറോളം വാതിലിനു പുറത്തു കാത്തിരുന്നു, തൊപ്പിയുടെ കസ്റ്റഡിയിൽ പൊലീസ് വിശദീകരണം"
english_title: "The police said that after waiting outside for an hour, YouTuber Hat broke the door and entered and took him into custody."
publisher: "moviemax.in"
canonical_url: "https://moviemax.in/news/124409/the-police-said-that-after-waiting-outside-for-an-hour-youtuber-hat-broke-the-door-and-entered-and-took-him-into-custody"
published_at: "2023-06-23T11:35:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/64953658f351a_thoppi.jpg"
keywords: []
---

# ഒരു മണിക്കൂറോളം വാതിലിനു പുറത്തു കാത്തിരുന്നു, തൊപ്പിയുടെ കസ്റ്റഡിയിൽ പൊലീസ് വിശദീകരണം

> **Lead Summary:** ഒരു മണിക്കൂറോളം പുറത്ത് കാത്തുനിന്നതിന് ശേഷമാണ് യൂട്യൂബർ തൊപ്പിയെ വാതിൽ പൊളിച്ച് അകത്ത് കയറി കസ്റ്റഡിയിലെടുത്തതെന്ന് പൊലീസ്.

## Article Content

ഒരു മണിക്കൂറോളം പുറത്ത് കാത്തുനിന്നതിന് ശേഷമാണ് യൂട്യൂബർ തൊപ്പിയെ വാതിൽ പൊളിച്ച് അകത്ത് കയറി കസ്റ്റഡിയിലെടുത്തതെന്ന് പൊലീസ്.

ഇന്ന് രാവിലെയാണ് കൊച്ചിയിൽ നിന്ന് തൊപ്പിയെന്ന നിഹാലിനെ പൊലീസ് കസ്റ്റഡിയിലെടുത്തത്. വളാഞ്ചേരിയിലെ ഒരു ഉദ്ഘാടന പരിപാടിക്കെത്തിയപ്പോൾ അശ്ലീല പരാമർശം നടത്തുകയും ​ഗതാ​ഗത തടസ്സം സൃഷ്ടിക്കുകയും ചെയ്തതിന്റെ പേരിൽ ഇയാൾക്കെതിരെ കേസെടുത്തിരുന്നു. അതിനെ തുടർന്നാണ് ഇന്ന് കസ്റ്റഡിയിലെടുത്തത്.

ചോദ്യം ചെയ്യാൻ ഇന്ന് ഹാജരാവാൻ തൊപ്പിയോട് പൊലീസ് ആവശ്യപ്പെട്ടിരുന്നു. എന്നാൽ വരാൻ പറ്റില്ല എന്നായിരുന്നു മറുപടി. തൊപ്പിയുടെ കൈവശം അശ്ലീല കണ്ടന്റ് ഉണ്ടെന്ന സൂചനകൾ പൊലീസിന് ലഭിച്ചിരുന്നു.

ഇതിന്റെ തെളിവുകൾ നശിപ്പിക്കാതിരിക്കാനാണ് പെട്ടെന്ന് കസ്റ്റഡിയിൽ എടുത്തത്. ഒരു മണിക്കൂറോളം വാതിലിനു പുറത്തു കാത്തിരുന്നു. വാതിൽ അകത്ത് നിന്ന് കുറ്റിയിട്ട നിലയിലായിരുന്നുവെന്ന് പൊലീസ് പറയുന്നു, ഒടുവിൽ തുറക്കാനുള്ള ശ്രമത്തിനിടെ വാതിൽ ലോക്കായിപ്പോയി.

‘സാറെ നിങ്ങള്‍ ഡോര്‍ ചവിട്ടി പൊട്ടിച്ചതുകൊണ്ട് ലോക്ക് ആയി, കമോണ്‍ മാന്‍’ എന്ന് തൊപ്പി പറയുന്നത് ഇയാള്‍ പുറത്ത് വിട്ട വീഡിയോയിൽ കാണാം.

തെളിവുകൾ നശിപ്പിക്കാതിരിക്കാൻ ആണ് വാതിൽ ചവിട്ടി പൊളിക്കേണ്ടി വന്നതെന്നാണ് പൊലീസ് വ്യക്തമാക്കുന്നത്. ഐടി ആക്ട് പ്രകാരം നേരത്തെ തൊപ്പിക്കെതിരെ കണ്ണൂരിലും കേസുണ്ട്. 

### Related Links & Sources
- [Original Story Source](https://moviemax.in/news/124409/the-police-said-that-after-waiting-outside-for-an-hour-youtuber-hat-broke-the-door-and-entered-and-took-him-into-custody)