ബിഗ് ബജറ്റ് ചിത്രം മരക്കാര് അറബിക്കടലിന്റെ സിംഹം ഒടിടി റിലീസിന് നല്കിയ തീരുമാനത്തില് തുറന്നടിച്ച് ഫിയോക്ക് പ്രസിഡന്റ് വിജയകുമാര്. മോഹന്ലാല് എന്ന ബിസിനസുകാരനാണ് തീരുമാനത്തിന് പിന്നിലെന്ന് വിജയകുമാര് പറഞ്ഞു. മോഹന്ലാല് എന്ന ബിസിനസുകാരന് വളരുകയാണ്.
സൂഫിയും സുജാതയും ഒടിടിയില് പോയപ്പോള്, സിനിമ തിയേറ്ററുകളില് കാണാനുള്ളതാണെന്ന് മോഹന്ലാല് അഭിപ്രായപ്പെട്ടിട്ടുണ്ട്. അതേ മോഹന്ലാലാണ് ഇന്ന് സ്വന്തം ചിത്രം ഒടിടിക്ക് നല്കിയതെന്ന് വിജയകുമാര് പറഞ്ഞു.
വിജയകുമാര് പറഞ്ഞത്:
മരക്കാര് എന്ന ചിത്രത്തിന്റെ പിന്നില് സാമ്പത്തിക കാര്യങ്ങള് മാത്രമല്ല ഉള്ളത്. ആന്റണി എന്ന ബിസിനസുകാരന് മാത്രമല്ല അതിന്റെ പിന്നിലുളളത്. മോഹന്ലാല് എന്ന ഒരു കലാകാരനുണ്ട്. പ്രതിഭാകരനായ ഒരു സംവിധായകനുണ്ട്. അതിന്റെ അണിയറയിലും അരങ്ങിലും ഒരുപാട് വ്യക്തിത്വങ്ങളുണ്ട്. ഇവരുടെയൊക്കെ മുഖങ്ങളും പ്രകടനങ്ങളും ബിഗ് സ്ക്രീനില് കാണണോ മൊബൈല് ഫോണ് സ്ക്രീനില് കാണണോ എന്ന് അവര് തീരുമാനിക്കണം. മോഹന്ലാല് എന്ന വലിയ നടന് അദ്ദേഹത്തിന്റെ വിസ്മയകരമായ പ്രകടനം മൊബൈലിലൂടെ ആരാധകര് കാണുമെന്ന് ഞാന് വിശ്വസിക്കുന്നില്ല.
'മോഹന്ലാല് എതിര്ക്കാത്തതിന്റെ കാരണം മോഹന്ലാല് കലാകരാന് എന്നതിനെക്കാള് ഉപരിയായി ബിസിനസുകാരനായി എന്നതാണ്. മോഹന്ലാല് എന്ന ബിസിനസുകാരന് വളരുകയാണ്. 2019 ഡിസംബറില് സൂഫിയും സുജാതയും ഒടിടിയില് പോയപ്പോള്, സിനിമ എന്നത് തിയേറ്ററുകളില് കാണാനുള്ളതാണെന്ന് മോാഹന്ലാല് അഭിപ്രായപ്പെട്ടിട്ടുണ്ട്. ഒടിടിക്കെതിരെ അന്ന് ശബ്ദം ഉയര്ത്തിയ സിനിമാതാരം മോഹന്ലാലാണ്.
സിനിമ തിയേറ്ററുകള്ക്ക് ഉള്ളതാണെന്നാണ് അദ്ദേഹം അന്ന് പറഞ്ഞത്. എന്നാണ് ഈ അഭിപ്രായം തിരിഞ്ഞത്. ഞങ്ങളുമായി ഇടപാട് നടന്നിട്ടുണ്ടെന്ന് ആമസോണിനെ അറിയിച്ചിട്ടുണ്ട്. അതുകൊണ്ടാണ് അഡ്വാന്സ് തിരിച്ചുകൊടുത്തത്. തിയേറ്റര് ഉടമകള് കഴിഞ്ഞ രണ്ടു വര്ഷമായി വഞ്ചിക്കപ്പെടുകയാണ്.
മരക്കാര് ഒടിടി റിലീസിനൊരുങ്ങുകയാണെന്ന് ചിത്രത്തിന്റെ നിര്മ്മാതാവ് ആന്റണി പെരുമ്പാവൂര് തന്നെയാണ് മാധ്യമങ്ങളെ അറിയിച്ചത്. സിനിമയുടെ റിലീസ് ഇനിയും നീട്ടാനാകില്ലെന്നാണ് അദ്ദേഹം അറിയിച്ചത്. ആമസോണ് പ്രൈമുമായി ചര്ച്ചകള് നടക്കുകയാണ്. തിയേറ്ററിലും ഒടിടിയിലും ഒരേസമയം റിലീസ് ചെയ്യുകയില്ലെന്നും അദ്ദേഹം വ്യക്തമാക്കി.
മോഹന്ലാലിനെ കേന്ദ്ര കഥാപാത്രമാക്കി പ്രിയദര്ശന് സംവിധാനം ചെയ്ത ചിത്രത്തിന്റെ ബജറ്റ് 100 കോടിയാണ്. തന്റെ ജീവിതത്തിലെ ഏറ്റവും ചിലവേറിയ സിനിമയാണിതെന്ന് സംവിധായകന് പ്രിയദര്ശന് പറഞ്ഞിരുന്നു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര്, സന്തോഷ് ടി കുരുവിള, റോയ് സി ജെ എന്നിവരാണ് ചിത്രം നിര്മ്മിക്കുന്നത്.
മലയാളത്തിന് പുറമെ ഹിന്ദി, തമിഴ് തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്യും. മഞ്ജു വാര്യര്, സുനില് ഷെട്ടി, പ്രഭു, കീര്ത്തി സുരേഷ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്. അനില് ശശിയും പ്രിയദര്ശനും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്.
Theater owners cheated; Mohanlal is not an actor ...
