---
title: "മലയാളത്തിന്റെ പ്രിയങ്കരി; കെ.പി.എ.സി ലളിതയുടെ ഓർമ്മകൾക്ക് ഇന്ന് നാല് വയസ്സ്"
english_title: "Today marks four years since KPAC Lalitha passed away."
publisher: "moviemax.in"
canonical_url: "https://moviemax.in/news/343466/today-marks-four-years-since-kpac-lalitha-passed-away"
published_at: "2026-02-22T09:38:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/699a81962add7_tru4.jpg"
keywords: []
---

# മലയാളത്തിന്റെ പ്രിയങ്കരി; കെ.പി.എ.സി ലളിതയുടെ ഓർമ്മകൾക്ക് ഇന്ന് നാല് വയസ്സ്

> **Lead Summary:** **[ **മലയാള സിനിമയുടെ തിരശ്ശീലയിൽ സ്വാഭാവിക അഭിനയത്തിന്റെ വസന്തം തീർത്ത കെ.പി.എ.സി ലളിത വിടവാങ്ങിയിട്ട് ഇന്ന് നാല് വർഷം തികയുന്നു. പകരക്കാരില്ലാത്ത അഭിനയശൈലി കൊണ്ടും തനിമയാർന്ന ശബ്ദം കൊണ്ടും മലയാളികളുടെ ഹൃദയത്തിൽ ഇടംപിടിച്ച ഈ മഹാനടി, തന്റെ അസാന്നിധ്യത്തിലും ഓർമ്മകളിലൂടെ ഇന്നും പ്രേക്ഷകർക്കിടയിൽ സജീവമാണ്.

## Article Content

**[ **മലയാള സിനിമയുടെ തിരശ്ശീലയിൽ സ്വാഭാവിക അഭിനയത്തിന്റെ വസന്തം തീർത്ത കെ.പി.എ.സി ലളിത വിടവാങ്ങിയിട്ട് ഇന്ന് നാല് വർഷം തികയുന്നു. പകരക്കാരില്ലാത്ത അഭിനയശൈലി കൊണ്ടും തനിമയാർന്ന ശബ്ദം കൊണ്ടും മലയാളികളുടെ ഹൃദയത്തിൽ ഇടംപിടിച്ച ഈ മഹാനടി, തന്റെ അസാന്നിധ്യത്തിലും ഓർമ്മകളിലൂടെ ഇന്നും പ്രേക്ഷകർക്കിടയിൽ സജീവമാണ്.

1947-ൽ കായംകുളം രാമപുരത്ത് മഹേശ്വരിയായി ജനിച്ച അവർ, നാടകവേദികളിലെ കരുത്തുറ്റ പ്രകടനങ്ങളിലൂടെയാണ് 'കെ.പി.എ.സി ലളിത' എന്ന പേരിൽ പ്രശസ്തയായത്. 1969-ൽ കെ.എസ്. സേതുമാധവൻ സംവിധാനം ചെയ്ത ചിത്രത്തിലൂടെ സിനിമയിലെത്തിയ ലളിത, സത്യൻ, പ്രേം നസീർ തുടങ്ങിയ ഇതിഹാസങ്ങൾക്കൊപ്പം നിരവധി ശ്രദ്ധേയ വേഷങ്ങൾ കൈകാര്യം ചെയ്തു.

അഞ്ച് പതിറ്റാണ്ടിലേറെ നീണ്ട കലാജീവിതത്തിനിടയിൽ 600-ലധികം സിനിമകളിൽ അവർ വേഷമിട്ടു. ഹാസ്യമായാലും ഗൗരവമേറിയ സ്വഭാവവേഷങ്ങളായാലും നെഗറ്റീവ് റോളുകളായാലും അവരിലെ അഭിനേത്രിയുടെ കൈകളിൽ ഭദ്രമായിരുന്നു.

രണ്ട് തവണ മികച്ച സഹനടിക്കുള്ള ദേശീയ പുരസ്കാരവും നാല് തവണ സംസ്ഥാന പുരസ്കാരവും അവരെ തേടിയെത്തിയത് ആ പ്രതിഭയ്ക്കുള്ള അംഗീകാരങ്ങളായിരുന്നു. അടൂർ ഗോപാലകൃഷ്ണന്റെ 'മതിലുകൾ' എന്ന ചിത്രത്തിൽ ശബ്ദത്തിലൂടെ മാത്രം ഒരു കഥാപാത്രത്തെ അനശ്വരമാക്കാൻ സാധിച്ചു എന്നത് അവരുടെ ശബ്ദനിയന്ത്രണത്തിന് ലഭിച്ച ഏറ്റവും വലിയ സാക്ഷ്യപത്രമാണ്.

നാടകവേദിയിൽ നിന്ന് തുടങ്ങി സിനിമയുടെ വെള്ളിത്തിരയിൽ അനശ്വരമായ മുദ്രകൾ പതിപ്പിച്ച കെ.പി.എ.സി ലളിത, മലയാള സിനിമ ഉള്ള കാലത്തോളം പ്രേക്ഷകമനസ്സുകളിൽ മായാതെ നിൽക്കും.

### Related Links & Sources
- [Original Story Source](https://moviemax.in/news/343466/today-marks-four-years-since-kpac-lalitha-passed-away)