#Baahubali 3 #Prabhas #Netflix #Anushka Shetty
( https://moviemax.in/ ) ഇന്ത്യൻ സിനിമാ വ്യവസായത്തിലെ വലിയൊരു നാഴികക്കല്ലായി മാറിയ സിനിമയാണ് എസ്. എസ്. രാജമൗലിയുടെ 'ബാഹുബലി' ഫ്രാഞ്ചൈസി. മേക്കിങ്ങിലും പ്രമേയത്തിലും മാത്രമല്ല, ഇന്ത്യൻ ബോക്സ് ഓഫീസിൽ തന്നെ ചരിത്രം കുറിച്ച ഈ ഫ്രാഞ്ചൈസിയുടെ മൂന്നാം ഭാഗം വരുന്നുവെന്ന വിവരമാണ് ഇപ്പോൾ സോഷ്യൽ മീഡിയയിൽ എങ്ങും നിറയുന്നത്. നെറ്റ്ഫ്ലിക്സിന്റെ ‘ബാഹുബലി: ദി ടോർച്ച്ബിയറർ’ എന്ന ഡോക്യുമെന്ററിയുടെ ഒരു വീഡിയോ പുറത്തുവന്നതാണ് ഈ ചർച്ചകൾക്കിപ്പോൾ വഴിവെച്ചിരിക്കുന്നത്. ഇതിന്റെ ആവേശത്തിലാണ് ഇപ്പോൾ സിനിമാ പ്രേമികൾ.
പ്രഭാസ്, റാണ ദഗ്ഗുബതി, അനുഷ്ക ഷെട്ടി എന്നിവർ ഉൾപ്പെടുന്നതാണ് ഡോക്യുമെന്ററി. ഇതിന്റെ അവസാന ഭാഗത്തെ ക്ലിപ്പാണ് സോഷ്യൽ മീഡിയയിൽ പ്രചരിക്കുന്നത്. വൈറലായ ക്ലിപ്പിൽ, "ലോകം ഇതുവരെ തയ്യാറായിട്ടില്ലായിരിക്കാം, പക്ഷേ ബാഹുബലി ഉണ്ടാകും" എന്ന് റാണ പറയുന്നുണ്ട്. ഇത് കേട്ട ഉടനെ പ്രഭാസ് പുഞ്ചിരിച്ച് കൊണ്ട് മൂന്ന് വിരലുകൾ ഉയർത്തുന്നത് കാണാം. ഇതോടെ അനുഷ്കയും റാണയും പ്രഭാസിന്റെ കൈ പിടിച്ച് താഴ്ത്തുന്നുണ്ട്. പിന്നാലെ 'ദി ലെഗസി കണ്ടിന്യൂസ്' എന്ന് എഴുതി കാണിക്കുന്നുമുണ്ട്. പിന്നാലെ ബാഹുബലി 3 ഉണ്ടാകുമെന്ന നിഗമനത്തിൽ സിനിമാസ്വാദകർ എത്തിക്കഴിഞ്ഞു. എന്നാൽ നിർമ്മാതാക്കളിൽ നിന്നോ രാജമൗലിയിൽ നിന്നോ ഇതുവരെ ഔദ്യോഗിക പ്രഖ്യാപനങ്ങളൊന്നും ഉണ്ടായിട്ടില്ല.
‘ബാഹുബലി: ദി ടോർച്ച്ബിയറർ’ ഇന്നാണ് നെറ്റ്ഫ്ലിക്സിൽ സ്ട്രീമിംഗ് ആരംഭിച്ചത്. നാല് എപ്പിസോഡുകളാണ് ഡോക്യുമെന്ററിയ്ക്ക് ഉള്ളത്. ബാഹുബലി ഫ്രാഞ്ചൈസികൾ എങ്ങനെയാണ് നിർമ്മിച്ചതെന്നും അവ എങ്ങനെയാണ് ആഗോള വിജയമായതെന്നും ഇതിൽ കാണിക്കുന്നുണ്ട്. തിരശ്ശീലയ്ക്ക് പിന്നിലെ ദൃശ്യങ്ങളും അഭിനേതാക്കളുമായുള്ള സംഭാഷണങ്ങളും സെറ്റിലെ നിമിഷങ്ങളുമെല്ലാം ഇതിൽ ഉൾപ്പെടുന്നുണ്ട്.
Content Highlight: Baahubali 3, S. S. Rajamouli, Prabhas, Netflix, Baahubali: The Torchbearer Documentary
