[moviemax.in] നടി ആക്രമിക്കപ്പെട്ട കേസിലെ കോടതി വിധിയെ സംബന്ധിച്ച് നടൻ ടിനി ടോം പ്രതികരിച്ചു. കോടതിയുടെ തീരുമാനമാണ് അന്തിമം എന്ന നിലപാടിൽ നിൽക്കുന്നുവെന്നും, അതിനാൽ അതിജീവിതയ്ക്ക് നീതി ലഭിച്ചെന്ന് താൻ വിശ്വസിക്കുന്നുവെന്നും അദ്ദേഹം പറഞ്ഞു.
“കോടതി കുറ്റക്കാരെ ശിക്ഷിക്കുകയും, തെറ്റ് ചെയ്തിട്ടില്ലെന്ന് കണ്ടെത്തിയവരെ വിടുകയും ചെയ്തു. കോടതി വിധിയെ ഞാൻ പൂർണമായി അംഗീകരിക്കുന്നു. അതിജീവിതയും ഇത്രയും വർഷം ശിക്ഷ അനുഭവിച്ച ആളും രണ്ടുപേരും ഞങ്ങളുടെ പരിചയമുള്ള ആളുകളാണ്.
സത്യം പുറത്തുവരാൻ കാത്തിരിപ്പായിരുന്നു. അതുകൊണ്ടാണ് കോടതി വിധിയിൽ വിശ്വാസം,” ടിനി ടോം പറഞ്ഞു. ദിലീപിനെക്കുറിച്ചുള്ള വ്യക്തിപരമായ അഭിപ്രായം ചോദിച്ചപ്പോൾ, “അടുത്ത സുഹൃത്തും സഹോദരനുമായ ഒരാൾ നിന്ന് ഇത്തരത്തിൽ ഒരു പ്രവൃത്തി പ്രതീക്ഷിക്കില്ല” എന്നാണ് ടിനിയുടെ മറുപടി.
“ഞാൻ ആലുവക്കാരൻ. ദിലീപിനെ കുട്ടിക്കാലം മുതൽ കാണുന്നു. മിമിക്രി മത്സരങ്ങളിൽ എന്നെ ജഡ്ജ് ചെയ്തിട്ടുണ്ട്. അടുത്തറിഞ്ഞ ഒരാളെന്ന നിലയിൽ ഇത്തരത്തിൽ ഒരു കുറ്റം ചെയ്യുമെന്നു വിശ്വസിക്കാൻ പ്രയാസമാണ്.
വിവാഹശേഷം എന്നെയും ഭാര്യയെയും വീട്ടിലേക്ക് ആദരിച്ചു കൂട്ടിക്കയറ്റിയ ആളാണ് ദിലീപും മഞ്ജു വാര്യരും. എന്നാൽ കേസിൽ വ്യക്തിപരമായ ഇഷ്ടങ്ങളല്ല, കോടതിയുടെ തീരുമാനം തന്നെയാണ് ഞാൻ പിന്തുടരുന്നത്,” അദ്ദേഹം വ്യക്തമാക്കി.
ദിലീപിന്റെ അമ്മയിലേക്കുള്ള തിരിച്ചുവരവ് സംബന്ധിച്ച് സംഘടന തീരുമാനിക്കുമെന്നും, അതിനായി പ്രത്യേക ജനറൽ ബോഡി വിളിക്കേണ്ടിവരുമെന്നും ടിനി ടോം കൂട്ടിച്ചേർത്തു.
Content Highlight: Actress attack case, Dileep, court verdict
