( moviemax.in ) നടൻ ദിലീപിന്റെയും കാവ്യ മാധവന്റെയും മകളും, മലയാളികൾക്ക് ഏറെ പ്രിയങ്കരിയുമായ മഹാലക്ഷ്മി (മാമാട്ടി) യുടെ പുതിയ വീഡിയോ സമൂഹമാധ്യമങ്ങളിൽ വൈറലായികൊണ്ടിരിക്കുകയാണ്. നിലവിൽ ഏഴ് വയസ്സുകാരിയായ മഹാലക്ഷ്മിയുടെ കുസൃതികളും ഇംഗ്ലീഷിലുള്ള സംസാരവുമാണ് ആരാധകർ ഏറ്റെടുത്തിരിക്കുന്നത്.
ദിലീപിൻ്റെ സഹോദരന്റെ മകനുൾപ്പെടെയുള്ള കസിൻസിനൊപ്പമുള്ള ഒരു ഫോട്ടോ ഫ്രെയിം നോക്കി കമന്റുകൾ പറയുന്ന മഹാലക്ഷ്മിയെയാണ് വീഡിയോയിൽ കാണുന്നത്. "എഗെയിൻ മാമു എഗെയിൻ അപ്പു..." എന്ന് ഫോട്ടോ ചൂണ്ടിക്കാട്ടി പറയുന്ന മഹാലക്ഷ്മി, താൻ തന്നെയാണ് ഫോട്ടോയിൽ നിറഞ്ഞുനിൽക്കുന്നത് എന്ന് പറഞ്ഞു കൊടുക്കുന്ന രംഗം ആരാധകരെ ചിരിപ്പിച്ചു.
മൂന്നാം ക്ലാസ് വിദ്യാർത്ഥിനിയായ മഹാലക്ഷ്മി മുതിർന്ന കുട്ടികളെപ്പോലെ ഇംഗ്ലീഷിൽ സംസാരിക്കുന്നതും വീഡിയോയിൽ വ്യക്തമാണ്. "മഹാലക്ഷ്മി പെട്ടന്ന് വളർന്നതുപോലെ തോന്നുന്നു. കൈക്കുഞ്ഞായിരുന്ന ചിത്രങ്ങൾ മനസ്സിൽ നിന്ന് മായുന്നില്ല, എല്ലാം ഇന്നലെ കഴിഞ്ഞതുപോലെ." എന്നിങ്ങനെ ആരാധകരും കമന്റുമായി എത്തി.
മകൾക്ക് എല്ലാവിധ സ്വാതന്ത്ര്യത്തോടും സന്തോഷത്തോടും വളരാനും പഠിക്കാനും സാധിക്കണം എന്ന ലക്ഷ്യത്തോടെയാണ് ദിലീപ് കുടുംബസമേതം ചെന്നൈയിൽ സ്ഥിരതാമസമാക്കിയത്. മഹാലക്ഷ്മിക്ക് അറിവായതിന് ശേഷമായിരുന്നു ഇത്.
നേരത്തെ എറണാകുളത്തെ ഒരു പ്രശസ്തമായ സ്കൂളിൽ പഠിച്ചിരുന്ന മാമാട്ടി, ഇപ്പോൾ ചെന്നൈയിലാണ് പഠനം തുടരുന്നത്. കൂടാതെ, ചേച്ചി മീനാക്ഷിയും ചെന്നൈയിൽ തന്നെ മെഡിസിന് ചേർന്ന് പഠിച്ച് ഡോക്ടറായി ജോലി ചെയ്തു തുടങ്ങി.
അടുത്തിടെയായിരുന്നു മഹാലക്ഷ്മിയുടെ ഏഴാം പിറന്നാൾ. കാവ്യയുടെ അച്ഛൻ മരിച്ചിട്ട് ഒരു വർഷം തികയാത്തതിനാലും, കുടുംബത്തോടൊപ്പം സമയം ചെലവഴിക്കാനുമായി ഇത്തവണ ഒതുക്കത്തിൽ അടുത്ത ബന്ധുക്കളെ മാത്രം പങ്കെടുപ്പിച്ചാണ് ആഘോഷം നടത്തിയത്. മകളെ സങ്കടപ്പെടുത്തേണ്ടെന്ന് കരുതിയാണ് താരകുടുംബം തിരുവോണം പോലും ഇത്തവണ ആഘോഷിക്കാതിരുന്നത്.
കാവ്യ മാധവൻ അഭിനയത്തിൽ നിന്ന് ഇടവേളയെടുത്ത് ഇപ്പോൾ കുടുംബജീവിതം ആസ്വദിക്കുന്നതിനൊപ്പം, മകൾ സ്കൂളിൽ പോയി തുടങ്ങിയ ശേഷം 'ലക്ഷ്യ' എന്ന ബിസിനസ് വീണ്ടും സജീവമാക്കിയിരിക്കുകയാണ്. ദിലീപിന്റെ പുതിയ ചിത്രം 'ബാന്ദ്ര' റിലീസിന് ഒരുങ്ങുകയാണ്.
Content Highlight: Dileep and Kavya Madhavan's daughter, Mahalakshmi's new video
