---
title: "അന്താരാഷ്ട്ര ചലച്ചിത്ര മേളക്ക് ഗോവ റെഡി; ലോകചലച്ചിത്രങ്ങളുടെ വിരുന്നിൽ മലയാളവും മിന്നും!"
english_title: "56th International Film Festival, 270 films, The Blue Trail"
publisher: "moviemax.in"
canonical_url: "https://moviemax.in/news/326314/56th-international-film-festival-270-films-the-blue-trail-new"
published_at: "2025-11-17T11:51:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/691ac12081a72_ooooo2.jpg"
keywords: []
---

# അന്താരാഷ്ട്ര ചലച്ചിത്ര മേളക്ക് ഗോവ റെഡി; ലോകചലച്ചിത്രങ്ങളുടെ വിരുന്നിൽ മലയാളവും മിന്നും!

> **Lead Summary:** **പനജി:[ ** 56-ാമത് അന്താരാഷ്ട്ര ചലച്ചിത്രമേള (ഇഫി–2025) ഗോവയിൽ ആഘോഷപൂർവം ആരംഭിക്കാനുള്ള ഒരുക്കങ്ങൾ പൂർത്തിയായി. നവംബർ 20 മുതൽ 28 വരെ നീളുന്ന ഈ ചിത്രോത്സവത്തിൽ ലോകമെമ്പാടുമുള്ള 270 സിനിമകൾ പ്രദർശിപ്പിക്കും.

## Article Content

**പനജി:[ ** 56-ാമത് അന്താരാഷ്ട്ര ചലച്ചിത്രമേള (ഇഫി–2025) ഗോവയിൽ ആഘോഷപൂർവം ആരംഭിക്കാനുള്ള ഒരുക്കങ്ങൾ പൂർത്തിയായി. നവംബർ 20 മുതൽ 28 വരെ നീളുന്ന ഈ ചിത്രോത്സവത്തിൽ ലോകമെമ്പാടുമുള്ള 270 സിനിമകൾ പ്രദർശിപ്പിക്കും.

ബ്രസീലിൽ നിന്നുള്ള ദി ബ്ലൂ ട്രെയിൽ ഉദ്ഘാടന ചിത്രമായി തിരഞ്ഞെടുത്തു. 7500–ത്തിലധികം പ്രതിനിധികൾ ഇതിനകം രജിസ്റ്റർ ചെയ്തിട്ടുണ്ടെന്ന് വാർത്താവിതരണ-പ്രക്ഷേപണ സഹമന്ത്രി ഡോ. എൽ. മുരുകൻ അറിയിച്ചു.

പനജിയിലെ ഇനോക്സ് മൾട്ടിപ്ലക്സ്, കലാ അക്കാദമി തുടങ്ങിയ പ്രധാന വേദികൾ പ്രദർശനങ്ങൾക്ക് പൂർണ്ണമായും തയ്യാറായിട്ടുണ്ട്. മേളയിൽ നടൻ രാജനികാന്തിനെ പ്രത്യേകമായി അനുമോദിക്കും.

വനിതകളുടെ സൃഷ്ടികളായ 50 ചിത്രങ്ങൾ, ഓസ്കർ എൻട്രിയുള്ള 21 സിനിമകൾ, പുതുമുഖ സംവിധായകരുടെ 50 കൃതികൾ എന്നിവ ഇത്തവണത്തെ പ്രത്യേക ആകർഷണങ്ങളാണ്. ഗോവയിൽ നിർമ്മിച്ച ഏഴ് കൊങ്കണി സിനിമകൾക്കും പ്രദർശനാവസരം ലഭിച്ചിട്ടുണ്ട്.

> ഇന്ത്യൻ പനോരമ വിഭാഗത്തിൽ 50 ചിത്രങ്ങളാണ് ഉൾപ്പെടുത്തിയിരിക്കുന്നത്. മലയാള ചലച്ചിത്രരംഗത്ത് നിന്ന് തരുൺ മൂർത്തിയുടെ "തുടരും", ജിതിൻ ലാലിന്റെ "എആർഎം" എന്നീ സിനിമകൾക്കും ഇഫിയിൽ സ്ഥാനം ലഭിച്ചു.

മേള സുരക്ഷിതവും ക്രമാതീതവുമായി പൂർത്തിയാക്കാൻ എന്റർടെയ്ൻമെന്റ് സൊസൈറ്റി ഓഫ് ഗോവയും കേന്ദ്ര ഫിലിം ഡയറക്ടറേറ്റും ആവശ്യമായ ക്രമീകരണങ്ങൾ പൂർത്തിയാക്കിയതായി മുഖ്യമന്ത്രി പ്രമോദ് സാവന്ത് വിവരിച്ചു. എൻഎഫ്ഡിസി മാനേജിംഗ് ഡയറക്ടർ പ്രകാശ് മഗം പത്രസമ്മേളനത്തിൽ പങ്കെടുത്തു.

### Related Links & Sources
- [Original Story Source](https://moviemax.in/news/326314/56th-international-film-festival-270-films-the-blue-trail-new)