(moviemax.in) മമ്മൂട്ടിയുടെ എക്കാലത്തെയും സ്റ്റൈലിഷ് ചിത്രങ്ങളിൽ ഒന്നായ 'സാമ്രാജ്യം' റീ-റിലീസിനൊരുങ്ങുന്നു. 1990-ൽ റിലീസ് ചെയ്ത ചിത്രത്തിൻ്റെ 35-ാം വാർഷികത്തോടനുബന്ധിച്ച് 4കെ ഡോൾബി അറ്റ്മോസ് പതിപ്പാണ് തിയേറ്ററുകളിലെത്തുന്നത്. ജോമോൻ ആദ്യമായി സംവിധാനം ചെയ്ത ഈ ചിത്രം അക്കാലത്ത് യുവ പ്രേക്ഷകരെ ഏറെ ആകർഷിച്ചിരുന്നു.
'സാമ്രാജ്യം' എന്ന സിനിമയുടെ പിറവിയെക്കുറിച്ചുള്ള ഒരു കഥയാണ് ഇപ്പോൾ സിനിമാലോകത്ത് ചർച്ചയാകുന്നത്. 1988-ൽ ഐ.വി. ശശി സംവിധാനം ചെയ്ത '1921' എന്ന ചിത്രത്തിൻ്റെ അഞ്ചാമത്തെ അസിസ്റ്റൻ്റ് ഡയറക്ടറായിരുന്നു ജോമോൻ.
ആക്ഷന് പകരം വൈകാരികമായ മുഹൂർത്തങ്ങൾക്കാണ് തിരക്കഥയിൽ മുൻഗണന നൽകിയിരുന്നത്. അമ്മയും മകനും തമ്മിലുള്ള ബന്ധമാണ് അലക്സാണ്ടർ എന്ന കഥാപാത്രത്തിന്റെ നട്ടെല്ല്. ഇളയരാജയുടെ പശ്ചാത്തല സംഗീതം ചിത്രത്തിന് കൂടുതൽ കരുത്ത് നൽകി. നായകൻ മരിക്കുന്ന ക്ലൈമാക്സ് ആയിരുന്നിട്ട് പോലും, ജൂനിയർ അലക്സാണ്ടർ കാറിൽ കയറുന്ന രംഗത്തിന് തിയേറ്ററുകളിൽ വലിയ സ്വീകാര്യത ലഭിച്ചു.
ചിത്രം കണ്ട അമിതാഭ് ബച്ചൻ ജോമോനെ നേരിട്ട് വിളിച്ച് അഭിനന്ദിച്ചു. പിന്നീട് തമിഴിലെ ബ്ലോക്ക്ബസ്റ്റർ ചിത്രമായ 'ബാഷ'യുടെ പ്രചോദനം 'സാമ്രാജ്യം' ആയിരുന്നു. മലയാളത്തിന് പുറമെ തമിഴ്, തെലുങ്ക് ഭാഷകളിലും ചിത്രം റിലീസ് ചെയ്തിരുന്നു. തെലുങ്കിൽ 400 ദിവസത്തിന് മുകളിൽ പ്രദർശിപ്പിച്ച് ചിത്രം ചരിത്രം സൃഷ്ടിച്ചു. സെപ്റ്റംബറിൽ റീ-റിലീസ് ചെയ്യുന്ന 'സാമ്രാജ്യം' വിതരണം ചെയ്യുന്നത് ആരിഫ റിലീസ് ആണ്. മമ്മൂട്ടിയുടെ ഐക്കണിക് ഗ്യാങ്സ്റ്റർ കഥാപാത്രത്തെ ബിഗ് സ്ക്രീനിൽ കാണാൻ പ്രേക്ഷകർ കാത്തിരിക്കുകയാണ്.
Content Highlight: Samrajyam is getting ready for a re release Mammoottys Alexander is back in theaters
