(moviemax.in) കഞ്ചാവ് കേസില് പിടിയിലായ റാപ്പര് വേടനെതിരെ കേസെടുത്ത് വനംവകുപ്പും. വേടന്റെ മാലയില് പുലിപ്പല്ല് കണ്ടെത്തിയതിനെ തുടര്ന്നാണ് കേസെടുത്തത്. പുലിപ്പല്ല് തായ്ലന്ഡില് നിന്ന് എത്തിച്ചതെന്നാണ് വനം വകുപ്പിന് വേടന് നല്കിയ മറുപടി. എന്നാല് പുലിപ്പല്ല് നിയമവിരുദ്ധമാണെന്ന് വനം വകുപ്പ് വ്യക്തമാക്കി.
കോടനാട് റേഞ്ച് ഓഫീസറുടെ നേതൃത്വത്തില് ഫ്ളാറ്റില് എത്തി നടത്തിയ പരിശോധനയിലാണ് മാല കണ്ടെത്തിയത്. അതേസമയം വേടന്റെ ഒപ്പമുണ്ടായിരുന്നവരുടെ വാഹനവും പൊലീസ് പരിശോധിക്കുന്നുണ്ട്.
വേടന് കഞ്ചാവ് ഉപയോഗിച്ചതായി ഇയാള് തന്നെ സമ്മതിച്ചതായി പൊലീസ് അറിയിച്ചു. ആറ് ഗ്രാം കഞ്ചാവാണ് വേടന്റെ ഫ്ളാറ്റില് നിന്ന് പിടിച്ചെടുത്തത്. മേശപ്പുറത്തും മറ്റിടങ്ങളിലുമായാണ് കഞ്ചാവ് കണ്ടെത്തിയത്. ഒമ്പതരലക്ഷം രൂപയും ഫ്ളാറ്റില് നിന്ന് കണ്ടെത്തിയിട്ടുണ്ട്.
Content Highlight: Forest Department filed case against rapper vedan arrested ganja case.
.jpeg)
.jfif)
