---
title: "#Bhramayugam | അത്ഭുതപ്പെടുത്തി മമ്മൂട്ടിയുടെ പകർന്നാട്ടം; 'ഭ്രമയുഗം' 50 കോടി ക്ലബ്ബിൽ "
english_title: "#Mammootty #performance #surprising #Bhramayugam #crore #club"
publisher: "moviemax.in"
canonical_url: "https://moviemax.in/news/187178/mammootty-performance-surprising-bhramayugam-crore-club"
published_at: "2024-02-25T11:40:00+05:30"
category: "Malayalam"
language: "ml"
image: "https://moviemax.in/image-uploads/65dada6358f5f_bramayugam.jpg"
keywords: []
---

# #Bhramayugam | അത്ഭുതപ്പെടുത്തി മമ്മൂട്ടിയുടെ പകർന്നാട്ടം; 'ഭ്രമയുഗം' 50 കോടി ക്ലബ്ബിൽ 

> **Lead Summary:** **[ ലോ**കമെമ്പാടും മമ്മൂട്ടിയുടെ 'ഭ്രമയുഗ'ത്തിലെ പകർന്നാട്ടം കണ്ട് അത്ഭുതപ്പെട്ടിരിക്കുകയാണ്. ഈ അവസരത്തിലാണ് ചിത്രം ആഗോളതലത്തിൽ 50 കോടി ക്ലബ്ബിൽ ഇടം പിടിച്ചിരിക്കുന്നത്. ബ്ലാക്ക് ആൻഡ് വൈറ്റിൽ കഥ പറയുന്ന സിനിമയ്ക്ക് ലഭിക്കുന്ന സ്വീകാര്യത കളക്ഷനിലും പ്രകടമാണ്.

## Article Content

**[ ലോ**കമെമ്പാടും മമ്മൂട്ടിയുടെ 'ഭ്രമയുഗ'ത്തിലെ പകർന്നാട്ടം കണ്ട് അത്ഭുതപ്പെട്ടിരിക്കുകയാണ്. ഈ അവസരത്തിലാണ് ചിത്രം ആഗോളതലത്തിൽ 50 കോടി ക്ലബ്ബിൽ ഇടം പിടിച്ചിരിക്കുന്നത്. ബ്ലാക്ക് ആൻഡ് വൈറ്റിൽ കഥ പറയുന്ന സിനിമയ്ക്ക് ലഭിക്കുന്ന സ്വീകാര്യത കളക്ഷനിലും പ്രകടമാണ്.

നിർമ്മാതാവ് ആന്റോ ജോസഫാണ് ഈ വിവരം പ്രേക്ഷകരെ ഫേസ്ബുക്കിലൂടെ അറിയിച്ചത്. മലയാള സിനിമ പ്രേക്ഷകർക്ക് ഒരിക്കലും മറക്കാൻ കഴിയാത്ത മാസമായി മാറിയിരിക്കുകയാണ് ഫെബ്രുവരി. മൂന്ന് റിലീസുകൾ അതിൽ മൂന്നും സൂപ്പർഹിറ്റ്‌. ബോക്സ് ഓഫീസിൽ മൂന്ന് ചിത്രങ്ങളും മികച്ച മുന്നേറ്റമാണ് നടത്തിക്കൊണ്ടിരിക്കുന്നത്.

'പ്രേമലു', 'ഭ്രമയുഗം', 'മഞ്ഞുമ്മൽ ബോയ്സ്' ഈ മൂന്ന് ചിത്രങ്ങളെയും കോർത്ത് 'പ്രേമയുഗംബോയ്സ്' എന്ന പേരും സോഷ്യൽ മീഡിയയിൽ ഇപ്പോൾ ചർച്ച വിഷയമാണ്. 'ഭൂതകാല'ത്തിന് ശേഷം രാഹുൽ സദാശിവൻ സംവിധാനം ചെയ്ത ഹൊറർ ത്രില്ലർ ചിത്രമാണ് ഭ്രമയുഗം. ചിത്രത്തിൽ പ്രതിനായക വേഷമാണ് മമ്മൂട്ടിക്ക്.

അർജുൻ അശോകനാണ് ചിത്രത്തിൽ നായക വേഷം കൈകാര്യം ചെയ്യുന്നത്. മലയാളം, തമിഴ്, കന്നഡ, തെലുങ്ക്, ഹിന്ദി തുടങ്ങി അഞ്ച് ഭാഷകളിലാണ് സിനിമ റിലീസ് ചെയ്തത്. ബ്ലാക്ക് ആൻഡ് വൈറ്റിൽ ആണ് ചിത്രം കഥപറയുന്നത്. സിദ്ധാർത്ഥ് ഭരതൻ, അമൽഡ ലിസ് തുടങ്ങിയവരാണ് മറ്റ് പ്രധാന വേഷങ്ങൾ കൈകാര്യം ചെയ്യുന്നത്.

### Related Links & Sources
- [Original Story Source](https://moviemax.in/news/187178/mammootty-performance-surprising-bhramayugam-crore-club)