ബീയാര് പ്രസാദിന്റെ വേർപാടിന്റെ ഞെട്ടലിലാണ് സിനിമാലോകവും , മലയാളികളും . ഇന്നലെയായിരുന്നു ഗാനരചയിതാവും , കവിയുമായ ബീയാര് പ്രസാദ് വിടവാങ്ങിയത് . ഇപ്പോഴിതാ ബീയാര് പ്രസാദിന് അനുശോചനം അറിയിച്ചെത്തിയിരിക്കുകയാണ് സിനിമാലോകം . നിരവധി പേരാണ് അദ്ദേഹത്തിന്റെ ഓർമ്മകളുമായി രംഗത്തെത്തുന്നത്.
"ബീയാർ പ്രസാദ്. പിന്നണി ഗായകനായി ഞാൻ ആദ്യം പാടിയ ‘കസവിന്റെ തട്ടമിട്ട്’ എന്ന പാട്ട് പ്രസാദേട്ടൻ എഴുതിയതാണ്. ഗാനരചയിതാവ് എന്ന നിലയിൽ അദ്ദേഹത്തിന്റെ ആദ്യ സിനിമയായിരുന്നു കിളിച്ചുണ്ടൻ മാമ്പഴം.
‘കൂന്താലിപ്പുഴ’ എന്നത് അദ്ദേഹത്തിന്റെ സാങ്കല്പികസൃഷ്ടിയാണ്.പ്രസാദേട്ടനെ സ്നേഹപൂർവ്വം,ആദരപൂർവ്വം ഓർക്കുന്നു.കുടുംബത്തിനു വേണ്ടി പ്രാർത്ഥിക്കുന്നു", എന്നായിരുന്നു വിനീത് ശ്രീനിവാസന്റെ വാക്കുകൾ.
മസ്തിഷ്കാഘാതത്തെ തുടര്ന്ന് ദീര്ഘനാളായി ചികിത്സയിലായിരുന്നു. ചങ്ങനാശ്ശേരിയില് വെച്ചാണ് അന്ത്യം. സംസ്കാരം ഇന്ന് . കിളിച്ചുണ്ടന് മാമ്പഴം, പട്ടണത്തില് സുന്ദരന്, ഞാന് സല്പ്പേര് രാമന്കുട്ടി, ജലോത്സവം, വെട്ടം തുടങ്ങി നിരവധി ശ്രദ്ധേയ ചിത്രങ്ങളില് പാട്ടുകള് ഒരുക്കി. മലയാള ടെലിവിഷൻ രംഗത്തെ ആദ്യകാല അവതാരകാരിൽ ഒരാളുമാണ്.
Content Highlight: Now the film world has expressed its condolences to Biyar Prasad.
