---
title: "മമ്മൂട്ടിക്ക് എന്റെ ശബ്ദം ചേരില്ലെന്നാണ് എല്ലാവരും പറയാറുള്ളത്;  എംജി ശ്രീകുമാര്‍ "
english_title: "Everyone says that my voice does not suit Mammootty; MG Sreekumar"
publisher: "moviemax.in"
canonical_url: "https://moviemax.in/news/7983/everyone-says-that-my-voice-does-not-suit-mammootty-mg-sreekumar"
published_at: "2021-10-30T12:12:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/617ceb5411aa4_sreekumar.jpg"
keywords: []
---

# മമ്മൂട്ടിക്ക് എന്റെ ശബ്ദം ചേരില്ലെന്നാണ് എല്ലാവരും പറയാറുള്ളത്;  എംജി ശ്രീകുമാര്‍ 

> **Lead Summary:** മോഹന്‍ലാലും എംജി ശ്രീകുമാറും അടുത്ത സുഹൃത്തുക്കളാണ്. ലാലുവെന്ന് എംജി വിളിക്കുമ്പോള്‍ ശ്രീക്കുട്ടനെന്നാണ് മോഹന്‍ലാല്‍ വിളിക്കാറുള്ളത്. എംജി ശ്രീകുമാര്‍ പാടുമ്പോള്‍ മോഹന്‍ലാലിന്റെ ശബ്ദം തന്നെയല്ലേ അതെന്നാണ് എല്ലാവരും ചോദിക്കാറുള്ളത്. മോഹന്‍ലാലുമായുള്ള എംജിയുടെ കെമിസ്ട്രി മികച്ചതാണെന്ന് സിനിമാലോകവും സാക്ഷ്യപ്പെടുത്തിയിരുന്നു.

## Article Content

മോഹന്‍ലാലും എംജി ശ്രീകുമാറും അടുത്ത സുഹൃത്തുക്കളാണ്. ലാലുവെന്ന് എംജി വിളിക്കുമ്പോള്‍ ശ്രീക്കുട്ടനെന്നാണ് മോഹന്‍ലാല്‍ വിളിക്കാറുള്ളത്. എംജി ശ്രീകുമാര്‍ പാടുമ്പോള്‍ മോഹന്‍ലാലിന്റെ ശബ്ദം തന്നെയല്ലേ അതെന്നാണ് എല്ലാവരും ചോദിക്കാറുള്ളത്. മോഹന്‍ലാലുമായുള്ള എംജിയുടെ കെമിസ്ട്രി മികച്ചതാണെന്ന് സിനിമാലോകവും സാക്ഷ്യപ്പെടുത്തിയിരുന്നു.

തുടക്കം മുതലേ താന്‍ ലാലിന് വേണ്ടി പാടിയിരുന്നുവെന്നും പിന്നീട് കൂടുതല്‍ ഗാനങ്ങള്‍ ലഭിച്ചതോടെ അതങ്ങനെയായി മാറുകയായിരുന്നുവെന്നായിരുന്നു എംജി പറഞ്ഞത്. ഒരു അഭിമുഖത്തിനിടയിലായിരുന്നു എംജി ഇതേക്കുറിച്ച് പറഞ്ഞത്.

ചിത്രമെന്ന സിനിമയില്‍ മോഹന്‍ലാലിനായി പാടിയപ്പോള്‍ അത് ലാലിന്റെ ശബ്ദം പോലെ തന്നെ തോന്നിയെന്നായിരുന്നു അദ്ദേഹം പറഞ്ഞത്. മോഹന്‍ലാലിന് വേണ്ടി പാടിയത് ആള്‍ക്കാരങ്ങ് ഏറ്റെടുത്തപ്പോള്‍ താന്‍ ലാലിന്റെ പാട്ടുകാരനായെന്നായിരുന്നു എംജി പറഞ്ഞത്.

മമ്മൂട്ടിക്ക് വേണ്ടി ദാസേട്ടനായിരുന്നു അന്ന് പാടിയിരുന്നത്. മമ്മൂട്ടിക്ക് എന്റെ ശബ്ദം ചേരില്ലെന്നാണ് പലരും പറയാറുള്ളത്. അത് കേള്‍ക്കുമ്പോഴേ ചിരിയാണ് വരാറുള്ളത്. ദാസേട്ടന്‍ പാടുന്നത് പോലെ വേറാരും പാടിയാലും അത് ചേരില്ലെന്നുള്ളത് വലിയൊരു സത്യമാണെന്നുമായിരുന്നു അഭിമുഖത്തില്‍ എംജി ശ്രീകുമാര്‍ പറഞ്ഞത്.

ദാസേട്ടനില്‍ നിന്നും വ്യത്യസ്തമായ ശബ്ദമാണ് തന്റേത്. ആ കാരണം കൊണ്ടാണ് ഭാര്യ തന്നെ ഇഷ്ടപ്പെട്ടതെന്നും അദ്ദേഹം പറഞ്ഞിരുന്നു. ഒരിക്കലും ആരേയും അനുകരിക്കാന്‍ ശ്രമിക്കരുത് എന്ന നിര്‍ദേശമാണ് ചേട്ടന്‍ തന്നത്. ദാസേട്ടനെയെന്നല്ല ആരേയും അനുകരിക്കരുതെന്നാണ് ചേട്ടന്‍ പറയാറുള്ളത്. തുടക്കത്തില്‍ ദാസേട്ടനെ അനുകരിക്കാനൊക്കെ ശ്രമിച്ചിരുന്നു. ചേട്ടന്റെ ശിക്ഷണത്തിലൂടെയാണ് അത് മാറിയത്.

സ്വന്തമായൊരു വഴിയെ സഞ്ചരിക്കാനാണ് ഗുരുക്കന്‍മാരും പറയാറുള്ളത്. അങ്ങനെയൊരു വഴി തിരഞ്ഞെടുത്തതിനാലാണ് തന്റെ കരിയര്‍ മികച്ചതായി മാറിയത് എന്നാണ് താന്‍ വിശ്വസിക്കുന്നതെന്നും അദ്ദേഹം പറയുന്നു. തനിക്കും ഭാര്യയ്ക്കുമെതിരായി ഉയര്‍ന്ന വിമര്‍ശനങ്ങളെക്കുറിച്ചും എംജി ശ്രീകുമാര്‍ സംസാരിച്ചിരുന്നു.

എംജിക്കൊപ്പം ഭാര്യയും റെക്കോര്‍ഡിംഗിന് പോവുമെന്നും പാട്ടുകള്‍ തിരഞ്ഞെടുക്കുന്നത് ലേഖയാണെന്നുമായിരുന്നു ഒരു ആരോപണം. സിനിമയിലുള്ളവര്‍ തന്നെയാണ് ഇത്തരത്തിലൊരു കുപ്രചാരണം പടച്ചുവിട്ടത്. പൊതുവെ ഒരു റെക്കോര്‍ഡിംഗിനും അദ്ദേഹത്തിനൊപ്പം പോവാറില്ല, സ്വന്തമായൊരു ശൈലിയും സ്‌പേസും ഉണ്ടാക്കിയെടുത്ത ആളാണ് അദ്ദേഹം. അതിനിടയില്‍ താന്‍ അഭിപ്രായമൊന്നും പറയാറില്ലെന്നായിരുന്നു ലേഖ പറഞ്ഞത്.

### Related Links & Sources
- [Original Story Source](https://moviemax.in/news/7983/everyone-says-that-my-voice-does-not-suit-mammootty-mg-sreekumar)