നിര്മാതാവ് ദിനേശ് പണിക്കരെപ്പറ്റി കിരീടം ഉണ്ണി പറഞ്ഞ പ്രസ്താവനകള് സോഷ്യല് മീഡിയയിലടക്കം വൈറലായി മാറിയിരുന്നു. ഇപ്പോഴിതാ ഇതിനെതിരെ പ്രതികരിക്കുകയാണ് ദിനേശ് പണിക്കര്. മാസ്റ്റര് ബിന് ചാനലിന് നല്കിയ അഭിമുഖത്തിലാണ് അദ്ദേഹം ഇക്കാര്യത്തെപ്പറ്റി സംസാരിച്ചത്.
കിരീടം ഉണ്ണി തന്നെ ചതിക്കുകയായിരുന്നു. കൃപ ഫിലിംസിന്റെ ഓണര്ഷിപ്പ് ഇന്നും തന്റെയും ഉണ്ണിയുടെയും പേരിലാണ്. ആ സംരംഭം അയാള്ക്ക് സ്വന്തമായി വേണമെന്ന ഉദ്ദേശത്തോടെയായിരുന്നു എല്ലാം ചെയ്തത്. താന് ചെയ്ത മണ്ടത്തരമായിരുന്നു ദിനേശിനെ കൊണ്ടുവന്നത് എന്ന് അയാള് ഒരിക്കല് പറഞ്ഞിരുന്നു.
ശരിക്കും എനിക്കാണ് മണ്ടത്തരം പറ്റിയത്. അഞ്ചുപൈസയ്ക്ക് വകയില്ലതിരുന്ന ഒരാളെ താന് കൂടെ കൂട്ടി. കിരീടം എന്ന സിനിമ റിലീസായപ്പോള് ഏറ്റവും കൂടുതല് ചര്ച്ച ചെയ്യപ്പെട്ട ഒന്നായിരുന്നു നഖശിഖം എന്ന സിനിമയുടെ ക്ലൈമാക്സ് മാറ്റാന് താന് പറഞ്ഞെന്നുള്ളത്.
എനിക്കെതിരെ ഉണ്ണി ഉന്നയിച്ച വിമര്ശനമായിരുന്നു അത്. പക്ഷേ താന് അങ്ങനെ പറഞ്ഞിട്ടില്ല. സംവിധായകനായ സിബി മലയിലിനോട് ചോദിച്ചാല് അദ്ദേഹം പറയും. പിന്നീട് അതില് ഒരു ചര്ച്ച വരുന്നത്. ഡിസ്ട്രിബ്യൂട്ടറായ വിജയകുമാര് വന്നതിനു ശേഷമാണെന്നും അദ്ദേഹം പറഞ്ഞു.
ഉണ്ണി എന്ന വ്യക്തി തന്നെ ചതിക്കുകയായിരുന്നു. കിരീടം എന്ന സിനിമ നിര്മ്മിച്ചത് മാത്രമല്ല സ്വന്തം സിനിമ കാശ് കൊടുത്ത് വാങ്ങിച്ച വ്യക്തിയാണ് താനെന്നും അദ്ദേഹം പറഞ്ഞു. ഇന്നും കിരീടം അയാള് മാത്രം നിര്മ്മിച്ചതായാണ് പറയുന്നത്. അത് എന്താണെന്ന് തനിക്ക് ഇന്നും മനസ്സിലാകുന്നില്ലെന്നും അദ്ദേഹം കൂട്ടിച്ചേര്ത്തു.
'കടാവര്' ഡിസ്നി പ്ലസ് ഹോട്ട്സ്റ്റാറിന്റെ ട്രെന്ഡിംഗ് ലിസ്റ്റില്
അമല പോളിനെ കേന്ദ്ര കഥാപാത്രമാക്കി അനൂപ് എസ് പണിക്കര് സംവിധാനം ചെയ്ത കടാവര് എന്ന ചിത്രത്തിന് ഒടിടി റിലീസില് മികച്ച പ്രതികരണം. ഡയറക്റ്റ് ഒടിടി റിലീസ് ആയി എത്തിയ ചിത്രം ഡിസ്നി പ്ലസ് ഹോട്ട്സ്റ്റാറിന്റെ ട്രെന്ഡിംഗ് ലിസ്റ്റില് ഉണ്ട്. ഫോറന്സിക് ക്രൈം ത്രില്ലര് വിഭാഗത്തില് പെടുന്ന ചിത്രം ഇന്നലെയാണ് സ്ട്രീമിംഗ് ആരംഭിച്ചത്.
ചിത്രത്തില് തമിഴ്നാട്ടിലെ ചീഫ് പൊലീസ് സര്ജന്റെ റോളിലാണ് അമല പോള് എത്തുന്നത്. ഡോ. ഭദ്ര എന്നാണ് കഥാപാത്രത്തിന്റെ പേര്. മലയാള ചിത്രങ്ങളായ പത്താം വളവ്, നൈറ്റ് ഡ്രൈവ് എന്നീ ചിത്രങ്ങള്ക്ക് തിരക്കഥയൊരുക്കിയ അഭിലാഷ് പിള്ളയാണ് സിനിമയുടെ തിരക്കഥ ഒരുക്കിയിരിക്കുന്നത്.
ചിത്രത്തിന്റെ രചനാ ഘട്ടത്തില് അന്തരിച്ച മുന് പൊലീസ് സര്ജന് ഡോ. ബി ഉമാദത്തനുമായി അണിയറക്കാര് ചര്ച്ച നടത്തിയിരുന്നു. യഥാര്ഥ സംഭവങ്ങളില് നിന്നും പ്രചോദനം ഉള്ക്കൊണ്ടുള്ളതാണ് ചിത്രം.
കേന്ദ്ര കഥാപാത്രത്തെ അവതരിപ്പിച്ചിരിക്കുന്നതിനൊപ്പം ചിത്രത്തിന്റെ നിര്മ്മാണവും അമല പോള് ആണ്. അമല പോള് പ്രൊഡക്ഷന്സ് ആണ് ബാനര്. കഴിഞ്ഞ വര്ഷാദ്യം ചിത്രീകരണം പൂര്ത്തിയായ ചിത്രം തിയറ്റര് റിലീസിന് ഒരുങ്ങുകയാണെന്ന് ആദ്യം റിപ്പോര്ട്ടുകള് ഉണ്ടായിരുന്നു.
എന്നാല് പിന്നീട് ഡയറക്ട് ഒടിടി റിലീസ് പ്രഖ്യാപിക്കപ്പെടുകയായിരുന്നു. അന്നീസ് പോള്, തന്സീര് സലാം എന്നിവരാണ് സഹനിര്മ്മാണം. എകിസ്ക്യൂട്ടീവ് പ്രൊഡ്യൂസര് ദിനേശ് കണ്ണന്, ഛായാഗ്രഹണം അരവിന്ദ് സിംഗ്, കലാസംവിധാനം രാഹുല്, വരികള് കബിലന്, ശക്തി മഹേന്ദ്ര, സംഗീതം രഞ്ജിന് രാജ്.
എഡിറ്റിംഗ് സാന് ലോകേഷ്, സ്റ്റില്സ് റാം സുബ്ബു, വസ്ത്രാലങ്കാരം സോഫിയ ജെന്നിഫര് എം, മേക്കപ്പ് വിനോദ് കുമാര്, സൌണ്ട് ഡിസൈന് സിങ്ക് സിനിമ, സൌണ്ട് മിക്സിംഗ് അരവിന്ദ് മേനോന്. തമിഴിനു പുറമെ തെലുങ്ക്, ഹിന്ദി, കന്നഡ, മലയാളം ഭാഷകളിലും ഡിസ്നി പ്ലസ് ഹോട്ട്സ്റ്റാറില് ചിത്രം കാണാനാവും. പിആര്ഒ പ്രതീഷ് ശേഖര്.
Content Highlight: Now Dinesh Panicker is reacting against this.
