കൗ​ൺ​സി​ല​ർ സ്ഥാ​നം ന​ഷ്ട​മാ​കുമോ? ബി.​ജെ.​പി കൗ​ണ്‍സി​ല​ര്‍ സുഗതനിന്ന് നിർണ്ണായകം; സത്യപ്രതിജ്ഞാ അപേക്ഷയിൽ വിധി ഇന്ന്

തിരുവനന്തപുരം: (https://truevisionnews.com/) കാ​പ്പാ നി​യ​മ​പ്ര​കാ​രം ജ​യി​ലി​ൽ ക​ഴി​യു​ന്ന തി​രു​വ​ന​ന്ത​പു​രം കോ​ര്‍പ​റേ​ഷ​നി​ലെ ബി.​ജെ.​പി കൗ​ണ്‍സി​ല​ര്‍ ആ​ര്‍. സു​ഗ​ത​ന് സത്യപ്രതിജ്ഞ ചെയ്യാൻ താൽക്കാലിക ഇളവ് അനുവദിക്കണമെന്ന അടിയന്തര ഹർജി നെടുമങ്ങാട് മജിസ്‌ട്രേറ്റ് കോടതി ഇന്ന് പരിഗണിക്കും.

ജുഡീഷ്യൽ റിമാൻഡിൽ കഴിയുന്ന കൗൺസിലർക്ക് സത്യപ്രതിജ്ഞാ ചടങ്ങിൽ പങ്കെടുക്കാൻ പ്രത്യേക അനുമതി നൽകണമെന്നാണ് ആവശ്യം. സ​ത്യ​പ്ര​തി​ജ്ഞാ ലം​ഘ​നം ന​ട​ത്തി​യ​തി​ന് ഹൈ​കോ​ട​തി അ​യോ​ഗ്യ​നാ​ക്കി​യ, വാ​ഴോ​ട്ടു​കോ​ണം വാ​ർ​ഡ്​ കൗ​ൺ​സി​ല​ർ സു​ഗ​ത​ന് ജൂലൈ 24ന​കം വീ​ണ്ടും സ​ത്യ​പ്ര​തി​ജ്ഞ ചെ​യ്തി​ല്ലെ​ങ്കി​ൽ കൗ​ൺ​സി​ല​ർ സ്ഥാ​നം ന​ഷ്ട​മാ​കും. ബി.ജെ.പിയുടെ മറ്റു കൗൺസിലർമാരെയും അയോഗ്യരാക്കിയിരുന്നെങ്കിലും അവർ വീണ്ടും സത്യപ്രതിജ്ഞ ചെയ്ത് ചുമതലയേറ്റിരുന്നു.

കാപ്പാ ചുമത്തപ്പെട്ട പ്രതിക്ക് ഇത്തരമൊരു സാങ്കേതിക ഇളവ് നൽകുന്നതിന് നിയമപരമായ തീരുമാനമെടുക്കാൻ മജിസ്‌ട്രേറ്റ് കോടതിക്ക് കഴിയില്ലെന്നാണ് പ്രോസിക്യൂഷൻ വാദം. സുഗതന്റെ ജാമ്യഹർജി കോടതി നേരത്തെ തള്ളിയതാണ്.

Also read: 'കഴുത്തിലിട്ട കുരുക്ക് ഊരി എറിയുന്നത് 10 വയസ്സുള്ള എന്റെ മകളുടെ മുഖം ഓർക്കുമ്പോഴാണ്, ദ്രോഹിച്ചു മതിയായി എന്ന് തോന്നുമ്പോ മാത്രം നിർത്തുക' - ലക്ഷ്മി പ്രിയ

Content Highlight: BJP councilor Sugathan's oath-taking plea to be decided today

#R. Sugathan #BJP Councilor #KAPPA