എന്താ കാണിക്കാൻ വന്നതാണോ? മെഡിക്കൽ കോളേജ് ആശുപത്രിക്കുള്ളിൽ ഉ​ഗ്രവിഷമുള്ള പാമ്പ്

തൃശൂർ : (https://truevisionnews.com/) തൃശൂർ മെഡിക്കൽ കോളേജ് ആശുപത്രിക്കുള്ളിൽ പാമ്പ്. തൃശൂർ മുളങ്കുന്നത്ത് കാവ് മെഡിക്കൽ കോളേജ് ആശുപത്രിയിലെ സി ടി സ്കാൻ വിഭാഗത്തിലാണ് പാമ്പിനെക്കണ്ടത്.

സി ടി സ്കാൻ വിഭാ​ഗത്തിലെ ജീവനക്കാരിയാണ് പാമ്പിനെ കണ്ടത്. ഇന്ന് ഉച്ചക്ക് ശേഷം 3 30 നാണ് മെഡിക്കൽ കോളേജിലെ സി ടി സ്കാൻ എടുക്കുന്ന മുറിയിൽ പാമ്പിനെ കണ്ടത്. ഉഗ്രവിഷമുള്ള അണലി ഇനത്തിൽപെട്ട പാമ്പ് ആണെന്നാണ് പ്രാഥമിക നിഗമനം.

ചേലക്കരയിലെ പൊതുപ്രവർത്തകനായ സ്വദേശി റസാഖ് പാമ്പിനെ തുരത്തി പുറത്താക്കി. ആഴ്ചകൾക്ക് മുമ്പാണ് തൃശൂർ മെഡിക്കൽ കോളേജിൽ തന്നെ ഒരു ഡോക്ടറെ പാമ്പ് കടിക്കുന്ന സംഭവവുമുണ്ടായത്. ഇതിൽ വേണ്ട നടപടികൾ എടുക്കാൻ അധികൃതർ ഉൾപ്പെടെ തയ്യാറായില്ലെന്ന ആക്ഷേപവും വ്യാപകമായിരുന്നു.

ആരോ​ഗ്യ മന്ത്രി ഉൾപ്പെടെ വിഷയത്തിന് വേണ്ട പ്രാധാന്യം നൽകിയില്ലെന്നുമുള്ള ആരോപണങ്ങൾ ഉയർന്ന് വന്നിരുന്നു. ഈ സാഹചര്യത്തിലാണ് മെഡിക്കൽ കോളേജിലെ സി ടി സ്കാൻ എടുക്കുന്ന മുറിക്കുള്ളിൽ വീണ്ടും പാമ്പിനെ കണ്ടിരിക്കുന്നത്.

Also read: 'കണ്ണീരാണ് വേണ്ടതെങ്കിൽ അഭിനയിച്ച് കാണിച്ചുതരാം, അല്പം സ്വകാര്യത തന്നുകൂടേ...'; ഭാഗ്യരാജിന്റെ മൃതദേഹത്തിന്റെ ചിത്രമെടുക്കാൻ ശ്രമിച്ചവരോട് രാധിക

Content Highlight: Thrissur Highly venomous snake found inside Medical College Hospital

#Thrissur #Snake #Medical College Hospital