#Bats #Punalur #Bats die
പുനലൂർ: (https://truevisionnews.com/) കൊല്ലം പുനലൂരിൽ വവ്വാലുകൾ കൂട്ടത്തോടെ ചത്തു വീഴുന്നത് പ്രദേശവാസികളിൽ വലിയ ആശങ്ക പരത്തുന്നു. മരങ്ങളിൽ തൂങ്ങിക്കിടക്കുന്ന വവ്വാലുകൾ പെട്ടെന്ന് നിലംപതിക്കുകയും തുടർന്ന് പിടഞ്ഞു ചാവുകയുമാണ് ചെയ്യുന്നത്.
സാമ്പിളുകൾ പരിശോധനക്ക് അയക്കും. 'ഒരു വവ്വാൽ ചത്ത് കിടക്കുന്നത് കണ്ടിരുന്നു. ദുർഗന്ധം വന്നതിന് ശേഷമാണ് കണ്ടത്. ദിവസങ്ങൾ കഴിഞ്ഞിരുന്നു. മിനിഞ്ഞാന്നും ഇത്തരത്തിൽ വവ്വാലുകൾ ചത്തുകിടന്നു. ഇന്ന് രാവിലെ അവശ നിലയിൽ വവ്വാലിനെ കണ്ടു. ആദ്യമായാണ് ഇത്തരത്തിൽ തുടർച്ചയായി സംഭവമുണ്ടാകുന്നത്'- പ്രദേശവാസി പറഞ്ഞു
സാഹചര്യത്തെ ഗൗരവപൂർവ്വമായാണ് ആരോഗ്യവിഭാഗവും കണക്കിലെടുത്തിരിക്കുന്നത്. ആളുകളുടെ ആശങ്കയ്ക്ക് പരിഹാരമാകുന്ന ക്രമീകരണം ഉണ്ടാക്കുമെന്നും ബന്ധപ്പെട്ടവർ പറഞ്ഞു. പുല്ലൂർ നഗരസഭയിലെ പവർ ഹൗസ് വാർഡിലാണ് വവ്വാലുകൾ കൂട്ടത്തോടെ ചത്തത് കാണാനായത്.പവർ ഹൗസ് വാർഡിലെ അഡ്വ രാമചചന്ദ്രൻ നായരുടെ വീടിന് സമീപത്താണ് ഇത്തരത്തിൽ കണ്ടത്. നഗരസഭ ആരോഗ്യവിഭാഗവും വെെറോളജി വിഭാഗവും അന്വേഷണം ആരംഭിച്ചു
Content Highlight: Content Highlights: Bats die en masse in Punalur
