'ഇത് സാമൂഹ്യപ്രവര്‍ത്തനത്തിന് ലഭിച്ച ആദ്യ അവാര്‍ഡ് ' സന്തോഷം പങ്കുവച്ച് സന്തോഷ്‌ പണ്ഡിറ്റ്‌

മലയാളികള്‍ക്ക് സുപരിചിതനായ താരമാണ് സന്തോഷ്‌ പണ്ഡിറ്റ്‌ .സോഷ്യല്‍ മീഡിയയില്‍ താരം സജീവമാണ് .   സിനിമയുടെ വിവിധ മേഖലകളിലായി മലയാളത്തില്‍ തിളങ്ങിയ താരമാണ് സന്തോഷ് പണ്ഡിറ്റ്.

ചെറിയ ബഡ്ജറ്റ് സിനിമകള്‍ നിര്‍മ്മിച്ച വിജയമാക്കിയ താരം കൂടിയാണ് നടന്‍. അഭിനയത്തിനൊപ്പം സാമൂഹിക ജീവകാരുണ്യ പ്രവര്‍ത്തനങ്ങളിലും സജീവമായ താരമാണ് സന്തോഷ് പണ്ഡിറ്റ്.

ദുരിതമനുഭവിക്കുന്നവര്‍ക്കെല്ലാം സഹായ ഹസ്തവുമായി നടന്‍ എപ്പോഴും എത്താറുണ്ട്. ലോക്ഡൗണ്‍ കാലത്തും പാവപ്പെട്ടവര്‍ക്ക് സഹായങ്ങള്‍ ചെയ്ത് നടന്‍ രംഗത്തെത്തിയിരുന്നു.

അതേസമയം സാമൂഹിക പ്രവര്‍ത്തനത്തിന് ആദ്യമായി അവാര്‍ഡ് കിട്ടിയ സന്തോഷം സന്തോഷ് പണ്ഡിറ്റ് പങ്കുവെച്ചിരുന്നു.കേരള വനവാസി വികാസ കേന്ദ്രത്തിന്റെ വനമിത്രാ പുരസ്‌കാരമാണ് നടന് ലഭിച്ചിരിക്കുന്നത്.

Also read: അജു വര്‍ഗീസിന്‍റെ ചിത്രവുമായി അനധികൃത പണമിടപാട് സ്ഥാപനത്തിന്‍റെ പരസ്യം; 'ആരും ചതിയിൽ വീഴരുത്', മുന്നറിയിപ്പുമായി താരം

സാമൂഹ്യ പ്രവര്‍ത്തനത്തിന് കിട്ടിയ ആദ്യ അവാര്‍ഡാണിതെന്നും ജീവിതത്തിലെ മൂന്നാമത്തെ അവാര്‍ഡാണെന്നും സന്തോഷ് പണ്ഡിറ്റ് ഫേസ്ബുക്കില്‍ കുറിച്ചു.

നടന്റെ വാക്കുകളിലേക്ക്: ഡിയര്‍ ഫേസ്ബുക്ക് ഫാമിലി, എനിക്ക് കേരളാ വനവാസി വികാസ കേന്ദ്രത്തിന്റെ "വനമിത്രാ സേവാ പുരസ്കാരം" ലഭിച്ച വിവരം ഏവരേയും സന്തോഷത്തോടെ അറിയിക്കുന്നു. ഇത് എന്റെ ജീവിതത്തിലെ മൂന്നാമത്തെ അവാ൪ഡാണ്.സാമൂഹ്യ പ്രവ൪ത്തനത്തിന് കിട്ടിയ ആദ്യ അവാ൪ഡും ആണ്.

2011ൽ മലയാള സിനിമയുടെ കാരണവരായ നട൯ മധു സാറാണ് എനിക്ക് "ഏകലവ്യ പുരസ്കാരം" തന്നത്. ഒരു സിനിമയുടെ ക്യാമറ ഒഴികെ സമസ്ത മേഖലയും ഒറ്റക്ക് കൈകാര്യം ചെയ്ത് ആദ്യ സിനിമ ഇറക്കി സൂപ്പ൪ വിജയം നേടിയതിനാണ് ആ അവാ൪ഡ് തന്നത്.

Also read: പണ്ടെങ്ങോ മരിച്ചവർക്ക് ഇന്നത്തെ ലോകം വഴികാട്ടുമോ...? ശ്രീനാഥ് ഭാസി ചിത്രം 'കറക്കം' ടീസർ ലോഞ്ച് ചെയ്ത് മോഹൻലാൽ

പിന്നീട് 2019ൽ "ബെസ്റ്റ് ഓള്‍റൗണ്ടര്‍ ഓഫ് ദ മലയാളം ഫിലിം ഇന്‍ഡസ്ട്രി "അവാര്‍ഡ്‌ ഒരു പ്രമുഖ ചാനലാണ് തന്നത്. അതും സിനിമാ സംബന്ധമായ അവാ൪ഡ് ആയിരുന്നു.

ഇപ്പോള് 2020ൽ ഈ മൂന്നാമത്തെ അവാ൪ഡ് ചാരിറ്റിക്കാണ് കിട്ടിയത്. വയനാട് ജില്ലയിൽ പനമരം വെച്ച് നടന്ന, സ്വാതത്ര സമര സേനാനി തലക്കൽ ചന്തു സ്മൃതി ദിനത്തിൽ ആണ് അവാർഡ് സമ്മാനിച്ചത്.

പിന്തുണക്കുന്ന എല്ലാവ൪ക്കും നന്ദി. കേന്ദ്ര മന്ത്രി വി. മുരളീധരൻ ജി ആണ് ഓണ്‍ലൈനായി ഉദ്ഘാടനം ചെയ്തത്‌. തുടർന്നും എല്ലാവരുടെയും സഹകരണം പ്രതീക്ഷിക്കുന്നു. സന്തോഷ് പണ്ഡിറ്റ് തന്റെ ഫേസ്ബുക്ക് പേജില്‍ കുറിച്ചു.

സമകാലിക വിഷയങ്ങളിലെല്ലാം തന്റെ അഭിപ്രായങ്ങളും നിലപാടുകളുമെല്ലാം കൃത്യമായി തുറന്നുപറയാറുളള താരമാണ് സന്തോഷ് പണ്ഡിറ്റ്. നടന്റെതായി വരാറുളള സോഷ്യല്‍ മീഡിയ പോസ്റ്റുകളെല്ലാം പലപ്പോഴും ശ്രദ്ധേയമാകാറുണ്ട്.

Santosh Pandit is a shining star in Malayalam in various fields of cinema. The actor is also a successful actor who has made small budget films