മോഹന്ലാല് നായകനായി എത്തിയ ചിത്രമാണ് കോളേജ് കുമാരന്. ഒരു കോളേജും അവിടുത്തെ കാന്റീന് നടത്തുന്ന എക്സ് മിലിട്ടറ്റിക്കാരന്റെയും കഥയാണിത്. ഒട്ടേറെ പ്രത്യേകതകളുണ്ടായിരുന്നെങ്കിലും ഈ ചിത്രം തീയേറ്ററില് വന് പരാജയമായി.
ഇപ്പോഴിതാ കോളേജ് കുമാരന്റെ പരാജയത്തെപ്പറ്റി പലരും പറഞ്ഞതിനെക്കുറിച്ച് മനസ് തുറക്കുകയാണ് തുളസിദാസ്. മാസ്റ്റര് ബിന് യൂട്യൂബ് ചാനലിന് നല്കിയ അഭിമുഖത്തിലാണ് അദ്ദേഹം മനസ് തുറന്നത്. മോഹന്ലാലിനെ നിര്ബന്ധിച്ച് ചെയ്യിപ്പിച്ച സിനിമയല്ല കോളേജ് കുമാരന് എന്ന് അദ്ദേഹം പറയുന്നു.
മോഹന്ലാല് കഥ കേട്ടു. സുരേഷ് പൊതുവാള് ആണ് അതിന്റെ എഴുത്തുകാരന്. ഞങ്ങള് രണ്ടു പേരും കൂടെ ചെന്ന് കഥ പറഞ്ഞു. മോഹന്ലാല് കഥ കേട്ടു. കഥകള് കേട്ടപ്പോള് കുറച്ച് കറക്ഷന്സ് പറഞ്ഞു. ഞങ്ങള് തിരുത്തി കൊണ്ടു വന്നു.
ഈ സ്ക്രിപ്റ്റ് ബി ഉണ്ണികൃഷ്ണനും ഞങ്ങളെല്ലാവരും ഇരുന്ന് വായിച്ചു. ഉണ്ണികൃഷ്ണന് നല്ല അഭിപ്രായം പറഞ്ഞു. അത് കഴിഞ്ഞ് സിദ്ധീഖിനെ കൊണ്ട് വായിപ്പിച്ചു. സിദ്ധീഖിനും നല്ല അഭിപ്രായം .സിദ്ധീഖ് തന്നെ മോഹന്ലാലിനെ വിളിച്ചു പറഞ്ഞു നല്ലതാണ്, നല്ല മെസേജ് നല്കുന്നുണ്ടെന്ന്.
അങ്ങനെയാണ് ആ സിനിമ ചെയ്തത്. പിന്നെ ആളുകള് പറഞ്ഞു പരത്തിയത് ഞാന് കൂടുതല് പ്രതിഫലം ഓഫര് ചെയ്തുവെന്ന്. ഇഷ്ടമില്ലാതെ അടിച്ചേല്പ്പിച്ചു ചെയ്യിപ്പിച്ചതാണ് എന്നൊക്കെയായിരുന്നുവെന്നാണ് അദ്ദേഹം പറയുന്നത്. കില്ലാഡി രാമന് ആണ് തുളസിദാസ് സംവിധാനം ചെയ്ത് ഒടുവില് പുറത്തിറങ്ങിയ സിനിമ. 2011 ലായിരുന്നു ഈ സിനിമ പുറത്തിറങ്ങിയത്.
Content Highlight: Now Thulasidas is opening his mind about what many people said about the failure of College Kumaran.
