പ്രതിസന്ധിക്കിടെ വീണ്ടും തിരിച്ചടി ...! പുരുഷന്മാർക്ക് സൗജന്യ യാത്ര; ശ്രദ്ധനേടിയ സ്വകാര്യ ബസിന് പിഴ ചുമത്തി മോട്ടോർ വാഹന വകുപ്പ്

ആലുവ: ( www.truevisionnews.com ) യുഡിഎഫ് സർക്കാരിന്റെ ഓർഡിനറി ബസുകളിലെ സൗജന്യയാത്രയ്ക്ക് പിന്നാലെ, പുരുഷന്മാർക്ക് സൗജന്യ യാത്ര പ്രഖ്യാപിച്ച് ശ്രദ്ധനേടിയ സ്വകാര്യ ബസിന് പിഴ ചുമത്തി മോട്ടോർ വാഹന വകുപ്പ് . ആലുവ റൂട്ടിൽ സർവീസ് നടത്തുന്ന ലിറ്റിൽ ഫ്ലവർ എന്ന ബസിനെതിരെയാണ് അടിയന്തര നടപടി.

കൃത്യമായി സർവീസ് നടത്താതെ പെർമിറ്റ് നിബന്ധനകൾ ലംഘിച്ചെന്ന് ചൂണ്ടിക്കാട്ടിയാണ് നടപടി.7,500 രൂപയാണ് ബസുടമയിൽ നിന്ന് പിഴയായി ഈടാക്കിയത്.

പ്രിയദർശിനി പദ്ധതി ആരംഭിച ദിവസമാണ് എറണാകുളം-മാഞ്ഞാലി-ആലുവ റൂട്ടിൽപുരുഷന്മാർക്ക് സൗജന്യ യാത്ര പ്രഖ്യാപിച്ച് ലിറ്റിൽ ഫ്ലവർ’ എന്ന ബസ്സ് സർവീസ് നടത്തിയത്. ഇത് സാമൂഹ്യ മാധ്യമങ്ങളിൽ വലിയ വാർത്തയായിരുന്നു. ലിറ്റിൽ ഫ്ലവർ ഒരു ദിവസം ഏഴ് സർവീസുകൾ ആയിരുന്നു ഈ റൂട്ടിൽ നടത്തിയിരുന്നത്. എന്നാൽ യാത്രക്കാരുടെ കുറവുമൂലം ഉച്ചസമയത്തേ ഒരു സർവീസ് വെട്ടിച്ചിരുക്കിയിരുന്നു.

ഈ റൂട്ടിലെ കനത്ത സാമ്പത്തിക ബാധ്യത കാരണമാണ് സർവീസ് മുടങ്ങിയതെന്ന് മോട്ടോർ വാഹന വകുപ്പ് ഉദ്യോഗസ്ഥരോട് വിശദീകരിച്ചിട്ടും പിഴ ഒഴിവാക്കാൻ അവർ തയ്യാറായില്ലെന്ന് ബസ് ഉടമ ആരോപിച്ചു.

Also read: സൽമാൻ ഖാൻ വസതിക്ക് നേരെ വെടിവെപ്പ്: കീഴടങ്ങാൻ അനുമതി തേടി അൻമോൾ ബിഷ്ണോയി കോടതിയിൽ

യു ഡി എഫ് സർക്കാരിൻ്റെ ഓർഡിനറി ബസിലെ സൗജന്യ യാത്രയെ തുടർന്ന് സ്വകാര്യ ബസ്സുടമകളുടെ പ്രതിസന്ധി രൂക്ഷമാണ്. പല റൂട്ടുകളിലും സർവീസുകൾ നിർത്തിവച്ചിരിക്കുകയാണ്. യാത്രക്കാർ കുറഞ്ഞതോടെയാണ് ലിറ്റിൽ ഫ്ലവർ ബസ്സും സർവീസ് വെട്ടിച്ചുരുക്കിയത്. മോട്ടോർ വാഹന വകുപ്പ് പിഴയിടാക്കിയതോടെ ബസുടമ വലിയ പ്രതിസന്ധിയിലാണ്.

Content Highlight: Free travel for men Motor Vehicles Department fines private bus that grabbed attention

#Latest News #Private Bus #Fine #MVD #Aluva