---
title: "'ജബ്ബാര്‍ എ എം എന്നാണ് എന്‍റെ ഒഫിഷ്യല്‍ പേര്'; തന്റെ ഔദ്യോഗിക പേര് വെളിപ്പെടുത്തി നടൻ  ജാഫർ ഇടുക്കി"
english_title: "Actor Jaffer Idukki reveals his official name"
publisher: "moviemax.in"
canonical_url: "https://moviemax.in/news/340188/actor-jaffer-idukki-reveals-his-official-name"
published_at: "2026-02-04T22:55:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/698381681efc8_17.jpg"
keywords: []
---

# 'ജബ്ബാര്‍ എ എം എന്നാണ് എന്‍റെ ഒഫിഷ്യല്‍ പേര്'; തന്റെ ഔദ്യോഗിക പേര് വെളിപ്പെടുത്തി നടൻ  ജാഫർ ഇടുക്കി

> **Lead Summary:** **മ**ലയാള സിനിമയിൽ ഹാസ്യവേഷങ്ങളും സ്വഭാവവേഷങ്ങളും ഒരേപോലെ വഴങ്ങുന്ന സമാനതകളില്ലാത്ത നടനാണ് ജാഫർ ഇടുക്കി. കൊച്ചിൻ കലാഭവൻ ഉൾപ്പെടെയുള്ള മിമിക്രി വേദികളിലൂടെ കലാരംഗത്ത് ചുവടുറപ്പിച്ച അദ്ദേഹം ഇന്ന് സിനിമയിൽ ഒഴിച്ചുകൂടാനാവാത്ത സാന്നിധ്യമാണ്. എന്നാൽ, പ്രേക്ഷകർ അദ്ദേഹത്തെ 'ജാഫർ ഇടുക്കി' എന്ന് വിളിക്കുമ്പോഴും താരത്തിന്റെ ഔദ്യോഗിക രേഖകളിലെ പേര് മറ്റൊന്നാണ്. തന്റെ പേര് ജബ്ബാർ എന്ന് മാറിപ്പോയതിന് പിന്നിലെ രസകരമായ സാഹചര്യം ഒരു അഭിമുഖത്തിൽ അദ്ദേഹം പങ്കുവെക്കുകയുണ്ടായി.

## Article Content

**മ**ലയാള സിനിമയിൽ ഹാസ്യവേഷങ്ങളും സ്വഭാവവേഷങ്ങളും ഒരേപോലെ വഴങ്ങുന്ന സമാനതകളില്ലാത്ത നടനാണ് ജാഫർ ഇടുക്കി. കൊച്ചിൻ കലാഭവൻ ഉൾപ്പെടെയുള്ള മിമിക്രി വേദികളിലൂടെ കലാരംഗത്ത് ചുവടുറപ്പിച്ച അദ്ദേഹം ഇന്ന് സിനിമയിൽ ഒഴിച്ചുകൂടാനാവാത്ത സാന്നിധ്യമാണ്. എന്നാൽ, പ്രേക്ഷകർ അദ്ദേഹത്തെ 'ജാഫർ ഇടുക്കി' എന്ന് വിളിക്കുമ്പോഴും താരത്തിന്റെ ഔദ്യോഗിക രേഖകളിലെ പേര് മറ്റൊന്നാണ്. തന്റെ പേര് ജബ്ബാർ എന്ന് മാറിപ്പോയതിന് പിന്നിലെ രസകരമായ സാഹചര്യം ഒരു അഭിമുഖത്തിൽ അദ്ദേഹം പങ്കുവെക്കുകയുണ്ടായി.

വനത്തിനോട് ചേർന്നുള്ള പ്രദേശത്തായിരുന്നു ജാഫറിന്റെ കുട്ടിക്കാലം. അക്കാലത്ത് അങ്കണവാടികളോ നഴ്സറികളോ ഇല്ലാതിരുന്നതിനാൽ നാല് വയസ്സ് തികയുമ്പോഴേക്കും കുട്ടികളെ സ്കൂളിൽ ചേർക്കാൻ രക്ഷിതാക്കൾ ശ്രമിക്കുമായിരുന്നു. പഠിക്കാനുള്ള പ്രായമായില്ലെന്ന് പറഞ്ഞ് സ്കൂൾ അധികൃതർ തിരിച്ചയക്കുന്നതായിരുന്നു അന്നത്തെ പതിവ്. സ്കൂളിലെ ശാർങധരൻ സാർ എന്ന അധ്യാപകൻ ജാഫറിന് വലിയ പേടിയായിരുന്നു. അദ്ദേഹത്തെ കാണുമ്പോഴുണ്ടാകുന്ന ഭയം കാരണം പലപ്പോഴും വീട്ടിലേക്ക് മടങ്ങേണ്ടി വന്നതിനാൽ ആ വർഷത്തെ അഡ്മിഷൻ നടന്നില്ല.

ആദ്യത്തെ തവണ സ്കൂളിൽ ചേരാൻ ചെന്നപ്പോൾ 'ജാഫർ' എന്ന പേരായിരുന്നു നൽകിയിരുന്നത്. എന്നാൽ അടുത്ത വർഷം വീണ്ടും അഡ്മിഷനായി എത്തിയപ്പോൾ സ്കൂൾ ക്ലർക്ക് പഴയ പേര് മാറ്റണമെന്ന് നിർദ്ദേശിച്ചു. ഒരു പേര് മാറ്റിയിടാൻ ആവശ്യപ്പെട്ടപ്പോൾ പിതാവ് പെട്ടെന്ന് പറഞ്ഞ പേരായിരുന്നു 'ജബ്ബാർ'. അങ്ങനെ അപ്രതീക്ഷിതമായി ഔദ്യോഗിക രേഖകളിൽ താരം 'ജബ്ബാർ എ.എം' എന്നറിയപ്പെടാൻ തുടങ്ങി.

വീട്ടിലും സിനിമാലോകത്തും ഇന്നും അദ്ദേഹം ജാഫർ തന്നെയാണെങ്കിലും രേഖകളിൽ ജബ്ബാർ എന്ന പേര് തുടരുന്നു. സ്കൂൾ പ്രവേശനത്തിനിടയിൽ സംഭവിച്ച ഈ ചെറിയ മാറ്റമാണ് പിൽക്കാലത്ത് തന്റെ ഔദ്യോഗിക നാമമായി മാറിയതെന്ന് അദ്ദേഹം ചിരിയോടെ ഓർക്കുന്നു.

### Related Links & Sources
- [Original Story Source](https://moviemax.in/news/340188/actor-jaffer-idukki-reveals-his-official-name)