---
title: "ഞങ്ങളൊരുമിക്കാൻ തന്നെയായിരുന്നു തീരുമാനം, മഞ്ഞപ്പിത്തം വന്ന സമയത്ത് ട്രിപ്പ് ഒഴിവാക്കാമായിരുന്നു; രാഹുൽ"
english_title: "Now Rahul is talking about Subi's death and was supposed to marry the actress."
publisher: "moviemax.in"
canonical_url: "https://moviemax.in/news/99746/now-rahul-is-talking-about-subis-death-and-was-supposed-to-marry-the-actress"
published_at: "2023-02-26T09:53:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/63fadef3ca26e_subi_and_rahul.jpg"
keywords: []
---

# ഞങ്ങളൊരുമിക്കാൻ തന്നെയായിരുന്നു തീരുമാനം, മഞ്ഞപ്പിത്തം വന്ന സമയത്ത് ട്രിപ്പ് ഒഴിവാക്കാമായിരുന്നു; രാഹുൽ

> **Lead Summary:** പ്രേക്ഷകർക്ക് ഇപ്പോഴും വിശ്വസിക്കാൻ കഴിഞ്ഞിട്ടില്ല നടി സുബി സുരേഷിന്റെ വേർപാട് . ഇപ്പോഴിതാ സുബിയുടെ മരണത്തെക്കുറിച്ച് സംസാരിച്ചിരിക്കുകയാണ് നടിയെ വിവാഹം കഴിക്കാനിരുന്നു രാഹുൽ. ബിഹൈന്റ്വുഡ്സിനോട് സംസാരിക്കുകയായിരുന്നു അദ്ദേഹം.

## Article Content

പ്രേക്ഷകർക്ക് ഇപ്പോഴും വിശ്വസിക്കാൻ കഴിഞ്ഞിട്ടില്ല നടി സുബി സുരേഷിന്റെ വേർപാട് . ഇപ്പോഴിതാ സുബിയുടെ മരണത്തെക്കുറിച്ച് സംസാരിച്ചിരിക്കുകയാണ് നടിയെ വിവാഹം കഴിക്കാനിരുന്നു രാഹുൽ. ബിഹൈന്റ്വുഡ്സിനോട് സംസാരിക്കുകയായിരുന്നു അദ്ദേഹം.

'ഞങ്ങളേക്കാൾ വിവാഹത്തിന് ആ​ഗ്രഹിച്ചത് വീട്ടുകാരാണ്. പ്രണയത്തിന് സ്കോപ്പാെന്നും ഇല്ല. ആ പ്രായം കഴിഞ്ഞ് പോയി. പിന്നെ ഇഷ്ടം ഇല്ലാതിരിക്കില്ലല്ലോ. ഇഷ്ടമുണ്ടായിരുന്നു. പ്രൊഫഷണലായി പ്രോ​ഗ്രാമിന് വേണ്ടി മാത്രം ഞങ്ങൾ പ്രാധാന്യം കൊടുത്തു' 'അതിന്റെ കൂട്ടത്തിൽ എന്നാൽ പിന്നെ നമുക്ക് ഒരുമിച്ച് പോവാമെന്നായിരുന്നു. സുബി എപ്പോഴും സ്റ്റേജിന് വേണ്ടി ഡെഡിക്കേറ്റ് ചെയ്തു. അങ്ങനെയാണ് മരണത്തിലേക്ക് എത്തിയത്' .

'ഹോസ്പിറ്റലിൽ പോവേണ്ട സമയത്തും നാളെ പോവാമെന്ന് പറഞ്ഞു. മഞ്ഞപ്പിത്തം വന്ന സമയത്ത് ട്രിപ്പ് ഒഴിവാക്കാമായിരുന്നു. സുബി അത് ഒഴിവാക്കിയില്ല. കലയോടുള്ള അഭിനിവേശം ഭയങ്കരമായിരുന്നു. ബാക്കിയെല്ലാം രണ്ടാമതായിരുന്നു' 'അതിൽ ആദ്യം സ്റ്റേജായിരുന്നു.

സിനിമയിലും സീരിയലും ഒന്നുമാവാൻ പറ്റാത്ത ആർട്ടിസ്റ്ററ്റല്ല സുബി. ഞങ്ങളെ എല്ലാവരെയും കൺട്രോൾ ചെയ്തിരുന്നത് സുബിയാണ്. സീനിയർ ആർട്ടിസ്റ്റുകളെ പോലം കൺട്രോൾ ചെയ്യാൻ പ്രാപ്തിയുള്ള കലാകാരിയാണ്' 'സുബിയെന്ന കലാകാരിയെ ഇത്രയും ആളുകൾ സ്നേഹിക്കുന്നുണ്ടെന്ന് എനിക്ക് നേരത്തെ അറിയാം.

യാത്ര ചെയ്യുമ്പോൾ ഒരുപാട് പേർ ഫോട്ടോയെടുക്കാനൊക്കെ വരും. ഞങ്ങൾക്ക് ശല്യമായി തോന്നിയിരുന്നു' 'പക്ഷെ സുബിക്ക് അതൊന്നും ശല്യമായിരുന്നില്ല. അവരെ കൂടെ നിർത്തി ഫോട്ടോയെടുത്ത് എത്ര നേരം സംസാരിക്കാൻ പറ്റുമോ അത്രയും സംസാരിച്ച് പോവുന്ന ആളായിരുന്നു സുബി' .

'ഞങ്ങളൊരുമിക്കാൻ തന്നെയായിരുന്നു തീരുമാനം. കുറേ ഷോകൾ ചെയ്യാനുണ്ടായിരുന്നു. ഓസ്ട്രേലിയയലും അമേരിക്കയിലുമെല്ലാം. അഡ്വാൻസ് വാങ്ങിയിരുന്നില്ല. അതിപ്പോൾ നന്നായി.

സുബിക്ക് കുടുംബമായിരുന്നു വലുത്' 'അമ്മ, അനിയൻ, അനിയന്റെ കുഞ്ഞ്, ഞങ്ങൾ വളരെ എൻജോയ് ചെയ്താണ് പോയിരുന്നത്. ഇഷ്ടം ആരും പറഞ്ഞതല്ല. എപ്പോഴോ അങ്ങനെയായതാണ്. ഞങ്ങളൊരു കാനഡ ട്രിപ്പിൽ വെച്ചാണ് ഇഷ്ടത്തിലാവുന്നത്. സുബി അമ്മയെ വിളിച്ച് പറഞ്ഞു. എന്നാൽ പിന്നെ വൈകിക്കേണ്ടെന്ന് അമ്മ പറഞ്ഞു' .

സുബി എന്നെ ഇഷ്ടപ്പെടുന്നതിനേക്കാളും കൂടുതലായി അമ്മ എന്നെ ഇഷ്ടപ്പെടുന്നു. മകൾ പോയെങ്കിലും ഒരു മോനെ കിട്ടി എന്നവർ പറഞ്ഞു. ഞാനും അങ്ങനെ തന്നെയാണ്. അവർ അനുവദിച്ചാൽ ജീവിതകാലം മുഴുവൻ എനിക്ക് നോക്കണമെന്നുണ്ട്' 'തമാശയ്ക്കപ്പുറത്ത് സുബി ആത്മവിശ്വാസമുള്ളയാളായിരുന്നു.

സ്വന്തം കുടുംബത്തെ നോക്കിയതിന്റെ ധൈര്യവും ആർജവവും എപ്പോഴും മുഖത്തുണ്ടായിരുന്നു. എന്റെ കുടുംബം ഞാൻ നോക്കും മറ്റാരെയും നോക്കാൻ ഞാൻ അനുവദിക്കില്ലെന്നായിരുന്നു സുബിക്ക്. പ്രൊഫഷണലായ സുബിയും വ്യക്തി ജീവിതത്തിലെ സുബിയും നല്ലതാണ്,' രാഹുൽ പറഞ്ഞു.

സുബിയുടെ അമ്മയുടെ വലിയ ആ​ഗ്രഹമായിരുന്നു മകളുടെ വിവാഹം. വിവാഹത്തിന് അടുത്തിരിക്കെയാണ് അപ്രതീക്ഷിത മരണം. തന്റെ അമ്മയെ വിട്ടു പിരിയാൻ താൽ‌പര്യമില്ലാത്തതിനാലാണ് വിവാഹത്തോട് പലപ്പോഴും താൽപര്യമില്ലാഞ്ഞതെന്ന് സുബി നേരത്തെ പറഞ്ഞിരുന്നു. സിബിയുടെ മരണത്തിൽ നിരവധി പേർ ഇതിനോടകം അനുശോചനമറിയിച്ചിട്ടുണ്ട്. 

### Related Links & Sources
- [Original Story Source](https://moviemax.in/news/99746/now-rahul-is-talking-about-subis-death-and-was-supposed-to-marry-the-actress)