---
title: "രണ്ട് തവണ ഞാന്‍ ആത്മഹത്യ ചെയ്യാന്‍ ശ്രമിച്ചിരുന്നു; വെളിപ്പെടുത്തി  ഉര്‍ഫി ജാവേദ്"
english_title: "Now Urfi has opened up about his life."
publisher: "moviemax.in"
canonical_url: "https://moviemax.in/news/99359/now-urfi-has-opened-up-about-his-life"
published_at: "2023-02-24T16:08:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/63f894027fe22_urfi.jpg"
keywords: []
---

# രണ്ട് തവണ ഞാന്‍ ആത്മഹത്യ ചെയ്യാന്‍ ശ്രമിച്ചിരുന്നു; വെളിപ്പെടുത്തി  ഉര്‍ഫി ജാവേദ്

> **Lead Summary:** ഫാഷന്‍ ചോയ്‌സുകളിലൂടെയാണ് നടിയും മോഡലുമായ ഉര്‍ഫി ജാവേദ് ശ്രദ്ധ നേടുന്നത്. വസ്ത്രധാരണത്തിന്റെ പേരില്‍ ഒരുപാട് വിമര്‍ശനങ്ങളും താരം കേള്‍ക്കേണ്ടി വരാറുണ്ട്.

## Article Content

ഫാഷന്‍ ചോയ്‌സുകളിലൂടെയാണ് നടിയും മോഡലുമായ ഉര്‍ഫി ജാവേദ് ശ്രദ്ധ നേടുന്നത്. വസ്ത്രധാരണത്തിന്റെ പേരില്‍ ഒരുപാട് വിമര്‍ശനങ്ങളും താരം കേള്‍ക്കേണ്ടി വരാറുണ്ട്.

എങ്കിലും താരത്തിന്റെ സോഷ്യല്‍ മീഡിയ പോസ്റ്റുകള്‍ എല്ലാം വൈറലാകാറുണ്ട്. തന്റെ ജീവിതത്തെ കുറിച്ച് തുറന്നു പറഞ്ഞിരിക്കുകയാണ് ഉര്‍ഫി ഇപ്പോള്‍.

രണ്ട് തവണ താന്‍ ആത്മഹത്യയ്ക്ക് ശ്രമിച്ചിട്ടുണ്ട് എന്നാണ് ഉര്‍ഫി വെളിപ്പെടുത്തിയിരിക്കുന്നത്. തന്റെ കുട്ടിക്കാലം ഏറെ ബുദ്ധിമുട്ട് നിറഞ്ഞതായിരുന്നു. തന്നെയും അമ്മയെയും സഹോദരങ്ങളെയും പിതാവ് ശാരീരികമായി ഉപദ്രവിച്ചിരുന്നു എന്നാണ് ഉര്‍ഫി പറയുന്നത്.

ലഖ്‌നൗവിലെ ഒരു യഥാസ്ഥിതിക കുടുംബത്തിലാണ് ഉര്‍ഫി ജനിച്ചത്. അഞ്ച് മക്കളില്‍ രണ്ടാമത്തെ കുട്ടിയായിരുന്നു ഉര്‍ഫി. പിതാവ് ഒരുപാട് ഉപദ്രവിക്കുമായിരുന്നു എന്നാണ് ഉര്‍ഫി പറയുന്നത്. ”അമ്മയെ അടക്കം അച്ഛന്‍ ഒരുപാട് അടിക്കുമായിരുന്നു.

രണ്ട് തവണ ഞാന്‍ ആത്മഹത്യ ചെയ്യാന്‍ ശ്രമിച്ചിരുന്നു.” ”വല്ലപ്പോഴും മാത്രമേ ഞാന്‍ ആ വീട്ടില്‍ നിന്നും പുറത്തിറങ്ങിയിട്ടുള്ളു. പക്ഷെ ഞാന്‍ ഒരുപാട് ടിവി കാണുമായിരുന്നു. എനിക്ക് എപ്പോഴും ഫാഷനില്‍ താല്‍പര്യമുണ്ടായിരുന്നു. ഫാഷനില്‍ വലിയ പരിജ്ഞാനം ഒന്നുമില്ല. എന്നാല്‍ ഞാന്‍ എന്താണ് ധരിക്കാന്‍ ആഗ്രഹിക്കുന്നതെന്ന് എനിക്കറിയാമായിരുന്നു.”

”ഏറ്റവും മികച്ചതായും ഏറ്റവും വ്യത്യസ്തമായും വസ്ത്രം ധരിക്കാന്‍ ഞാന്‍ ആഗ്രഹിച്ചിരുന്നു. എങ്ങനെയാണെന്ന് വച്ചാല്‍ ഇപ്പോള്‍ ഒരു പാര്‍ട്ടിക്ക് പോകുമ്പോള്‍ എല്ലാവരും എന്നെ തിരിഞ്ഞ് നോക്കുന്നത് പോലെ” എന്നാണ് ഉര്‍ഫി ഡേര്‍ട്ടി മാഗസിന് നല്‍കിയ അഭിമുഖത്തില്‍ പറയുന്നത്.

### Related Links & Sources
- [Original Story Source](https://moviemax.in/news/99359/now-urfi-has-opened-up-about-his-life)