പ്രേക്ഷകര്ക്ക് ഏറെ പ്രിയപ്പെട്ടയാളാണ് കലാഭവന് മണി. പാട്ടും അഭിനയവുമൊക്കെയായി സജീവമായിരുന്ന അദ്ദേഹം ഇന്നും പ്രേക്ഷക മനസ്സില് നിറഞ്ഞുനില്ക്കുന്നുണ്ട്. മണിയുടെ പാട്ടുകളും മിമിക്രിയും പഴയ അഭിമുഖങ്ങളുമെല്ലാം ഇപ്പോഴും വൈറലാവാറുണ്ട് അച്ഛനൊപ്പമായി മകള് ശ്രീലക്ഷ്മിയും പങ്കെടുത്ത മണിമേളം പരിപാടിയുടെ വീഡിയോ കഴിഞ്ഞ ദിവസം വീണ്ടും വൈറലായിരുന്നു.
വിവിധ റിയാലിറ്റി ഷോകളിലൂടെയായി പ്രേക്ഷകര്ക്ക് പരിചിതരായ ഗായകരെ ഒന്നിച്ച് ചേര്ത്തൊരുക്കിയ പരിപാടിയായിരുന്നു മണിമേളം. കവിത നായരായിരുന്നു അവതാരക.
കലാഭവന് മണിക്കൊപ്പമായി അദ്ദേഹത്തിന്റെ സുഹൃത്തുക്കളും ഇടയ്ക്ക് പരിപാടിയിലേക്ക് അതിഥിയായി എത്തിയിരുന്നു. ഈ ലോകത്ത് മണിച്ചേട്ടന് ഏറ്റവും ഇഷ്ടമുള്ളയാള് ആരാണെന്ന് ചോദിച്ചപ്പോള് എന്റെ പുന്നാരമുത്തെന്നായിരുന്നു മറുപടി.
എന്റെ പൊന്നുമോള് ലക്ഷ്മിക്കുട്ടി നിങ്ങള്ക്ക് വേണ്ടി ഷോയിലേക്ക് എത്തുകയാണെന്നായിരുന്നു മണി പറഞ്ഞത്. അതീവ സന്തോഷത്തോടെയായിരുന്നു ലക്ഷ്മിയുടെ വരവ്. കുറച്ച് തടി കൂടുതലാണ്, ചിക്കനൊക്കെ കഴിക്കാതെ തന്നെ നിയന്ത്രിച്ച് വരികയാണ്. എന്റെ മകള് എന്താണ് ചെയ്യാന് പോവുന്നതെന്ന് നിങ്ങള് കാണുക. എന്താണ് ചെയ്യാന് പോവുന്നതെന്ന് അച്ഛന് ചോദിച്ചപ്പോള് മിമിക്രിയെന്നായിരുന്നു മകളുടെ മറുപടി.
ആദ്യം ലക്ഷ്മി അനുകരിച്ചത് വിഎസ് അച്യുതാനന്ദനെയായിരുന്നു. കരുണാകരനെയായിരുന്നു രണ്ടാമതായി അനുകരിച്ചത്. പറയുന്ന വാക്കുകള് ശ്രദ്ധിക്കണമെന്നായിരുന്നു അച്ഛന് മകളോട് പറഞ്ഞത്. സുരേഷേട്ടനേയും അനുകരിക്കുന്നുണ്ടോയെന്നും മണി മകളോട് ചോദിച്ചിരുന്നു. സുരേഷ് ഗോപി ഡയലോഗും പാട്ടും മാനറിസവും ലക്ഷ്മി അനുകരിച്ചിരുന്നു. ആ ഗാനം ഞങ്ങള്ക്കായി ഒന്നുകൂടി പാടണമെന്നായിരുന്നു മണി പറഞ്ഞത്.
മോഹന്ലാലിനേയും ശ്രീലക്ഷ്മി അനുകരിച്ചിരുന്നു. എന്തായാലും എനിക്ക് അഭിമാനം തോന്നുന്നുണ്ട്. എന്റെ മകള് എന്നേക്കാള് വളരെ മനോഹരമായി മിമിക്രി കാണിച്ചു എന്നുണ്ടെങ്കില് നല്ലൊരു കൈയ്യടി കൊടുക്കണം. ഇതാണ് അച്ഛന്റെ മകള് എന്ന് പറയുന്നത്.
എത്ര കോണ്ഫിഡന്റായാണ് ലക്ഷ്മി മിമിക്രി ചെയ്തത്, ഇത് ശരിക്കും ഒന്നൊന്നര സര്പ്രൈസായെന്നായിരുന്നു കവിത നായര് പറഞ്ഞത്. അച്ഛന് ഒരുമ്മ തരുമോയെന്ന് ചോദിച്ച് മകളെ അരികിലേക്ക് വിളിച്ചായിരുന്നു മണി ശ്രീലക്ഷ്മിയെ യാത്രയാക്കിയത്.
Content Highlight: Sreelakshmi's brilliant video with Kalabhavan Mani goes viral again!
