---
title: "സ്‌കൂള്‍ വാര്‍ഷികാഘോഷത്തില്‍ അതിഥിയായി എത്തി ദിലീപും കാവ്യ മാധവനും, വീഡിയോ"
english_title: "Dileep and Kavya Madhavan came as guests at the school anniversary celebration."
publisher: "moviemax.in"
canonical_url: "https://moviemax.in/news/98639/dileep-and-kavya-madhavan-came-as-guests-at-the-school-anniversary-celebration"
published_at: "2023-02-21T18:16:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/63f4bd2b0cd7c_dileep_and_kavya_madhavan.jpg"
keywords: []
---

# സ്‌കൂള്‍ വാര്‍ഷികാഘോഷത്തില്‍ അതിഥിയായി എത്തി ദിലീപും കാവ്യ മാധവനും, വീഡിയോ

> **Lead Summary:** സ്‌കൂള്‍ വാര്‍ഷികാഘോഷത്തില്‍ അതിഥിയായി എത്തി ദിലീപും കാവ്യ മാധവനും. ശബരി സെന്‍ട്രല്‍ വാര്‍ഷികാഘോഷത്തിലാണ് താര ദമ്പതികളായ ദിലീപും കാവ്യ മാധവനും അതിഥികളായി എത്തിയത്.

## Article Content

സ്‌കൂള്‍ വാര്‍ഷികാഘോഷത്തില്‍ അതിഥിയായി എത്തി ദിലീപും കാവ്യ മാധവനും. ശബരി സെന്‍ട്രല്‍ വാര്‍ഷികാഘോഷത്തിലാണ് താര ദമ്പതികളായ ദിലീപും കാവ്യ മാധവനും അതിഥികളായി എത്തിയത്.

ആശംസ പ്രശംഗത്തിനിടെ കാവ്യയ്ക്ക് രസകരമായൊരു ‘പണി’യും കൊടുത്താണ് ദിലീപ് സംസാരം അവസാനിപ്പിച്ചത്.

**

കാവ്യ സംസാരിക്കാനും പാട്ടുപാടാനും തയാറായി ഇരിക്കുകയാണ്. അതുകൊണ്ട് ഞാന്‍ അധികം നീട്ടുന്നില്ല എന്നാണ് പ്രസംഗത്തിനൊടുവില്‍ ദിലീപ് പറഞ്ഞത്. എന്നാല്‍ ട്രോള്‍ ആകുന്നതു കൊണ്ടാണ് താനിപ്പോള്‍ സംസാരിക്കാത്തത് എന്നാണ് കാവ്യ പറഞ്ഞത്.

ദിലീപിന്റെ വാക്കുകള്‍: **

കഴിഞ്ഞ കുറേ വര്‍ഷങ്ങള്‍ക്കു ശേഷമാണ് ഞാന്‍ ഇങ്ങനെ വലിയൊരു വേദിയില്‍ നിന്നു സംസാരിക്കുന്നത്. ഞാന്‍ നേരിട്ടുകൊണ്ടിരിക്കുന്ന പ്രശ്‌നങ്ങളും അതിന്റെ കാരണങ്ങളുമൊക്കെ നിങ്ങള്‍ക്കെല്ലാവര്‍ക്കും അറിയാം. പക്ഷേ അതിനെക്കുറിച്ചൊന്നും എനിക്ക് ഇവിടെ സംസാരിക്കാനുള്ള അവകാശമില്ല.

അതുകൊണ്ട് അതിനെക്കുറിച്ച് പിന്നീടൊരിക്കല്‍ എന്റെ പ്രിയപ്പെട്ടവരോട് സംസാരിക്കുന്നതാണ്. നമുക്കൊരിക്കലും തിരിച്ചു പിടിക്കാന്‍ പറ്റാത്തതാണ് ബാല്യകാലം. ഇന്ന് ഈ കൊച്ചുകുട്ടികളുടെ കലാവിരുന്ന് കാണുമ്പോള്‍ നമ്മുടെ പഴയകാലത്തെക്കുറിച്ച് ഓര്‍ത്തുപോകും. കോവിഡ് കാരണം രണ്ട് വര്‍ഷങ്ങള്‍ക്കു ശേഷമാണ് വാര്‍ഷികാഘോഷം സംഘടിപ്പിക്കുന്നതെന്ന് അധ്യാപകര്‍ പറയുകയുണ്ടായി. അതിലൊരു നിമിത്തമാകാന്‍ കഴിഞ്ഞതില്‍ ഞങ്ങള്‍ക്കു സന്തോഷമുണ്ട്.

ഞാന്‍ ഒരുപാട് സംസാരിച്ച് ബോര്‍ അടിപ്പിക്കുന്നില്ല, കാരണം ഒരുപാട് കൊച്ചു കലാകാരന്മാരുടെയും കലാകാരികളുടെയും പരിപാടികള്‍ നടക്കാനുണ്ട്. ഇതിനു ശേഷം കാവ്യയ്ക്ക് സംസാരിക്കണം.

കാവ്യയാണെങ്കില്‍ ഒരുപാട് സംസാരിക്കണം, പാട്ട് പാടണം എന്നൊക്കെ പറഞ്ഞാണ് വന്നത്. ഇവിടെ സര്‍ കുചേല വൃത്തത്തിലെ രണ്ടു വരികള്‍ പാടിയപ്പോള്‍ ശോ ഞാനത് പാടാന്‍ ഉദ്ദേശിച്ചതാണ് എന്നൊക്കെ പറഞ്ഞ് ആവേശത്തില്‍ ഇരിക്കുകയാണ് കക്ഷി. അപ്പൊ കാവ്യയും രണ്ടു വാക്കുകള്‍ സംസാരിക്കുന്നതാണ്.

### Related Links & Sources
- [Original Story Source](https://moviemax.in/news/98639/dileep-and-kavya-madhavan-came-as-guests-at-the-school-anniversary-celebration)