ചെറിയ പ്രായത്തില് തന്നെ ബിസിനസ് മേഖലയിലേക്ക് കടന്ന വ്യക്തിയാണ് ആരതിപൊടി. ബിഗ് ബോസ് താരം ഡോക്ടര് റോബിന് രാധാകൃഷ്ണനെയാണ് ആരതി വിവാഹം കഴിക്കാന് പോകുന്നത്. കഴിഞ്ഞ ദിവസമായിരുന്നു ഇവരുടെ വിവാഹ നിശ്ചയം. നിരവധി സെലിബ്രിറ്റികളും ബിഗ് ബോസ് താരങ്ങളും ചടങ്ങില് പങ്കെടുത്തിരുന്നു.
കൂടാതെ വിവാഹനിശ്ചയത്തിന്റെ വീഡിയോ എല്ലാം സോഷ്യല് മീഡിയയില് വൈറലായിരുന്നു. വിവാഹനിശ്ചയത്തിന് ആരതി ധരിച്ച ലഹങ്കയും ആരാധകര് ശ്രദ്ധിച്ചിരുന്നു. രണ്ടു ലക്ഷം വില വരുന്ന ലഹങ്കയാണ് ആരതി ധരിച്ചത്. ഫാഷന് ഡിസൈനര് കൂടിയായ ആരതി സ്വയം തന്നെയാണ് ഈ ലഹങ്ക ഡിസൈന് ചെയ്തത്. വിവാഹനിശ്ചയത്തിന്റെ അന്ന് ഇതേക്കുറിച്ച് മാധ്യമങ്ങളോട് ആരതി പറയുകയും ചെയ്തിരുന്നു .
എന്നാല് ആരതി ഈ ലഹങ്ക കോപ്പിയടിച്ചതാണെന്ന് ആരോപിച്ചുകൊണ്ട് ബിഗ് ബോസ് താരം റിയാസ് രംഗത്തെത്തി. ഒരു പ്രമുഖ കമ്പനിയുടെ ലഹങ്കയുമായി സാമ്യമുള്ള ലഹങ്കയാണ് ആരതി സ്വന്തം ഡിസൈന് എന്ന പേരില് അവതരിപ്പിച്ചത് എന്നായിരുന്നു ആരതിയുടെ പേര് പറയാതെ റിയാസ് പറഞ്ഞത്.
ആരതിക്ക് വ്യാജ ഫാന് പേജുകളില് നിന്നുള്ളവര്ക്ക് മുന്നറിയിപ്പ് എന്ന് പറഞ്ഞു കൊണ്ടാണ് റിയാസിന്റെ പ്രതികരണം .പിന്നാലെ ഇതിന് മറുപടിയുമായി രംഗത്തെത്തിയിരിക്കുകയാണ് ആരതി. റിയാസിന്റെ പേര് പറയാതെ ആരതിയും പ്രതികരിച്ചു.
ഞാന് ആരെ വേദനിപ്പിക്കാന് ആഗ്രഹിക്കുന്നില്ല ആരുടെയും തൊഴില് നശിപ്പിക്കാന് ആഗ്രഹിക്കുന്നില്ല. ഈ തെറ്റായി ആരോപണത്തിന് നിങ്ങള്ക്കെതിരെയും ഇതിനെ പിന്തുണച്ച വ്യക്തികള്ക്കെതിരെ ഞാന് കേസ് കൊടുക്കും. ഇത് എന്റെ പരിശ്രമത്തെയും കഠിനാധ്വാനത്തെയും നിങ്ങള് അപമാനിച്ചു എന്നാണ് ആരതി പറഞ്ഞത്
Content Highlight: Riaz followed Aarti Podi without letting go; The actor is ready to file a case
