ബാലതാരമായി എത്തിയ അനിഖ സുരേന്ദ്രന് മലയാളത്തില് ആദ്യമായി നായികയാവുന്ന ചിത്രമാണ് ‘ഓഹ് മൈ ഡാര്ലിങ്’. ചിത്രത്തിന്റെ ട്രെയ്ലര് എത്തിയപ്പോള് മുതല് ഇന്റിമേറ്റ് സീനുകള് ചര്ച്ചയായിരുന്നു.
ഇതുവരെ ബാലതാരമായി കണ്ടിരുന്ന നടിയില് നിന്നും ഇങ്ങനെയൊന്ന് പ്രതീക്ഷിച്ചില്ല എന്ന വിമര്ശനമാണ് ട്രെയ്ലറിലെ ചുംബന രംഗത്തിന് എതിരെ ഉയര്ന്നത്. യുവനടന് മെല്വിന് ബാബുവിനൊപ്പമാണ് അനിഖ ഇന്റിമേറ്റ് സീനില് അഭിനയിച്ചത്.
അനിഖയില് നിന്നും ഇങ്ങനെയൊന്ന് പ്രതീക്ഷിച്ചിരുന്നില്ല തുടങ്ങി നിരവധി മോശമായ കമന്റുകള് ട്രെയ്ലറിന് ലഭിക്കുന്നുണ്ട്. തനിക്കെതിരെ ഉയരുന്ന വിമര്ശനങ്ങളോട് പ്രതികരിച്ചിരിക്കുകയാണ് അനിഖ ഇപ്പോള്.
ഓ മൈ ഡാര്ലിങ് ഒരു മുഴുനീള റൊമാന്റിക് ചിത്രമാണ്. അതില് ചുംബന രംഗങ്ങള് ഒഴിവാക്കാനാവില്ലെന്നും അത് ചെയ്യണമെന്നും സംവിധായകന് തന്നോട് പറഞ്ഞിരുന്നതായാണ് അനിഖ പറയുന്നത്.
ഈ സിനിമയുടെ തിരക്കഥ വിവരിക്കുമ്പോള് തന്നെ അതിലെ ഇന്റിമേറ്റ് സീനുകളുടെ പ്രാധാന്യത്തെ കുറിച്ച് അദ്ദേഹം സൂചിപ്പിച്ചിരുന്നു.
കഥയ്ക്ക് ആവശ്യമുള്ളത് കൊണ്ട് മാത്രമാണ് താന് ആ സീനുകള് ചെയ്തത്. എന്നാല് സിനിമയില് അശ്ലീലം ഉണ്ടാകില്ല. സിനിമ കാണുമ്പോള് പ്രേക്ഷകര് അത് തിരിച്ചറിയും എന്നാണ് അനിഖ പറയുന്നത്. ജിനീഷ് കെ ജോയ് തിരക്കഥയെഴുതി ആല്ഫ്രഡ് ഡി സാമുവല് സംവിധാനം ചെയ്യുന്ന ചിത്രമാണ് ഓ മൈ ഡാര്ലിങ്.
Content Highlight: Anikha has now responded to the criticism leveled against her.
