നടി പൂനം പാണ്ഡെ വീണ്ടും ഭര്ത്തൃ പീഢനത്തിന് ഇരയായി ആശുപത്രിയില്. നടിയുടെ പരാതിയില് മുംബൈ പൊലീസ് സാം ബോംബെയെ അറസ്റ്റ് ചെയ്തു. കാര്യമായ പരുക്കുകളോടെയാണ് നടിയെ ആശുപത്രിയില് പ്രവേശിപ്പിച്ചത് എന്നാണ് റിപ്പോര്ട്ടുകള്. തലയ്ക്കും കണ്ണിനും മുഖത്തിനും ഗുരുതര പരുക്കുകളാണത്രെ. വിഷയത്തില് കൂടുതല് അന്വേഷണം നടക്കും എന്ന് മുംബൈ പൊലീസ് അറിയിച്ചു.
ഇതാദ്യമായല്ല പൂനം പാണ്ഡെ ഭര്തൃ പീഢനത്തിന് ഇരയാകുന്നത്. 2021 സെപ്റ്റംബര് 11 ന് ആണ് പൂനം പാണ്ഡെയുടെയും സാം ബോംബെയുടെയും വിവാഹം കഴിഞ്ഞത്. വിവാഹ ശേഷം ഗോവയ്ക്ക് ഇരുവരും ഹണിമൂണിന് പോയി. അവിടെ വച്ച് ഭര്ത്താവ് ആക്രമിച്ചതിന്റെ പേരില് നടി പൊലീസില് പരാതി നല്കുകയും സാമിനെ അറസ്റ്റ് ചെയ്യുകയും ചെയ്തത് വന് വാര്ത്തയായിരുന്നു.
അവിടെ നിന്നും ജാമ്യം ലഭിച്ച് പുറത്തിറങ്ങിയ ഭര്ത്താവ് സാം ബോംബെയുമായി പൂനം പാണ്ഡെ വീണ്ടും ഒന്നിച്ചു ജീവിച്ചു. ഭാര്യാ - ഭര്ത്താക്കന്മാര്ക്കിടയില് ഇതെല്ലാം സ്വാഭാവികമാണെന്ന് പറഞ്ഞാണ് പൂനം വീണ്ടും ഭര്ത്താവിനെ സ്വീകരിച്ചത്. നീണ്ട നാളത്തെ പ്രണയത്തിന് ശേഷമാണ് പൂനം പാണ്ഡെയും സാം ബോബെയും വിവാഹിതരായത്.
സ്വന്തം അര്ധ നഗ്ന ചിത്രങ്ങളും നഗ്ന ചിത്രങ്ങളും സോഷ്യല് മീഡിയയിലൂടെ പ്രചരിപ്പിച്ച് ശ്രദ്ധ നേടിയ നടിയാണ് പൂനം പാണ്ഡെ. അശ്ലീല ചിത്രങ്ങളിലെ നായികയായ പൂനത്തിന്റെ പല പരമാര്ശങ്ങളും നേരത്തെ വിവാദമായിരു്നനു. 2011 ല് ഇന്ത്യ ലോകകപ്പ് നേടിയാല് നഗ്നയായി ഓടും എന്ന് പറഞ്ഞത് വന് വിവാദമായി.
2013 ല് നാഷ എന്ന ചിത്രത്തിലൂടെ ബോളിവുഡ് സിനമയില് നാന്ദി കുറിച്ച പൂനം, അവിടെയും ഗ്ലാമര് വേഷങ്ങളിലൂടെയാണ് ശ്രദ്ധ നേടിയത്.
Content Highlight: Poonam Pandey hospitalized in critical condition
