കുറച്ചു ദിവസങ്ങൾക്കു മുൻപ് ആയിരുന്നു നടി അപർണ ബാലമുരളിക്ക് ഒരു മോശം അനുഭവം ഉണ്ടായത്. എറണാകുളം ലോ കോളേജിൽ വച്ചായിരുന്നു ഈ അനുഭവം നടിക്ക് ഉണ്ടായത്. ലോ കോളേജിലെ വിദ്യാർത്ഥികളിൽ ഒരാൾ നടിയുടെ കയ്യിൽ കയറി പിടിക്കുകയായിരുന്നു. തുടർന്ന് നടിയുടെ തോളിൽ കയ്യിടാൻ ഇയാൾ ശ്രമിക്കുന്നതും വീഡിയോയിൽ കാണാം. അപ്പോൾ തന്നെ നടി അനിഷ്ടം പ്രകടിപ്പിക്കുന്നത് വീഡിയോയിൽ നിന്നും വ്യക്തമാണ്.
അതേസമയം ഈ വിഷയം ഇപ്പോൾ വലിയ രീതിയിൽ ചർച്ചയായി മാറിക്കൊണ്ടിരിക്കുകയാണ്. നിരവധി പെൺകുട്ടികളാണ് ഈ വിഷയത്തിൽ അഭിപ്രായങ്ങൾ രേഖപ്പെടുത്തിക്കൊണ്ട് എത്തുന്നത് എന്നതും ശ്രദ്ധേയമാണ്. അവർക്ക് ഉണ്ടായ സമാനമായ അനുഭവങ്ങളാണ് പല പെൺകുട്ടികളും ഇതുപോലെ രേഖപ്പെടുത്തുന്നത്. നിരവധി നടിമാരും അവർക്ക് ഉണ്ടായ സമാനമായ അനുഭവങ്ങൾ സമൂഹമാധ്യമങ്ങളിൽ ഇപ്പോൾ രേഖപ്പെടുത്തി കൊണ്ടിരിക്കുകയാണ്.
നടി സജിത മഠത്തിൽ പറയുന്ന കാര്യങ്ങൾ ആണ് ഇപ്പോൾ ശ്രദ്ധിക്കപ്പെടുന്നത്.അറിയപ്പെടുന്ന ഒരു ബുദ്ധിജീവിയിൽ നിന്നും തനിക്ക് മോശം അനുഭവം നേരിട്ടു എന്നാണ് താരം പറയുന്നത്. ഫോട്ടോ എടുക്കാൻ ശ്രമിക്കുന്നതിനിടയിൽ ഇയാൾ തൻറെ തോളിൽ കയ്യിട്ട് ചേർത്തുനിർത്തി എന്നാണ് താരം പറയുന്നത്. ഒരു പരിപാടിക്ക് ഇടയിൽ വച്ചായിരുന്നു ഇയാളോട് കുറച്ചുനേരം സംസാരിച്ചത്. അതിനിടയിൽ ആയിരുന്നു ഫോട്ടോ എടുത്താലോ എന്ന് അയാൾ ഇങ്ങോട്ട് ചോദിക്കുന്നത്. ആവാം എന്ന് പറയുന്നതിനു മുൻപ് തന്നെ അയാൾ തോളിൽ കയ്യിട്ടു ചേർത്തുപിടിച്ചു ക്ലിക്ക് ചെയ്തു എന്നാണ് പറയുന്നത്.
അതേസമയം ഒന്ന് പ്രതികരിക്കുവാൻ പോലും തനിക്ക് സമയം കിട്ടിയില്ല എന്നാണ് നടി പറയുന്നത്. ഈ അസ്വസ്ഥത പിന്നീട് തന്നെ മുഴുവൻ നേരവും പിന്തുടർന്നു എന്നാണ് നടി കൂട്ടിച്ചേർക്കുന്നത്. തോളിൽ കയ്യിടുവാനുള്ള സൗഹൃദം ഒന്നും ഞങ്ങൾ തമ്മിൽ ഉണ്ടായിരുന്നില്ല എന്നാണ് താരം പറയുന്നത്. അടുത്ത കൂട്ടുകാരോട് പറഞ്ഞ് ഈ സങ്കടം താൻ തീർത്തു എന്നും ഇത്തരം കാര്യങ്ങൾ ചെയ്യുന്നതിനുള്ള ശരികേട് നമ്മൾ എപ്പോഴാണ് മനുഷ്യനെ പറഞ്ഞു മനസ്സിലാക്കുന്നത് എന്നുമാണ് താരം ചോദിക്കുന്നത്. അതേസമയം അപർണ ബാലമുരളിയുടെ അസ്വസ്ഥമായ മുഖം ഓർത്തപ്പോൾ തോന്നിയ കാര്യങ്ങളാണ് എന്നാണ് സജിത മഠത്തിൽ പറയുന്നത്.
Content Highlight: Similar experience from that person, after the incident of actress Aparna Balamurali, more stars made a similar statement, did you hear the experience of actress Sajitha Mathil?
