---
title: "എന്നെ കണ്ടപ്പോള്‍ പതുക്കെ എണീറ്റ് ഇരുന്ന് സംസാരിച്ചു, നടി മോളി കണ്ണമാലി ജീവിതത്തിലേക്ക് തിരികെ എത്തുന്നു;  ദിയ സന"
english_title: "Diya Sana says that actress Molly Kannamali is coming back to life"
publisher: "moviemax.in"
canonical_url: "https://moviemax.in/news/91233/diya-sana-says-that-actress-molly-kannamali-is-coming-back-to-life"
published_at: "2023-01-19T15:15:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/63c9115ab2160_moli.jpg"
keywords: []
---

# എന്നെ കണ്ടപ്പോള്‍ പതുക്കെ എണീറ്റ് ഇരുന്ന് സംസാരിച്ചു, നടി മോളി കണ്ണമാലി ജീവിതത്തിലേക്ക് തിരികെ എത്തുന്നു;  ദിയ സന

> **Lead Summary:** അസുഖബാധിതയായി ആശുപത്രിയില്‍ കഴിയുന്ന നടി മോളി കണ്ണമാലിയുടെ ആരോഗ്യസ്ഥിതി വളരെ ഗുരുതരമായിരുന്നു. നേരത്തെ ഹൃദയസംബന്ധമായ അസുഖത്തെ തുടര്‍ന്ന് ചികിത്സയിലായിരുന്ന നടിയ്ക്ക് പെട്ടെന്ന് അസുഖം കൂടുതലാവുകയായിരുന്നു. മോളിയ്ക്ക് വേണ്ടി സഹായം അഭ്യര്‍ഥിച്ച് കൊണ്ട് സിനിമാ, സീരിയല്‍ താരങ്ങള്‍ രംഗത്ത് വരികയും ചെയ്തു.

## Article Content

അസുഖബാധിതയായി ആശുപത്രിയില്‍ കഴിയുന്ന നടി മോളി കണ്ണമാലിയുടെ ആരോഗ്യസ്ഥിതി വളരെ ഗുരുതരമായിരുന്നു. നേരത്തെ ഹൃദയസംബന്ധമായ അസുഖത്തെ തുടര്‍ന്ന് ചികിത്സയിലായിരുന്ന നടിയ്ക്ക് പെട്ടെന്ന് അസുഖം കൂടുതലാവുകയായിരുന്നു. മോളിയ്ക്ക് വേണ്ടി സഹായം അഭ്യര്‍ഥിച്ച് കൊണ്ട് സിനിമാ, സീരിയല്‍ താരങ്ങള്‍ രംഗത്ത് വരികയും ചെയ്തു.

ഇപ്പോള്‍ നടി ജീവിതത്തിലേക്ക് തിരികെ വരികയാണെന്ന സന്തോഷ വാര്‍ത്തയാണ് നടിയും ആക്ടീവിസ്റ്റുമായ ദിയ സന പങ്കുവെച്ച കുറിപ്പിലൂടെ പറയുന്നത്. അടുത്തിടെ മോളി കണ്ണമാലിയുടെ അസുഖത്തെ കുറിച്ച് ദിയ സംസാരിച്ചിരുന്നു. ഇപ്പോള്‍ ആശുപത്രിയില്‍ പോയി നടിയെ നേരിട്ട് കണ്ടതിനെ കുറിച്ചടക്കം ദിയ പറയുന്നു.

'മോളി കണ്ണമാലി ചേച്ചിയെ കാണാന്‍ ആശുപത്രിയില്‍ പോയിരുന്നു... എന്നെ കണ്ടപ്പോള്‍ പതുക്കെ എണീറ്റ് ഇരുന്ന് സംസാരിച്ചു.

ഇപ്പൊ ചേച്ചി ചെറുതായി സുഖം പ്രാപിച്ചു വരുന്നുണ്ട്. ചേച്ചിയെ ICU വില്‍ നിന്നും മാറ്റി റൂമില്‍ കൊണ്ട് വന്നിട്ടുണ്ട്... ഇപ്പോഴും മാസ്‌കിന്റെ സഹായത്തില്‍ മാത്രേ സംസാരിക്കാന്‍ സാധിക്കുള്ളൂ...

ഗൗതം ഹോസ്പിറ്റലില്‍ നിന്നും മാറ്റി ലേക്ക്‌ഷോര്‍ ഹോസ്പിറ്റലില്‍ കൊണ്ടു വന്നു.. ചേച്ചിയുടെ കൂടെ ചേച്ചിയുടെ 2 മക്കളും അവരുടെ ഭാര്യമാരും ഉണ്ട്. എല്ലാവരുടെയും സഹായം കൊണ്ടും പ്രാര്‍ത്ഥന കൊണ്ടുമാണ് ചേച്ചിയെ ഇത് വരെയെങ്കിലും നമുക്ക് എത്തിക്കാന്‍ സാധിച്ചത്.

ഇനിയും ആ കുടുംബത്തിന് നിങ്ങളുടെയൊക്കെ സപ്പോര്‍ട്ട് ഉണ്ടാകണം. മോളി ചേച്ചിയുടെ മകന്‍ ജോളിയാണ് ചേച്ചിയെ റൂമില്‍ മാറ്റിയ വിവരം അറിയിച്ചത്..', എന്നും ദിയ സന പറയുന്നു. 

### Related Links & Sources
- [Original Story Source](https://moviemax.in/news/91233/diya-sana-says-that-actress-molly-kannamali-is-coming-back-to-life)