---
title: "എലികളെ തുരത്താൻ 'എളുപ്പവഴി'; ട്വിറ്ററില്‍ വൈറലായ വീഡിയോ കാണാം "
english_title: "'Easy way' to get rid of rats; The video has gone viral on Twitter"
publisher: "moviemax.in"
canonical_url: "https://moviemax.in/news/90891/easy-way-to-get-rid-of-rats-the-video-has-gone-viral-on-twitter"
published_at: "2023-01-17T19:24:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/63c6a94e5dde9_rat.jpg"
keywords: []
---

# എലികളെ തുരത്താൻ 'എളുപ്പവഴി'; ട്വിറ്ററില്‍ വൈറലായ വീഡിയോ കാണാം 

> **Lead Summary:** **വ്യ**ത്യസ്തമായി എലികളെ തുരത്തുന്ന വീഡിയോ ട്വിറ്ററില്‍ വൈറൽ. ഇത് എപ്പോള്‍- എവിടെ വച്ച് പകര്‍ത്തിയതാണെന്നത് വ്യക്തമല്ല. ഇതിലെ ഉള്ളടക്കമാണെങ്കില്‍ തീര്‍ത്തും സംശയകരവുമാണ്.

## Article Content

**വ്യ**ത്യസ്തമായി എലികളെ തുരത്തുന്ന വീഡിയോ ട്വിറ്ററില്‍ വൈറൽ. ഇത് എപ്പോള്‍- എവിടെ വച്ച് പകര്‍ത്തിയതാണെന്നത് വ്യക്തമല്ല. ഇതിലെ ഉള്ളടക്കമാണെങ്കില്‍ തീര്‍ത്തും സംശയകരവുമാണ്.

ഏറെ അപകടകരമായ രീതിയില്‍ എലികളെ തുരത്തുകയാണ് ഒരാള്‍. എലികളൊളിച്ചിരിക്കുന്ന മാളത്തിനകത്തേക്ക് ഒരു പാമ്പിനെ പതിയെ തുറന്നുവിടുകയാണ് ഇദ്ദേഹം. പാമ്പ് പൂര്‍ണമായും മാളത്തിനകത്തേക്ക് കയറിക്കഴിഞ്ഞ് അധികം വൈകാതെ തന്നെ അകത്തുള്ള എലികള്‍ ഓരോന്നായി പുറത്തേക്ക് ചാടുകയാണ്.

പുറത്തെത്തുന്ന എലികളെയെല്ലാം ഇദ്ദേഹം ഒരു കണ്ടെയ്നറിലാക്കി അടച്ചുവയ്ക്കുന്നു. എല്ലാം കഴിഞ്ഞ ശേഷം മാളത്തിന് പുറത്തേക്ക് തലയിടുന്ന പാമ്പിനെയും വീഡിയോയില്‍ കാണാം.

ഇത് എവിടെയും പ്രായോഗികമായി എലിയെ തുരത്താൻ ചെയ്യുന്നതല്ലെന്നും വെറും ജനശ്രദ്ധയ്ക്ക് വേണ്ടി തയ്യാറാക്കിയ വീഡിയോ ആണിതെന്നും കണ്ട മിക്കവരും കമന്‍റായി രേഖപ്പെടുത്തിയിരിക്കുന്നു.

വീഡിയോ വ്യാജമാണെന്നും ഇങ്ങനെ എലികളെ തുരത്താൻ സാധിക്കില്ലെന്നും ഇത് ആരും അനുകരിക്കാൻ പോലും ശ്രമിക്കരുത്, അത് വലിയ അപകടങ്ങള്‍ വിളിച്ചുവരുത്തുമെന്നുമെല്ലാം ഏവരും ചൂണ്ടിക്കാട്ടുന്നുണ്ട്. എന്തായാലും ലക്ഷക്കണക്കിന് പേര്‍ വീഡ‍ിയോ കണ്ടുകഴിഞ്ഞിട്ടുണ്ട്. നിരവധി പേര്‍ ഇത് പങ്കുവയ്ക്കുകയും ചെയ്തിരിക്കുന്നു.

### Related Links & Sources
- [Original Story Source](https://moviemax.in/news/90891/easy-way-to-get-rid-of-rats-the-video-has-gone-viral-on-twitter)